Mika 1:8 - Iaai Bible 1901 (New Caledonia)

⁸ Can e oge me he ka tenge tot me huku tenge, ke oge me he ka he monu ke ba ûkhaû me he thu; oge me he ka tenge tot helâ me luko, ke tenge thungâu helâ me ta je iaena.

Mika 1:8 ပူးပေါင်းရင်းမြစ်များ

II. Je Than 18:13

Ke haba hnyi huna a fotini Hezekia than, ame o but Saneribi than Asuria he ka vat me je taun hia adre up haginy veto hnyi Juda, me hûgûnâ.

Esetera 4:1

KE a wâ but Modikai ta je ûnyi hia thithö adre ânyâ, haba Modikai ame kia anyin je ûkhaû, me khavâ ec mano ae gan nân, me botru dröu, me he hnyi wanben taun, me fuc hwege goranyai me tenge:

Jobu 30:29

Iny liamekeiny me je tanimo, Ke liamekeiny me je iaena.

Salamo 102:6

Iny ûcû me kati hnyi hnyebuba; Iny helâ me mun at ame laba hnyi hwaban je hnyaba.

Isaia 13:21

Ke ame he ka mokut eling ta je menoiny hnyot; kʼ ame he ka unöngöt umödra ta je uma ge ta je meno hnân outen, ke ame he ka laba eling je kasida, kʼ ame he je got baga ka walak eling.

Isaia 13:22

Ke ame he je luko ka kuku hnyi je uma umen latuhödra, me ta je iaena hnyi umödra je uma ae kese: ke hakekeny dut ûen he ka o, kʼ ame ca he ka bec bonginy je bong.

Isaia 16:9

Anyin a wale oge me he ka tenge helâ me ûtengien Jazera can vine hnyi Sibema: Hesebona me Eleala lö, oge me he ka hû u ge je deköiök: anyin ame o but hwan vat hon ânyâm je waniny hnyeun me ânyâm menu.

Isaia 21:3

Anyin a wale a unöngötö li fetrem ge vec; ame hum nya hnen vec helâ me momo ame vec hnyekon ame he ka hnokoâ: inya oge me vec me me ca khanö nya long bi; inya oge me öbubuny me me ca khanö nya bwela bi.

Isaia 22:4

Anyin a wale, haingök, Hwio thö gak, oge me he ka tenge hwege; ca huliwa bi he ka otubweli nya, can hna okongoâ hluiny ik hnyei.

Isaia 32:11

Öbun je momo adre me laba wia lö, öbubuny ju; tavat adre me laba monu lö, ot ju: uny jut me me ba ûkhaû, ke hûkölö hnamejibun ju mano ae gan nân.

Jeremia 4:19

Hnyekuk, hnyekuk! oge me vec ut eû hnyi hing hnyik; ame bwebwet hnyekuk eû hnyik; e ca khanönya he ka laba hnyibû; anyin a u je long ut, hanuk lö, ifucin trutru me hwan vat.

Jeremia 9:1

E NA köiö ju bok, ge pupuainy deköien li emakök, me inye he ka tenge hnyi lany me lit can tavat adre me hlingâ aten hluiny ik hnyei!

Jeremia 9:10

Oge me he ka tenge thungaû can ta je bucen, me khumöng tenge can ta je dok a je sajilat hnyi hnyebuba, anyin adre thong degecâ thö, me me ca vheno hnen at; ke ca khana tavat he ka long hwan je meno; ame tha hia but je meno ame gâ ethö me je menoiny hnyok

Jeremia 9:19

Anyin adre me long hnyi Ziona hwan tenge thungaû, ka habe, Ekölö adre sei öta! e gan hmâ anyita hlohlo, anyin ate hia but hna degecâ hnyei, anyin adre hia but kia je hnyabata.

Ezekiela 32:18

Nokon at lö, tenge thö ge aten Aigupito ae se hia, ke hagutʼ ödra but, e, me wahliuny je hnyei ae lung kâû ka hnyi kânâ tha ödra me tavat adre me utut ka hnyi thop.

Mika 2:4

Hnyi ûen eling adre me he ka hai ûhoûcû gabun me tenge thungaû gan hmâ me ha, ka habe, Adre ti öba wan gata; e a hia but wia jekhon lakeik: ekölö ge hnen hna hom e ûnyi gak! e ame khenâ ita ta hnyei ka tavat ûkhin fuc.

I. Samuela 19:24

Ke e ame uny jut je ûkhaûen, ke e ame hnyi perofeta minya hnyi hnyimakö Samuela, me mokut ke ba ûkhaû hnyi bong hia eling me lit hia. Anyin a wale adre me ha, ka habe, Hawa, tha Saulo minya but me je perofeta?