Mataio 8:8 - Iaai Bible 1901 (New Caledonia)

⁸ Haba keneturio ame thu me ha kâu, ka habe, Taböny Than, iny ca ûcû mʼ u me he ka dit ka hnyi umök uma: ke so bi u me he ka ha thibi ke hofuc, me me he ka möt ut athnyabaik.

Mataio 8:8 ပူးပေါင်းရင်းမြစ်များ

Genese 32:10

e ca ûcû nya at ae ûhnyûkong hnyi je ibetengiö hia, me hnathu hia, waleji u je omanenâ ka athnyabaem; anyin oge hanyâûâ Joridano eang me anyik uci; ke walang ang lo but anyik li bunyen.

Salamo 10:17

Iehova lö, u je hia but löng weny tavat ae hnyikânâ: U me he ka otilâ hmâ je hnyekudra, u me he ka tevehlöng:

Salamo 107:20

E ame kunâ hwan hofuc, me ohmetu ödra, Me omeli ödra ûnyi hnyi anyidra ta je thop.

Salamo 33:9

Anyin a e ame fuc, me ame aat: E ame hûna, me ame tethmâ.

Numera 20:8

Hom dö uci, ke ûkhacaköuâ tavat, a u, me Arona liamekeiny möu, ke öbu me he ka fuc ka kic hnyi hnyimaködra, me ame he ka ham köien; ke u me he ka oâ köiö ûnyi hnyi kic hobi ködra: ke u me he ka habelen ûkhacaköu, me haledra omeno.

Mataio 3:11

Haba inya oge me bapataisoi öbun ge köiö ka hnyi ietra: ke haba at ame he jem hotuk ae beönua huk, ae ca ûcû nya bi he ka hom taben li hnyeûcan: e ame he ka bapataisoi öbun ge Hanu Kap me meic:

Mataio 3:14

Ke haba Ioane ame bethawâ e, me ha, ka habe, E so u me he bi ka bapataisoi nya, ke u me he but könya?

Mataio 8:3

Me e ame inâ but hnyamen me kâlâ, me ha; ka habe, E bewek; u je so but. Me ame ie hia but hnân lepera.

Mataio 8:7

Ke e ame ha kâu, ka habe, Oge ma he, ka osoâ e.

Mataio 8:9

Anyin a inya bi at ame long musi, ke e hu gak ta je soja: ke inya oge me ha ka ke at, He thö, me, e ame he; me ka ke at, Aiö u, me, e ame he könya; me ka athnyabaik, Ânyâ thö e, me, e ame ânyâ.

Luka 15:19

ke ca ûcû hmetu he ka hawo nya me nokom: ha thö inye he ka helâ me ânyâm ke hlu.

Luka 15:21

Haba nokon ame ha kâu, ka habe, Cica lö, oge hia but monu ka hnyi drany me hnyimâkâm, ke ca ûcû hmetu ka hawo nya me nokom.

Luka 5:8

Ke a wâ but ga Simona Peteru, me e ame ta ju hnyi li bouca Iesu me ha, ka habe, Than lö, he thö gak, anyin a iny at ae kong.

Ioane 1:27

wale at ame biliny hotuk, iny ca ûcû he ka thang hna hûkâlâ taben li hnyeûcan.