Mataio 9:2 - Iaai Bible 1901 (New Caledonia)

² Ke wâ bi, adre me sam but kâu at ae mat ame mokut hon hnen: ke haba Iesu ame wâ anyidrin labageju me e ame ha ka at ae mat, ka habe, Nöhuk, senyin dö; adre hia but hna degecâ ta je hulö gam.

Mataio 9:2 ပူးပေါင်းရင်းမြစ်များ

At Khet 9:7

He thö u, an ju âm jeû, me senyin me ijem ânyâm waina me hnyok ame hobâ; anyin a hia but Khong walang ang kap ânyâm ta je huliwa.

Isaia 44:22

Oge hia but kot degecâ hnâm ta je hna hanyâûâ helâ me ûlâ ae khot, me ânyâm ta je hulo helâ me ûlâ: hmetu ju könya, anyin a oge hia but ûcû u.

Mataio 14:27

Ke haba Iesu ame ie fuc ködrin, ka habe, Hwege thö; inya bi; ca ot.

Mataio 4:24

Ke e ame lung igigilo Suria hia thithö: me adre me hom but kâu tavat ae mok hia thithö, wale ame takû ödra ge je ve mok me vec, tavat a delec demoni, me ing, me mat, me e ame omeli ödra.

Mataio 6:12

Thang ut ta je monu gahmun, helâ me hnöhmun hna thang ut ta je monu gadra adre me okongu ohmun.

Mataio 8:10

A long ut Iesu, me e ame lâiâ, me ha ka tavat adre me he hoton, ka habe, E hnathu, inya oge me ha köbun, inya oge me ca wâ hnyi Isaraela labageju ae gan a helâe.

Mataio 8:16

Ke hnyi sahac ödrin e hom kâu tavat ae se hia a dilic ödra demoni: me e ame obâ je hanu ge hwan hofuc, me osoâ ta je mok hia:

Mataio 9:22

Haba Iesu ame hwio thö me wâ momo, me ha, ka habe, Nokuk lö, senyin dö, u je mödrut hnen ânyâm labageju. Ke ame mödrut momo hnyi ûen eling.

Mataio 9:5

Anyin a ieû ae hâhâ, he ka ha, Adre hia but thang ta je hulö gam; a me ne he ka ha ka habe, Todrö me he thö?

Mataio 9:6

Ke so bi möbun e he ka wâ ae tren man Nokon at eang hmeledrany he ka thang ta je hulö (me e ame ha ka at ae mat, ka habe) Todrö, hom minya thö hnâm me he thö ka hnyi umâm uma.

Mareko 1:32

Hnyi sahac, ke ame he but ka dit seûno, me adre me hom but kâu ta je komok hia, me tavat a dilic ödra demoni.

Mareko 10:49

Ke haba Iesu ame todru me ha, ka habe, Hawâ thö. Me adre me hawâ wadröu, me ha kâu ka habe, Hwege thö, todrö, e ame hao u.

Mareko 5:34

Me e ame ha ka momo, ka habe, Nokuk lö, u je möt ut hnen ânyâm labageju; he thö me hnahic, me u je mödrut ûnyi hnyi ânyâm mok.

Mareko 6:50

anyin a ödrin hia ödrin e wâ e, me hlohloâ. Ke e ame ie ha hofuc ködrin, ka habe, Hwege thö: inya thibi; ca ot bi.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Ioane 2:25

ke ca ûnyi hnathu kâu a gʼ ame he at ka omanenâ hwakecin at; anyin a e ame wâhmakhmetoâ ta je ûnyi eû hnyi hnyin at.

Ioane 21:5

Iesu ame ha ködrin, ka habe, Lakuk lö, e hu hanibun? Me ödrin e thu kâu, ka habe, E ba.

Ta je huliwa 14:9

E ame ling Paulo ame fuc: me e ame wâ hmâ e, me wâhmakhmeto ae unyin labageju hnân osoâ,

Ta je huliwa 19:12

wale mʼ adre me hom but ûnyi hnyi unyin ka ta je komok je hageca me ecmano, me ame hia but je mok gadra, me didrut ta je hanu ae kong ûnyi hnyi je hnyekudra.

Ta je huliwa 23:11

Ke eâu hnyi lit, haba Than ame tot unyin me ha, ka habe, Hwege thö: anyin a u me he ka ohnathu nya hnyi Roma helâji me hnâm hna ohnathu nya hnyi Jerusalema.

Roma 5:11

Ke ca hake wale thibi ang, ke ate me senyin ka Khong ûnyi ge Tuhöta Iesu Keriso, wale ate me kap ûsoköu ûnyi gan.

Iakobo 2:18

Eke, ame he ke at ka ha, ka habe, E hu but gam labageju, ke hu but inya gak ta je huliwa: omanenâ thö könya ânyâm labageju ae ba huliwa hnyin, ke oge me he inya ka omanenâ hnen anyik je huliwa.