Mataio 9:22 - Iaai Bible 1901 (New Caledonia)

²² Haba Iesu ame hwio thö me wâ momo, me ha, ka habe, Nokuk lö, senyin dö, u je mödrut hnen ânyâm labageju. Ke ame mödrut momo hnyi ûen eling.

Mataio 9:22 ပူးပေါင်းရင်းမြစ်များ

Mataio 15:28

Me haba Iesu ame thu me ha ka momo ka habe, Momo lö, e gan hmâ ânyâm labageju: e so he ka e köu helâ me hnâm hna wem. Me ame möt ut nokon hlu cicö ûen eling.

Mataio 17:18

Haba Iesu ame thawâ e, me ame didrut demoni ûnyi hnyin: me ame möt dö da hwân hnyi ûen e.

Mataio 8:13

Ke haba Iesu ame ha ka keneturio, ka habe, He thö, ke adre me he ka ânyâ hobi köu e ûcû me ânyâm labageju. Me ame so but athnyabainy hnyi ûen cici eling.

Mataio 9:2

Ke wâ bi, adre me sam but kâu at ae mat ame mokut hon hnen: ke haba Iesu ame wâ anyidrin labageju me e ame ha ka at ae mat, ka habe, Nöhuk, senyin dö; adre hia but hna degecâ ta je hulö gam.

Mataio 9:29

Me e ame kâlâ li emaködru, me ha, ka habe, Ame he ka e bi köbu helâ me hnöbu hna labageju.

Mareko 10:52

Ke haba Iesu ame ha kâu, ka habe, He thö, u je so but hnen ânyâm labageju. Me e ame ie bwele but, me he hoton eû hnyi gethen.

Mareko 5:34

Me e ame ha ka momo, ka habe, Nokuk lö, u je möt ut hnen ânyâm labageju; he thö me hnahic, me u je mödrut ûnyi hnyi ânyâm mok.

Luka 17:19

Me e ame ha kâu, ka habe, Todrö, he thö, u je mödrut hnen ânyâm labageju.

Luka 18:42

Ke haba Iesu ame ha kâu, ka habe, U je bwela but: u je mödrut hnen ânyâm labageju.

Luka 7:50

Ke e ame ha ka momo, ka habe, U je mödrut ge ânyâm labageju; he thö me hnahic.

Luka 8:48

Me e ame ha ka momo, ka habe, Nokuk lö, u je mödrut ge ânyâm labageju; he thö me hnahic.

Ioane 4:53

Me ame wâhmakhmeto kamen ka habe, wale awa a ha hnyin kâu Iesu, ka habe, A mödrut nokom: me e ame labageju me anyin hia lap.

Ta je huliwa 14:9

E ame ling Paulo ame fuc: me e ame wâ hmâ e, me wâhmakhmeto ae unyin labageju hnân osoâ,

Ta je huliwa 16:18

Ke se hia je bong e ame ânyâ e. Me ame hmak hnyekon Paulo, me e ame hwio me ha ka hanu, ka habe, Inya oge me ha köu hnyi iö Iesu Keriso he ka didrut ûhem hnyi hnyin. Me e ame didrut hnyi awa eling.

Heberu 4:2

Anyin adre hia but khetâ köta je ûthumetu ae so helâ mʼ ödra: ke ba troban kodra hofuc adre me löng, anyin adre me ca ûhûjâköu ödra hnen labageju me tavat adre me löng.