Mika 1:7 - Iaai Bible 1901 (New Caledonia)

⁷ Ke adre me he ka thu omomono je idolainy hia thithö, ke adre me he ka thong degecâ ge meic je troban hia, ke oge me he ka öba wan je khongon hia: anyin a e ame ûkhöûnâ e ge troban momo hnyi gethen, kʼ adre me he ka he hmetu kʼ ame troban momo hnyi gethen.

Mika 1:7 ပူးပေါင်းရင်းမြစ်များ

II. Man Ûlabainy Je Than. 31:1

KE a um dö ûnyi hia eling, me ame he Isaraela hia, wale tavat adre me mwi e, ka hnyi je tauniny Juda, me oamamâ je veto ame tot, me sö degecâ je Aseira, me hagutâ je dok ae gorany, me je taben hut hnyi hnyei Juda hia, me Beniamina, me Eferaima, me Manase, ke ne o but adre me ohia hia thithö. Me haba lakon Isaraela hia adre me ve he ka hnyi je idrin hnyi anyidrin je taun.

Isaia 2:18

Ke ame he ka hia hia but ta je idola.

Isaia 23:17

Ke hnyi obiny je huna a sevente, ame he Iehova ka senâ Turo; ke e ame he ka hmetu ka hnyi hok hwaban, me bi ûnyi monu me je dökhuiny hia hmeledrany hnyi hon kânâ.

Isaia 27:9

Anyin a wale adre me he ka hneû degecâ hulo anyi Jekob, ke walang wan hia hnyi hna ohia anyin hulo; e ka ânyâ je vetoiny hia taben hut, me me helâ me veten inyâ veto adre me oamamâ, me me ca he hmetu ka tot je Aseira, me je hna theati seûno.

Ezekiela 6:6

Kʼ ame he ka ba wan je taun öbun e labâ, ke ba öoyen anyibun je dok ae gorany; me me ba at ke kong ut anyibun je taben hut, me me monumonu ke hia anyibun je idola, me suba degecâ anyibun je hna theati seûno, me ohia anyibun je huliwa.

Hosea 2:12

Ke oge me he ka ohia anyin je vine, me imeta, wale e ame ha gan, ka habe, Wale hwabök a ham könya lawek: ke oge me he ka wia me me hnyot bi, ke ame he je menoiny hnyot ka han.

Hosea 2:14

Anyin a wale, wâ bi oge me he ka lelö e me hom e hnyebuba ai, me ita hofuc kâu.

Hosea 2:5

Anyin a hiny-ödrin ame bi ûnyi monu: momo a hnöku ödrin ame ânyâ ûnyi hnân hmehma; anyin a haingen, ka habe, Oge me he ka hnu hoton lawek, tavat adre me ha ök, me belik köiö, me leûnen mamoe,, me lino, me wakaco, me belik.

Hosea 8:5

Samaria lö, e ame hia but hota degecâ nokon kau unyâm; kʼ ame ubâhlâ thö anyik hmonyin kodra: ke ne o but kehö adre me ca he ka vheno hwakecin ae so?

Hosea 8:6

Anyin a ûnyi ga Isaraela e; kʼ ame ânyâ e hnen at huliwa, ke ca Khong bi e: eke, adre me he ka kot omomono nokon kau anyin Samaria.

Joela 3:3

Ke adre hia but ugleköbâ lakeik; kʼ adre ham da me hwaban momo hnyi gethen, kʼ adre ûcû waina me hwaban hlu, mʼ adre me he ka ic.

Levitiko 26:30

Ke oge me he ka ohia anyibun je dok ae görany, me subâ degecâ hnöbun hna theati seûnö, me khûâ degecâ je unyibun a mokcu ka hnyi hon anyibun je idola ae mok; ke oge me he ka hûköti öbun.

Deuteronomi 23:18

U me ca he ka hom ka hnyi uma umo Iehova hwaban momo hnyi gethen, ke hwaban kuli hnân bi khöbi: anyin a wale li ûnyi a ikikiâ Iehova Khongom.

Deuteronomi 9:21

Ke oge me hom anyibun hulö, wale nokon kau öbun e ânyâ, me thong ge meic, me kokot e, me oamamâ ke ne o but ame sesâ but: ke oge me khûâ sesâiny ka hnyi wagewe ame di ûnyi hnyi bucen.

Hna Omanenâ 18:3

Anyin a ū but ta je hnyei hia ge wainainy tang hmönyininy bi ûnyi monu anyin momo; ke ame bi ûnyi monu me je than eang hmeledrany, kʼ ame tren omjeû tavat ûcû eang hmelen ge maniny hna osenyinâ unyin momo.

Hna Omanenâ 18:9

Ke ame he je thaniny hmeledrany tavat adre me bi ûnyi monu me tha senyin më ka tenge thungaû can ödrin ka wâ hainy hna thong e,

I. Samuela 5:4

Ke ödrin e tot hmetu nyi hnyomakatu, me wâ bi, a ta but hnyikânâi Dagona cicö tang tangö Iehova; ke haba bö Dagona, me li hnyamen ame mokut hnyi hwanuma a mou but, ke e bi unyi Dagona thiju.