Mika 2:13 - Iaai Bible 1901 (New Caledonia)

¹³ Ame he at thö hnyi hnyimakodra: adre me hia but utut me be thö ka hnyi homagoule, me didrut hnyin: ke haba tuhödra ame he hnyi hnyimakodra, ke Iehova a hnyimakan kodra.

Mika 2:13 ပူးပေါင်းရင်းမြစ်များ

Esodo 14:19

Ke haba angela anyin Khong, at ame bân hnyi hnyimakan at Isaraela, ame biliny jut hotudra; ke haba ûlâ at ame tot wisa hnyi hnyi-maködra, e ame hwiö me tot hotudra:

Isaia 42:7

he ka obwela je ecmak ae wadröu, he ka hom but at adre me ca ûnyi hnyi uma ceat, ke tavat adre me laba hnyi menekholom ûnyi hnyi dok adre cö ʼdra hnyin.

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Isaia 52:12

Anyin a öbun e ca he ka he logot, ke öbun e ca he ka kec duöng; anyin ame he Iehova ka bân hnyi hnyimaköbun; kʼ ame he Khongu Isaraela ka he hotubun.

Isaia 55:4

Wâ bi, oge hia but otilâ e hnân at ohnathoâ ka tavat, ke homakan, ke at musi ka tavat.

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Hosea 1:11

Ke ame he ka ûkhacaköu je lakon Juda, me je lakon Isaraela, ke adre me he ka otilâ hobi kodra ke taben a khaca, ke adre me he ka he but ûnyi hnyi hnyei: anyin ame he ka bong ae gan bong bongu Jezerela.

Hosea 13:14

Oge me he ka hûgûnʼ ödra ûnyi hnyi maniny erkemok; oge me he ka omeli ödra ûnyi ge mok: Mok lö, ewa ânyâm je ûokonguny? Erkemok lö, ewa hnâm hna ûhangö? adre me he ka ikhâlâ ietra ge li emakök.

Hosea 2:2

Ivino thö me hinyöbun, ivino thö; anyin a ca öiök ut e, ke ca âiân dut inya: ke so e ame degec anyin bi ûnyi monu ûnyi hnyi hnyimakan, me hnen hna venöu hnyi wanben li basin;

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Mika 2:12

Jekob lö, oge me he ka ûkhacaköuö u hia; e hnathu oge me he ka ûkhöûnâ je kolon Isaraela; oge me he ka tha ip ödra helâ me je mamoe hnyi Bozera; helâ me hnahat meno hnyi idra utkânâ, adre me he ka mede, anyin ae se hia tavat.

Mika 3:1

KE haingök, ka habe, Öbun na long ju, je at hnathu anyi Jekob, me tavat owisa ka lap anyi Isaraela: hawa, ca hamöbun he ka khanʼ öbun hna owisa?

Mika 4:7

ke oge me he ka wia at ame ci me hnân kolon, me at adre degec me hnân hnyei ae hwege: kʼ ame he Iehova ka musi ödra hnyi bucen Ziona, hwân walang ang ke ne o but nyiele balua.

Zakaria 10:12

Ke oge me he ka ha hwegiödra ûnyi ga Iehova; ke adre me he ka ngenu ûnyi ge ien e haingö Iehova.

Heberu 6:20

waleji ame didro kâu Iesu at a bân hobi köta, anyin adre me wia e me me at bihut ae nua nyiele balua helâ me bongu Melekisedek.

Josua 3:6

Ke Josua ame ha ka tavat bihut, ka habe, Vadren dö tangen ûhihinyköu, me hanyâûâ hnyi hnyimakan tavat. Me ödrin e hom tangen ûhihinyköu, me bodrin hnyi hnyimakan tavat.

Hna Omanenâ 17:14

Ame he hnyat eling ka vat me Arenio, ke ame he Arenio ka hwege hudrin, anyin e Tuhan ta je tuhan, me Thaniny ta je than; ke amo he tavat a tha ödra më ka hwege, tavat adre hawâ, me tavat adre ûca, me tavat ae hnathu.

Hna Omanenâ 7:17

anyin ame he Arenio ka hat ödra, waleji a e hnyi wanben theron, ke e ame he ka lili ödra ka hnyi köiöiny möt ame pupua: ke ame be Khong ka kot degecâ ta je deköiö hia ûnyi hnyi ta je emaködra.