Mika 2:9 - Iaai Bible 1901 (New Caledonia)

⁹ Ke öbun e obâ omomoiny ik hnyei hnyi umödra je uma ae hmanenang; öbun e hûgûnâ anyik hmanenang ge lakudra nyiele balua.

Mika 2:9 ပူးပေါင်းရင်းမြစ်များ

Salamo 72:19

Ke so adre haisoâ ien ae hmanenang nyiele balua; Ke so e unöngöt hmeledrany hia thithö ge anyin hmanenang. Amen me Amen.

Jeremia 10:20

E kong ut umök uma mano, ke mou but anyik je tö hia thithö: a he but lakuk, ke ba but, e ba hmetu at he ka ulolo umök uma mano, me otilâ anyik hak mano.

Ezekiela 39:21

Ke oge me he ka ip anyik hmanenang hnyi ta je hnyei, kʼ ame he je hnyei hia ka wâ hnok hna owisa waleji oge me ânyâ, me hnyamok waleji oge me ip hudra.

Joela 3:6

ke Öbun e hia but ûco lakon Juda me Jerusalema ka at Heleni, mʼ öbun e he ka oûsâkâûʼ ödra ge idra:

Amosa 2:7

tavat adre me behnyekudra kânâ a e hon ban tavat ae theduoc, kʼ adre me wia gethen deny tavat ae menyik: kʼ ame he at me kamen unyin hlu a khaca, me okongoâ iök ae kap:

Mika 2:2

Ke adre me behnyekudra ta hnyei me hûgûnâ; ke ta je uma, me hom bi: ke adre me ovecâ at me anyin lap, wale at me iny hnyei.

Habakuka 2:14

Anyin ame he ka unöngöt hmeledrany ge hna wâhmakhmetoâ hmanenangi Iehova, helâ me köiö ame tube je taben e.

Zakaria 2:5

Anyin a haba inya, me oge me he ka helâ me hak meic igigilo e, haingö Iehova, anyin a haba inya, me hnân hmanenang hnyi wanben e.

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Mareko 12:40

a hnyat adre me utâ je uma umen je safac, ke hic beû hmâ hnân iyawâ; ame he ka hu ka hnyat eling hnaûhango ae ti gan.

Luka 20:47

ödra adre me walâkâ je uma umen je safac, me hic beû hmâ hnân tube hwakecidra: adre me he ka hu hnaûhango ae gan hmâ.

II. Korinito 3:18

Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

I. Samuela 26:19

Anyin a wale, e na he than a tuhok ka long hofuc hwan athnyabaem. Ame ne ûnyi ga Iehova hnâm hna tot könya, me so e ame be ka kap hut: ke ame ne ûnyi ge tavat, me ödra ka hnaûhango hnyi hnyimakö Iehova: anyin a ödrin e hia but obö nya hnyi bong ang me me ca tha inya me jekhoû Iehova, me ha, ka habe, He thö ka athnyaba ke je khong bi.