Mataio 9:6 - Iaai Bible 1901 (New Caledonia)

⁶ Ke so bi möbun e he ka wâ ae tren man Nokon at eang hmeledrany he ka thang ta je hulö (me e ame ha ka at ae mat, ka habe) Todrö, hom minya thö hnâm me he thö ka hnyi umâm uma.

Mataio 9:6 ပူးပေါင်းရင်းမြစ်များ

Isaia 43:25

Inya, inya thibi at ame kot degecâ hnâm ta je hna hanyâûâ cak bi; ke oge me ca he ka ûnykûme ânyâm ta je hulo.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Mataio 4:24

Ke e ame lung igigilo Suria hia thithö: me adre me hom but kâu tavat ae mok hia thithö, wale ame takû ödra ge je ve mok me vec, tavat a delec demoni, me ing, me mat, me e ame omeli ödra.

Mataio 8:20

Ke haba Iesu ame ha kâu, ka habe, Haba ta je alope, me hu hnödra hnyi kânâ, ke haba ta je meno ame ga ethö, me hu haûödra; ke haba bi Nokon at, me ba hnân omokulec ban hnyin.

Mataio 9:2

Ke wâ bi, adre me sam but kâu at ae mat ame mokut hon hnen: ke haba Iesu ame wâ anyidrin labageju me e ame ha ka at ae mat, ka habe, Nöhuk, senyin dö; adre hia but hna degecâ ta je hulö gam.

Mataio 9:5

Anyin a ieû ae hâhâ, he ka ha, Adre hia but thang ta je hulö gam; a me ne he ka ha ka habe, Todrö me he thö?

Mataio 9:7

Me e ame todrö me he ka hnyi umen uma.

Mareko 2:10

Ke so bi mʼ öbun e he ka wâ ae tren man Nokon at eang hmeledrany he ka thang degecâ ta je hulö, (e ame ha ka at ae mat, ka habe,)

Mareko 2:7

Ehö at ang ame fuc helâe? e ame ha bigan ka Khong: ia ae khana he ka thang degecâ ta je hulö, a hake Khong thibi?

Luka 5:21

Haba tavat sihnalimen me ta je Faresaio adre me hwân he ka ûhnenamö ka habe, Ia e ame fuc bigan? Ia ae khana he ka hna degecâ ta je hulö ke hake Khong thibi?

Ioane 10:28

ke oge me ham ködra möt ame ca ba balua; ke adre me ca he ka mok nyiele balua, ke ba ke at ame he ka hûgûnʼ ödra ûnyi hnyi hnyamok.

Ioane 17:2

waleling u je hna e he ka muso tavat hia, me me he ka ham möt ame ca ba balua kodra hia u je ham kâu.

Ioane 5:27

ke e ame ham minya kâu man he ka hnei, anyin a e Nokon at.

Ioane 5:8

Iesu ame ha kâu, ka habe, Todrö hom minya thö hnâm me he thö.

Ta je huliwa 5:31

E thibi at Khong ame ogöranyâ hnen hnyamen a metân hnân Than me At ûhomeli, me me he ka ham ka at Isaraela ietra, me hna thang ta je hulo.

Ta je huliwa 9:34

Haba Peteru ame ha kâu, ka habe, Ainea lö, haba Iesu Keriso ame osoi u: todrö, me ânyâwia hnâm hna mokut. Me e ame ie todrö.

II. Korinito 2:10

Anyin a haba at öbun e onuâ anyin monu, me oge me he bi nya ka önuâ: anyin a haba ûnyi oge hia but onuâ, a ne hu hnok hna önuâ, me oge me ânyâ ûnyi gabun hnyi hnyimakan Keriso;

II. Korinito 5:20

Anyin a wale, öhmun je metâ anyin Keriso, helâke Khong ame khöû ûnyi gahmun: ke öhmun e sumatʼ öbun, hobi kâu Keriso, ka habe, ûsoköu öbun ju me Khong.

Efeso 4:32

ke so öbun e ibe-tengiököu, ke ûhnyokköu, ke ûhnasoâköu, helâ me hnen Khong hna hna soi öbun ge Keriso.

Kolose 3:13

ûhokhnyokâköuâ, me ûhnaköuâ a ne hu veciny ke at ge ke at; haba Keriso ame hnʼ öbun, me so öbun ânyâ helâe: