Mika 2:2 - Iaai Bible 1901 (New Caledonia)

² Ke adre me behnyekudra ta hnyei me hûgûnâ; ke ta je uma, me hom bi: ke adre me ovecâ at me anyin lap, wale at me iny hnyei.

Mika 2:2 ပူးပေါင်းရင်းမြစ်များ

I. Je Than 21:1

KE hwaban ta je ûnyi e, haba e hu hnyei vine i Nabotha at Jezerela, wale hnyi Jezerela, baten uma umo Ahaba than Samaria.

II. Je Than 9:26

ke haingö Iehova, ka habe, Haba et oge me wâ drö Nabotha, me dren lakon je baga; me haingö Iehova, ka habe, Oge me he ka bi hwaban köu hnyi dok ang. Ke walang ang hom dö me khûâ but e ka hnyi utkânâ, helâ me hofuc ho Iehova.

Jobu 31:38

Ame ne he ik hnyei ka kuku gak, Kʼ ame ne tha tenge je hna belökâ e;

Esodo 20:17

U ca he ka behnyekom uma umen ke at, u ca he ka behnyekom âiân ke at, me athnyabainy a baga, me momo, me haleny bolok, me haleny asina, me ta je ûnyi hia anyin ke at.

Isaia 3:14

Ame he Iehova ka he me owisa ka wahingatiny lakeiny, me latuhödra; ka habe, Öbun e hia but an hia hnyei vine; ke eio hnyi umöbun je uma ta je ûnyi adre hûgûnâ ge tavat ae theduoc:

Isaia 5:8

Ekölö ge tavat adre me bi hanen ke uma ka ke uma, ke bi hanen ke utkânâ me ke utkânâ, ke ne o but ame ba dok hnân laba hnyin, mʼ öbun biju öbun e hake laba hnyi wanben hnyei!

Jeremia 22:17

Ke haba li emâkâm me hnyekom hobi kâu hnâm hna behnyekon, me he ka hingâlâ dra ae ba hnyikongon, me hobi kâu hna okongâo, me ûokonguny, me me ânyâ thö.

Ezekiela 18:12

ke a hia but iyawâ at ae vec me at ae theduoc, ke hûgûnâ omjeû, ke ame ca ohmeto haten, ke ame hia but bwele göranyai ka je idola, me ânyâ ûnyi ae ikiki,

Ezekiela 22:12

E unyâm adre hia but kap je bwihlany mʼ adre me hingâlâ dra; u je hia but hok hwaban ûnyi adre me me ham, ke ta je troban bi, ke u je hia but hwenmiâ ka hom troban ge at ame laba hakekenyi u ge ûöveci, ke u je hnying nya, haingen Than Iehova.

Ezekiela 22:13

Anyin a wale, wâ bi oge hia but khaû li hnyamok can ta je ûnyi ae hu gam a deny ûnyi ae ca ûcû, ke can dra ae hnyi wanbâm.

Ezekiela 33:26

Öbun e tot me anyibun je hele vat, me ânyâ ûnyi ae ikiki, me ve okongoâ laâiân keihen: kʼ ame ka he bi ka ibun hnyei?

Ezekiela 45:9

Walang hna ha hnen Than Iehova, ka habe, Je than Isaraela lö, soju; degec ut öbun ûokonguny, ke sei, me anyâ thö ûnyi ae ûcû me ûnyi ae wisa; ohia ju hnobun hna musi hwege hon lakeik, haingen Than Iehova.

Ezekiela 46:18

Ke haba khaca, ame ca he than ka hûgûnâ hwajekhon tavat, me hagutʼ ödra ûnyi hnyi idra; e ame he ka ham hwajekhon ka je lakon ge iny bi: me me ca vese lakeik hnyi je idra bi.

Ezekiela 8:17

Ke e ame ha könya, ka habe, Nokon at lö, u je wâ but e? Hawa, ûnyi ae hâhâ ka lap anyi Juda wale a gʼ adre me ânyâ je ûnyi ae ikiki wale adre me ânyâ eang? anyin adre hia but öunöngötâ hnyei ge ûokonguny, me hwio hmetu mʼadre me ohmönyini nya: ke wâ bi, adre me inâ anginy ûö ka hnyi je hnyingoidra.

Amosa 2:7

tavat adre me behnyekudra kânâ a e hon ban tavat ae theduoc, kʼ adre me wia gethen deny tavat ae menyik: kʼ ame he at me kamen unyin hlu a khaca, me okongoâ iök ae kap:

Amosa 4:1

LONG ju hofuc ang öbun je kau hnyi Basana, a öbun hnyi je bucen Samaria, a hnyat öbun e ovecâ tavat ae theduoc, me okongoâ tavat ae vec, a hnyat öbun e ha ka latuhöbun, ka habe, Hom but jem me habelihmun.

Amosa 8:4

Long ju hofuc ang öbun tavat öbun e beutâ ta je theduoc, me ota tavat ae vec hnyi hnyei,

Mika 3:9

Ö öbun long ju ang, öbun je at hnathuiny lap anyi Jekob, ke tavat owisa ka lap anyi Isaraela, tavat hûkotiâ hna owisa, me ohwalö ta je ûnyi hia ae ûcû.

Mika 6:12

A unöngötö tavat tren omjeû ge ûokonguny, kʼ ame fuc thoi tavat adre me labâ e, kʼ ame iyawo je bohmödra hnyi je hnyimödra.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

I. Timoteo 6:10

Haba hnyok ka mone, me wale iwân ta je monu hia thithö ae ve bongon: waleji ame hnu hoton hnen keihen mʼ adre me osaûʼ ödra but ûnyi hnyi labageju, ke adre me ka hamödra bi dâ fineci ödra bi hnen ta je vec ae se hia.