Mika 1:2 - Iaai Bible 1901 (New Caledonia)

² Öbun ta je hnyei hia lö, long ju; hmeledrany lo, ke ta je ûnyi hia hnyin e, tevehlöng ju: ke so ame he Than Iehova ka ohnathoâ ûcûbun, wale Than hnyi umen uma ae kap.

Mika 1:2 ပူးပေါင်းရင်းမြစ်များ

I. Je Than 22:28

Ke haba Mikaia ame ha, ka habe, U je ne he ka o hmetu me hnahic, awe, a ca ha Iehova a deny inya. Me haingen, ka habe, Long ju öbun tavat hia thithö.

II. Man Ûlabainy Je Than. 18:27

Haba Mikaia ame ha, ka habe, U je ne he ka o me hnahic awe, a ca ha Iehova a deny inya. Ke haingen, ka habe, Long ju öbun tavat hia.

Salamo 11:4

E bi Iehova hnyi umen uma ae kap, Wale Iehova, ethö hnyi drany anyin theron; Haba li emakan ame wâ, kʼ ame cubec lakon at hnen li bademakan.

Salamo 24:1

ANYI Iehova hmeledrany me ta je ûnyi ae unöngötiny; Me ta ogo hnyei, me tavat adre me laba hnyin.

Salamo 28:2

Long ju hwan anyik sumat, iny ka hawo u, Iny ka hai thö li hnyamok ka hnyi dok ae kap u me fuc hnyin.

Salamo 50:1

HABA Khong, a Khong Iehova ame hia but fuc, Me hawâ hmeledrany ûnyi hnyi hna o hnen seûno ke ne o but hnyi hnen hna dit.

Salamo 50:12

Oge ne mekihnânem, me oge me ca he ka ha köu: Anyin a anyik hmeledrany me unöngö-tiny.

Salamo 50:7

Lakeik lö, long ju me inye he ka ha; Isaraela lö, long ju, me oge me he ka ha hnyikongom. Inya thibi Khong, wale Khongom.

Ta je Vejec 8:4

Tavat lö, inya oge me hawʼ öbun, Ke hobi kâu lakon at bi ifucik.

Isaia 1:2

Drany lö, long ju, ke hmeledrany lö, tevehling ju, anyin a Iehova ame hia but fuc me ha, ka habe, Oge hia but hat me tuö je wanakat, ke ödra bi adre me ûkhin fuc mönya.

Isaia 18:3

Öbun hia thithö tavat adre me laba hnyi hmeledrany, ke tavat laba hon kânâ hia, e ka kap goranyai boûdila hon je bucen, wâ thö; ke e ka tûâ trutru long ju öbun.

Isaia 50:7

Ke ame he Than Iehova ka hadruo nya; anyin a wale ame ca kong hnyekuk: anyin a wale oge me ânyâ hnyimakök helâ me oût, ke e khanö nya but a oge me ca he ka hmehma.

Jeremia 22:29

Hmeledrany, hmeledrany, hmeledrany lö, löng ju hofuc ho Iehova.

Jeremia 29:23

can anyin ödre hia but ânyâ hwen monu hnyi Isaraela, ke ödre hia but bi ûnyi monu me laâiân lawaedru, ke ödre hia but ha je hofuc ae thoi hnyi iök, waleji oge ca hûna ködru; ke inya at ae khana e, me ohnatho, haingö Iehova.

Jeremia 42:5

Ke ödrin e ha kö Jeremia, ka habe, Iehova at ame ohnathu öta me owisa kohmun, ohmun ka ca ânyâ bi hoton hofuc ame he Iehova a Khongom ka kunö u më kohmun.

Jeremia 6:19

Hmeledrany lö, löng ju: wâ bi, oge me he ka hom ûnyi ae kong ka tavat ang, wale troban je ûnykûmenödra, anyin adre me ca hia but löng hok hofuc; ke haba anyik hnanyibu adre hia but hna degecâ e.

Jona 2:7

Hnyi ûen ame momonu hanuk eû hnyik, oge me ûnykûmi Iehova: Ke ame o but köu hijik hic ka hnyi ânyâm dok ae kap.

Jona 2:8

Haba tavat adre me hnyok ka ta je ûnyi ae ûnyi baû me thoi, Me adre me degec hing betenge kodra bi.

Habakuka 2:20

Ke e bi Iehova hnyi hnyin umen uma ae kap: e so ame he hmeledrany hia ka laba hnyibû ju hnyi hnyimakan.

Malaki 2:14

Ke öbun e ha ka habe, Anyin a ieû? Anyin a Iehova ame hia but ohnathoâ gam me âiân ânyâm hidröu waleji u je iyawöâ, ke e bi lihum möu, me âiâm u je ûhihinyköu më.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Deuteronomi 32:1

DRANY lö, tevehlöng ju, ke oge me he ka fuc; Ke so hmeledrany ame löng ifucin hnyimök;

Hna Omanenâ 2:11

Haba at ae hu hnyikonyen, long ju hna ha hnen Hanu ka ta je ekalesia. Haba at ae hwege, me ame ca he ka vec hnen mok a loiny.

Hna Omanenâ 2:17

Haba at ae hu hnyikönyen, löng ju hna ha hnen Hanu ka ta je ekalesia. Haba at ame ton, me oge me he ka hân ge mana ae iyong, ke oge me he ka ham kâu ke veto ae hau, ke e hnyi veto ien a teb ûnyi adre set, ae ca khana at, ke so bi at ame kap.

Hna Omanenâ 2:29

Haba at ae hu hnyikonyen, löng ju hna ha hnen Hanu ka ta je ekalesia.

Hna Omanenâ 2:7

Haba at ae hu hnyikonyen löng ju hna ha hnen Hanu ka ta je ekalesia. Haba at ame ton, me oge me he ka ham köu he ka han ûnyi hnyi ûöiny möt, walethö hnyi Paradaiso anyin Khong.

Hna Omanenâ 3:13

Haba at ae hu hnyikonyen, löng ju hna ha hnen Hanu ka ta je ekalesia.

Hna Omanenâ 3:22

Haba at ae hu hnyikonyen löng ju hna ha hnen Hanu ka ta je ekalesia.

Hna Omanenâ 3:6

Haba at ae hu hnyikonyen löng ju hna ha hnen Hanu ka ta je ekalesia.

Owisa 11:10

Me haba wahingatiny Gileada ödrin e thu kö Jefetha, ka habe, Hamö Iehova ka wâ hnathu otin; a ohmun e he ka ânyâ helâ me hwâm hofuc.