Mika 1:5 - Iaai Bible 1901 (New Caledonia)

⁵ Ame o but ta je ûnyi hia eling can hna hanyâûâ hnö Jekob, ke can je hulo anyin lap anyi Isaraela. Ie hna hanyâûâ hnö Jekob? hawa, ca Samaria bi? ke ie je dok ae gorany ga Juda? hawa, ca Jerusalema bi?

Mika 1:5 ပူးပေါင်းရင်းမြစ်များ

I. Je Than 11:7

Haba Solomona ame op dok ae görany hobi kö Kemosa ae ikiki anyi Moab, hnyi bucen ae cicö Jerusalema, me hobi kö Moleka at ae ikiki anyin je laku Amona.

I. Je Than 13:32

Anyin ame he ka hwâdâ hofuc waleji e ame hongot ge hofuc ho Iehova ka hnyi taben hut hnyi Beth-ela, me hon je uma hia hnyi je dok ae görany hnyi je taun hnyi Samaria.

I. Je Than 16:24

Ke e ame ûco ûnyi ga Semeri ong bucen Samaria hwaban lo li talan sileva; ke e ame bi uma hon bucen, me hwenyi ien taun e ame op, me, Samaria, hoton ien at a iny ehac, jia Semeri.

II. Man Ûlabainy Je Than. 34:3

Ke haba hnyi huna a eitiny anyin musi, ke tiga ûhnyûkong, e ame ibi hwân he ka elâm Khongu Davita a kiben: ke haba hnyi huna a twelv e ame hwân ka ohia je dok ae gorany hnyi Juda me Jerusalema, me je Aseira, me je hnatheat, me je hna oköiâ.

II. Man Ûlabainy Je Than. 34:4

Ke ödrin e thö degecâ hnyi hnyimakan je taben hut anyi Baala; ke e ame sö degecâ je hna theati seûno ethö hudrin; ke e ame oamamâ je Aseira, me je hnatheat adre kave, me hna oköiâ, me omomono, me khûâ ka hnyi hon je erkemok anyin tavat bihut ködrin.

Isaia 7:9

Ke Samaria ban ka Eferaima, ke nöku Remalia ban ka Samaria. Öbun e ne ca labageju, e hnathu öbun e ca he ka tethmâ.

Jeremia 2:17

Hawa, u je ca ânyâ hobi köu bi, hnyi hnâm hna digic Iehova a Khongom, waleji hnyi ûen e ame su u eû hnyi gethen?

Jeremia 2:19

Ame he ka thao u hnen bi ânyâm hulo, ke ame he ka û u hnen bi hnâm je hna kolu: anyin a wale khanö u thö me wâ ûnyi ae hiny me kong, wale ge hnâm hna digic Iehova a Khongom, ke u je outö nya, haingen Than Iehova tuhan sabaoth.

Jeremia 23:13

Ke oge hia but wâ hwen monu unyin je perofetainy Samaria: adre me perofeta me haiö Baala, me omonoâ lakeik a at Isaraela.

Jeremia 23:14

Ke oge hia but wâ ûnyi ae ikiki unyin je perofeta hnyi Jerusalema; adre me bi ûnyi monu me vheno thoi, ke adre me ohwegiâ je hnyamen tavat ae kong, me me ca ve ödra hmetu hnyi anyidra hulo: ödra hia thithö adre me helâ me at Sodoma könya, ke haba tavat adre me labā e, ödra helâ me Gomora.

Jeremia 4:18

Hnen dem je gethen me hnâm hna ânyâ hna ohwâdâ köu ta je ûnyi eling; wale ânyâm hulo: anyin ae hiny e; ame o but ka hnyi hnyekom.

Jeremia 5:25

Hnen hwakecibun ae kong hna ohavâ bi ta je ûnyi eling ke hnen anyibun je hulo hna thelöng so.

Jeremia 6:19

Hmeledrany lö, löng ju: wâ bi, oge me he ka hom ûnyi ae kong ka tavat ang, wale troban je ûnykûmenödra, anyin adre me ca hia but löng hok hofuc; ke haba anyik hnanyibu adre hia but hna degecâ e.

Je tenge anyi Jeremi 5:16

Ame kolu but korona ûnyi hnyi hon ta je böhmun: Ekölö gahmun walang ang! anyin ae kong ut hwakecihmun.

Ezekiela 16:46

Ke haba tuhâm Samaria, e me je lakon adre me laba hnyi ke keihen a men: ke haba kem a wakeiat at ame laba hnyi ke keihen a metâm, jia Sodoma me lakon wahlu.

Hosea 7:1

KE oge me be ometo Isaraela, me ame manen bi thö hwakecin ae monu anyin Eferaima, me hulo anyin Samaria; anyin adre me thoi: ke ame didro tavat: venöu, ke haba deö at venöu adre me soh eû hnyou.

Amosa 6:1

EKÖLÖ ge tavat adre me laba wia hnyi Ziona, me tavat adre me laba khotkic hnyi je buceniny Samaria, je at hnathu hnyi je hnyei ae beonuâ, wale ame he ködrin lap anyi Isaraela!

Amosa 7:9

ke ame he ka ba wan je dok ae gorany anyi Isaaka, me ba onyen je dok ae kap anyi Isaraela; ke oge me he ka tot ûcon lap anyi Jeroboama me hele vat.

Amosa 8:14

Tavat adre me khemanyinâ hulöiny Samaria me ha, ka habe, Dana lö, kia inya Khongom; ke kia inya gethen ûheny Bere-seba; ke adre me he ka ta, ke adre me ca he hmetu bi ka tot.

Mika 1:13

At ame laba hnyi Lakisa lö, ca ju kariota ka hnyi meno ame he logot: haba momo e, me hwân hulo ka hluiny Ziona; anyin adre me wâ unyâm je hna hanyâûâ hnen Isaraela.