Mika 1:16 - Iaai Bible 1901 (New Caledonia)

¹⁶ Ohia but leûnen bâm ke giâ bi; can lakom u me betenge gadrin: ogânâ but dok ae ba leûnen helâ me aeto; anyin adre me he but ka bâ ûhedra unyâm.

Mika 1:16 ပူးပေါင်းရင်းမြစ်များ

II. Je Than 17:6

Ke hnyi huna a naini Hosea, haba than Asuria ame hûgûnâ Samaria, me hom Isaraela Asuria ai, me ip ödrin hnyi Hala, me Habora, hnyi wagewe Gozana, me je taun anyin at Madai.

Jobu 1:20

Haba Jobu ame todrö me kia but anyin ûkhaû, me giâ ban, me ta ju hnyikânâi me khudrung;

Isaia 15:2

Me e ame ölö ka hnyi uma kap, me Dibona, ka hnyi je dok ae gorany he ka tenge: Moaba ame kuku tenge ge Nebo, me Medeba: ame hadreû je bödra hia, kʼ adre me sö degecâ je waidra hia thithö.

Isaia 22:12

Ke hnyi bong eling Than, Iehova tuhan sabaoth ame hawâ he ka tenge, me tenge thungaû, me hadreû, me weikâ mano ae gan nân:

Jeremia 16:6

Ke ame he tavat ae gan me tavat ae ûhnyûkong ka mok hnyi hnyei ang: adre me ca he ka konim ödra; ke ame ca he tavat ka tenge gadra, ke adre me ca he ka thamuö hwadrak ny, me ohadreûâ, adre me ânyâ hnyi hnyamok;

Jeremia 4:8

Can e, weikâ ju öbun mano ae gan nân, tenge thö me kuku; anyin ame ca hmetu gata hmonyin ae gan hmâ anyi Iehova.

Jeremia 47:5

A o but hadreû ban kö Gaza; adre me ohia Asekelona, kolon hnyigöulen anyidra bucen; u me he ka kavi u bi ke ne o but kehö?

Jeremia 6:26

Nokon ik hnyei a hlu lö, oweikö u ju ge mano ae gan nân, seset ju hnyi hnabadröu: tenge thungaû thö helâ me at ame tenge ge nokon a khaca, ame tenge thungaû hwege; anyin ame he ka ie o köta at sei.

Jeremia 7:29

Jerusalema lö, subâ luâ but leûnen bâm, me degec e, ke tenge thungaû thö hnyi dok ae gorany; anyin a hia but Iehova degec me hna but dö e ame hmonyin kâu.

Je tenge anyi Jeremi 2:19

Todrö, hongot dö hnyi hnyinghet hnyi je hna hmak a bân; Hingâlâ but hnyekom helâ me köiö hnyi hnyimakan Than; Hai thö kâu li hnyamâm ge melen lakom a je wanakat, Wale adre me ta mok hnen hmiâ hnyi je hna saû hnen je gethen hia.

Amosa 7:11

Anyin a walang hna ha hnö Amosa, ka habe, Ame he Jeroboama ka mok ge hele vat, ke e hnathu adre me he ka hom bâ at Isaraela ûnyi hnyi idra.

Amosa 7:17

anyin a wale walang hna ha hnö Iehova, ka habe, Ame he âiâm ka helâ me momo hnyi getheniny taun, kʼ ame he ka ta lakon obaga me wahlu ge hele vat, ke adre me he ka khenâ em hnyei ge tulut tö; ke u me he bi ka mok hnyi hnyei ae ikiki, ke e hnathu adre me he ka hom bâ at Isaraela ûnyi hnyi idra hnyei.

Amosa 8:10

Ke oge me he ka wia anyibun je bijeû ka hnyi tenge, me anyibun je khumöng hia ka hnyi, tenge thungaû; ke oge me he ka oâ ka hnyi ta je hnyin hia mano ae gan nân, me ohadreûâ ta je ban hia; ke oge me he ka wia e helâ me hwatenge can nokon a khaca, me obiny e helâ me bong vec.

Deuteronomi 28:41

U me he ka hnokoâ je baga me momo, kʼ ödrin e ca he ka lakom bi; anyin adre me he ka hum ödrin ka hnyi hwenbâ.