Mika 1:11 - Iaai Bible 1901 (New Caledonia)

¹¹ He thö hnyi hmehma ke ba ûkhaû, at ame laba hnyi Safira: ame ca o but at ame laba hnyi Zaanan; kʼ ame he tenge tot hnyi Beth-ezel ka ohia gabun at ame tethmâ.

Mika 1:11 ပူးပေါင်းရင်းမြစ်များ

Isaia 16:2

Ke ame he wahluiny Moaba hnyi je hna utihai hnyi Arenona ka helâ me je meno ame gâ monu, ke helâ me hâûeu meno adre oveseâ.

Isaia 20:4

helâe minya ame he than Asuria ka lelö at Aigupito a je bâ me at Aithiope tavat adre me ca, wahidröu me wahingat ae ba ûkhaûidra me tangen hnyeucadra, kʼ adre ca tube je hûjiödra me me hmehma Aigupito.

Jeremia 13:22

Ke u je ne ha eû hnyi hnyekom, ka habe, Can ieû ame o könya ta je ûnyi ang? can ûganiny hwakecâm ae kong adre hai obiny ânyâm ûkhaû, me adre me okongoâ ohmâiny li cam.

Jeremia 48:6

Kec dö, omeli öbun dö, me öbun e he ka helâ me ûö ae ba lan hnyi hnyebuba.

Jeremia 48:9

Ham dö li labenyin kö Moaba, me me gâ me kec: ke ame he ka ba onyen je tauniny, ke ba bi aten.

Ezekiela 16:37

anyin a wale, wâ bi, oge me he ka ûkhacaköu je lawem hia, waleji u je ûsenyinköu mödra, me tavat hia waleji u je wem, tha ödra me tavat hia waleji u je hûkotiâ; oge me he ka ûkhacaköu ödrin ûcom igigilo, me omanenâ unyâm kodra, mʼ adre me he ka wâ unyâm hia.

Ezekiela 23:29

ke adre me he ka ânyâ köu hnyi hmonyin, me hom hia hwabâm, me hnö u bi ke ba ûkhaû me he thu: ke ame he ka manen dut hmehmainy hnâm je hna bi ûnyi monu wale hwakecâm ae ikiki, me ânyâm je bi ûnyi monu.

Mika 1:8

Can e oge me he ka tenge tot me huku tenge, ke oge me he ka he monu ke ba ûkhaû me he thu; oge me he ka tenge tot helâ me luko, ke tenge thungâu helâ me ta je iaena.

Nahuma 3:5

Haingö Iehova tuhan sabaoth, ka habe, Wâ bi, e ve inya but möu, ke oge me he ka hai ânyâm ûkhaû ka hnyi hnyimâkâm; ke oge me he ka omanenö u ka ta je hnyei ke ba ûkhaûâm, me ânyâm hmehma ka ta je dökhu.

Zakaria 14:5

Ke öbun e he ka kec me gethen hnyi hnyigöulen anyik je bucen: anyin ame he ka he ke ne o but hnyi Azale hnyigöulen je bucen: eke, öbun e he ka kec helâji me hnobun hna kec ge hwiöi hnyi je bong bongu Uzia than Juda: ke ame he Iehova Khonguk ka o, ke ame he ka tha o möu tavat hia ae kap.

Josua 15:37

Ke Zenan, me Hadasa, me Migedola-gada;