Mataio 9:15 - Iaai Bible 1901 (New Caledonia)

¹⁵ Ke haba Iesu ame ha ködrin, ka habe, Hawa, e khana lahanen at a tep faipoipo he ka tenge, e ka tiga e unyidrin at a tep faipoipo? ke ame he ka o je bong me adre me he ka hom dö gadrin at a tep faipoipo, me wale ûen ödrin e he ka ânyâ hnyin ca han.

Mataio 9:15 ပူးပေါင်းရင်းမြစ်များ

Isaia 22:12

Ke hnyi bong eling Than, Iehova tuhan sabaoth ame hawâ he ka tenge, me tenge thungaû, me hadreû, me weikâ mano ae gan nân:

Mataio 9:14

Me ame o but kâu latö Ioane, ödrin e ha kâu, ka habe, Ieû ang a ohmun osehia but me ta je Faresaio labö ânyâ ca han, kʼ ame ca hnyi ânyâ ca han lâtâm.

Mataio 9:16

E ba at ame ûtibetköuâ ecmano ae hât ka hnyi ûkhaû ae bobot ut; anyin a haba ecmano hnân okhötâ ame okongoâ ûkhaû me ame gan hmâ but mou.

Mareko 2:19

Ke Iesu ame ha kodra, ka habe, Hawa, e khana lahanen at a tep faipoipo he ka ânyâ ca han ke tiga e unyidrin at a tep faipoipo? E ca khanʼ ödra he ka ânyâ ca han, e ka tiga laba unyidra at a tep faipoipo.

Mareko 2:20

Ke ame he ka o ûen he ka hom gadra at a tep faipoipo, me wale but e ûen adre me he bi ka ânyâ hnyin ca han.

Luka 17:22

Ke e ame ha ka laten, ka habe, Ame he ka o ûen, öbun e he ka weny he ka wâ ke bonginy Nokon at, ke öbun e ca he ka wâ.

Luka 5:34

Ke haba Iesu ame ha ködra, ka habe, Hawa, e khanʼ öbun he ka ocahanâ je lahanen at a tep faipoipo, ke tiga e bi unyidrin at a tep faipoipo?

Luka 5:35

Ke ame he ka o je bong, me adre me he ka hom dö at a tep faipoipo, wale but e ûen ödrin e he ka ânyâ hnyin ca han.

Ioane 16:6

Ke unöngötö je hnyekubun ge hlöuhlöu hnyi hnok hna ha ta je ûnyi e köbun.

Ioane 3:29

Haba at ae hu hlu a teb faipoipo, me wale baga a teb faipoipo mē, ke haba hanen baga a teb faipoipo, at ame tot ka long e, me ame senyin gan hmâ ge ifucin at a teb faipoipo: anyin a wale e hwâdâ but anyik senyin ang.

Ta je huliwa 14:23

Ke ödre hia but otilâ wahingat hobi kodra hnyi ta je ekalesia, ke ödre hic me ânyâ ca han, me ödru me hnʼ ödra but ka Than, at adre me labageju kâu.

I. Korinito 7:5

Ca behânâ ke at hnen ke at, ke so bi e tha hnyekubu hnyi ke ûen, möbu me he ka hnʼ öbu but ka hic, me öbu me he ka tha laba hmetu bi, wâ e nye cubic öbu Satana anyin ae ca khanʼ öbu hokhnyok.

II. Korinito 11:27

inya hnyi huliwa ae hmak, me vec, me osehia hmâkâ, me mekihnânem, me beic, me ibiose hokhnyok, me hnyi megic, me he thu.

Hna Omanenâ 19:9

Ke haingen könya, ka habe. Sihnalimen ju, ka habe, Hnödra hnahic adre me hawâ ka hnyi bijeûiny faipoipo anyin Arenio. Ke haingen könya, ka habe, Wale hofuc ae hnathu hwan Khong.

Hna Omanenâ 21:2

Ke inya oge me wâ taun ae kap, Jerusalema a teb ûnyi, ame utut ûheny hnyi drany ûnyi ge Khong, adre penapena helâ me hlu ame he ka faipoipo, adre theibâ e hobi kâu âiân.