Mika 1:3 - Iaai Bible 1901 (New Caledonia)

³ Anyin a wâ bi, ame he Iehova ka he ûnyi hnyi hnen, me utut, me ututo je dok ae gorany hnyi hmeledrany.

Mika 1:3 ပူးပေါင်းရင်းမြစ်များ

Jobu 40:12

O ʼdra ju tavat bi gan hia, me ohnyikânâ ju; Me uto ju tavat ae kong hnyi je hnödra.

Salamo 115:3

Ke ethö hnyi drany Khonguta: A hia but ânyâ hia hnen hna weny.

Isaia 25:10

Anyin ame he ka laba hmâ hnyamö Iehova hon bucen ang, ke adre me he ka ututo Moaba hnyi hnen bi, helâ me hna ututo je thatûnyin hwit hnyi köien tatet.

Isaia 26:21

Anyin a wâ bi, ame he Iehova ka he ûheny hnyi hnen hna laba, he ka bi hwaban hulo anyin tavat adre me labā hmeledrany: ke ame he hmeledrany ka omanenâ dren e, ke ame ca he hmetu ka tube ta je hna hlingâ.

Ezekiela 3:12

Ke haba hanu ame köp nya göranyai, ke oge me long hnyi hotuk hofuc hwawadring ae hwege, ame ha, ka habe, E so he ka haisoâ hmanenangi Iehova ûnyi hnyi hnen.

Amosa 4:13

Anyin a wâ bi, haba at ame op je bucen, me mâdrâ ang, me omanenâ ka at ûnykûmenen, at ame wia hnyomakatu me me lit, me vheno je dok ae gorany hnyi hmeledrany; haba ien e, me Iehova Khongon sabaoth.

Amosa 9:5

Anyin a haba Than Iehova tuhan sabaoth, wale thibi e at ame kâlâ hnyei, me ame köiö but, ke amo he tavat hia adre me labâ e ka tenge; ke e ame he ka khibi hia helâ me Wagewe; kʼ ame he ka dit hmetu helâ me Wageweiny Aigupito;

Habakuka 3:19

Iehova Than me wale tang hwegiök, E ame wia li cak me me helâ me can je aila, Kʼ ame he ka ovhenu nya hnyi anyik je dok ae görany. Hobi kâu at ame vhik khumöng hnyi Neginoth.

Zakaria 14:4

Ke haba hnyi bong eling, me ame he li can ka tot hon bucen Elaio, cicö deiö Jerusalema, ke adre me he ka subâ luâ bucen Elaio hnyi wanben e deiö me jio, me ame he ka hu hnyigöulen bucen ae gan; ke ame he ke keihen bucen ka he ka hnyi hwadro, ke haba ke keihen ame he ka he ka hnyi hwaiöu.

Deuteronomi 32:13

E ame otabâ e hon je dok ae görany eang hmelen, Kʼ ame han je troban hnyei, Ke e ame habelen e ge hani ûnyi hnyi kic, Me wakaco ûnyi hnyi oût;

Deuteronomi 33:29

Isaraela lö, u hnahic; Ewa at ae tha ûcû möu, a hnyei Iehova ame omelö; E beciny ûhadruo u, Ke wale hele vatiny ânyâm so! Kʼ ame he je iwahnaihmiony möu ka nom ju köu; Ke u me he ka uto anyidra je dok ae görany.