Mika 2:12 - Iaai Bible 1901 (New Caledonia)

¹² Jekob lö, oge me he ka ûkhacaköuö u hia; e hnathu oge me he ka ûkhöûnâ je kolon Isaraela; oge me he ka tha ip ödra helâ me je mamoe hnyi Bozera; helâ me hnahat meno hnyi idra utkânâ, adre me he ka mede, anyin ae se hia tavat.

Mika 2:12 ပူးပေါင်းရင်းမြစ်များ

Genese 36:33

Ke ame mokcu Bela, ke haba hwaban, at ame musi, jia Jobab nöku Zera ûheny Bozera.

I. Man Ûlabainy Je Than. 1:44

Ke ame mokcu Bela, ke haba at ame musi hwaban, jia Jobab baga nöku Zera ûheny Bozera.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 27:12

Hnyi bong eling ame he Iehova ka tau wan, hwân hnyi wadutöiny Wagewe, ke ne o but hnyi wageweiny Aigupito, kʼ adre me he ka hlu öbun a ûsa khaca, öbun lakon Isaraela.

Isaia 34:6

A sekon dut ge dra hele vat anyi Iehova, adre me opipikhenya e hnen dren lakon ta je mamoe me ta je got, me pipikhenyainy je wagien je mamoe baga: anyin ae hu hut kö Iehova hnyi Bozera, me ûhlingö ae gan hmâ hnyi knyei Edoma.

Isaia 5:17

Ke ame he lakon mamoe ka han hnyi hna alin ödra ka hnyin, kʼ ame he ta je atkanyua ka han ta je hnyei iny tavat ae pipikhenya adre me hna degecâ.

Jeremia 23:3

Ke oge me he ka hawâ kolon halek ta je mamoe ûnyi hnyi ta je hnyei hia waleji oge obʼ ödra ka hnyin, me ohmetu ödra ka hnyi hnyeuledra; ke adre me he ka hnokoâ sehia me ti sehia.

Jeremia 3:18

Hnyi je bong eling ame he lap anyi Juda ka tha he me lap anyi Isaraela, ke adre me he ka tha o ûnyi hnyi hnyei hnyi hwadro ka hnyi hnyei waleji oge ham ka lakamöbun me hnân ibun.

Ezekiela 34:11

Ke walang hna ha hnen Than Iehova, ka habe, Wâ bi, hamök he ka elâm hnok hnahat mamoe me elelâm.

Ezekiela 34:13

Ke oge me he ka su ödra ûheny unyin tavat, me ûkhacaköu ödra ûheny hnyi je hnyei, me hum ödra ka hnyi idra; ke oge me he ka ha ödra hon je bucen Isaraela, hnyi je deny köiö, me hnyi je ke keihen hnyei adre me labâ.

Ezekiela 34:22

anyin a wale oge me he bi nya ka omelo hnok hnahat mamoe, kʼ adre me ca he hmetu ka sei ödra; kʼ oge me he ka owisa ke meno me ke meno.

Ezekiela 34:31

Ke haba öbun halek je mamoe, je mamoeiny ta ik, öbun je at, ke inya Khongubun, haingen Than Iehova.

Ezekiela 36:37

Walang hna ha hnen Than Iehova, ka habe, Can ûnyi e, hamen lap anyi Isaraela he ka elâm unyik, he ka ânyâ hobi kodra; oge me he ka osehiʼ ödra helâ me hnahat mamoe.

Ezekiela 37:21

Ke ha thö kodra, ka habe, Walang hna ha hnen Than Iehova, ka habe, Wâ bi, oge me he ka hom je lakon Isaraela ûnyi hnyi wanben je hnyei, wale adre me be ka hnyin, me ûkhacaköu ödra ûhedra e he, ke oge me he ka hum ödra ka hnyi idra hnyei:

Hosea 1:11

Ke ame he ka ûkhacaköu je lakon Juda, me je lakon Isaraela, ke adre me he ka otilâ hobi kodra ke taben a khaca, ke adre me he ka he but ûnyi hnyi hnyei: anyin ame he ka bong ae gan bong bongu Jezerela.

Amosa 1:12

Ke oge me he ka kunâ meic ka hnyi Temana, ke ame he ka thong degecâ je uma umen than hnyi Boyera.

Mika 2:13

Ame he at thö hnyi hnyimakodra: adre me hia but utut me be thö ka hnyi homagoule, me didrut hnyin: ke haba tuhödra ame he hnyi hnyimakodra, ke Iehova a hnyimakan kodra.

Mika 4:8

Ke haba u tap tue anyin hnahat mamoe, hut anyin hluiny Ziona me ame he ka o köu; eke, ame he ka o musi a bân, wale dokhu dokhon hluiny Jerusalema.

Mika 5:7

Ke ame he je kolon ga Jekob hnyi wanben je hnyei ae se hia, helâ me dân hau ûnyi ga Iehova, helâ me we ame khukhula hon hna önying; at ame ca bec ge at, ke ame ca halubahingen at.

Mika 5:8

Ke ame he ka e bi kolon ga Jekob unyin ta je hnyei, hnyi wanben tavat ae se hia, helâ me liona unyin je menoiny hnyot, helâ me nak liona hnyi wanben je hnahat mamoe: wale, ame ne he wanben, e ame he ka uto, me oloû kia, ke ba at ame he ka hûgûnâ.

Mika 7:14

Han ju lakem ge ânyâm uci, wale hnahat mamoe a jekhom, wale hnyat adre me hake laba hnyi hnyot hnyi wanben Karemela: e so adre me he ka an tot hmetu hnyi Basana me Gileada helâ me hnyi je bong kâû adrem.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Zefania 3:20

Ke hnyi ûen eling oge me he ka hum öbun, ke hnyi ûen eling oge me he ka ûkhacaköu öbun: ke oge me he ka wiʼ öbun mʼ adre me lung me ogânâ unyin ta je hnyei hia eang hmeledrany, iny ka he ka ohmetu öbun ûhebun hnyi hna bâ wale hnyi hnyimaköbun, haingö Iehova.