Mataio 8:27 - Iaai Bible 1901 (New Caledonia)

²⁷ Haba tavat ödrin e lâiâ me ha, ka habe, Ehö at ang, ame long kâu köiö me ang?

Mataio 8:27 ပူးပေါင်းရင်းမြစ်များ

Mataio 14:33

Ke haba aten hu ödrin e khudrung kâu, me ha, ka habe, E hnathu u thibi Nokon Khong.

Mataio 15:31

me me lâiâ tavat ae se hia, hnyi ûen adre me wâ ta je hum adre me fuc, me je bâbu adre me so but, me je mat adre me he: me adre me ogânâ Khongon Isaraela.

Mataio 8:10

A long ut Iesu, me e ame lâiâ, me ha ka tavat adre me he hoton, ka habe, E hnathu, inya oge me ha köbun, inya oge me ca wâ hnyi Isaraela labageju ae gan a helâe.

Mataio 8:26

Me e ame ha ködrin, ka habe, Ieû gabun öbun e ot hnyat labageju ûhnyûkong? Me e ame todrö, me thawâ ang me köiö; me ame ta but hau ae gan hmâ.

Mataio 8:28

Ke e ame khop dö hnyi ke keihen, hnyi hnyei iny at Gadara, me ame ûkhanö mē li at a dilic ödru demoni, ödru me he ûhedru hnyi je erkemok, ödru ti hwege monu, wale, me me ba at ame vheno gethen eling.

Mareko 1:27

Ke ödra hia adre me lâiâ, me ûhne-namököuâ, ka habe, Ieû ong? hna ûne ae teb ûnyi! anyin a e ame muso ta je hanu ae kong hnen man, me ödrin e long kâu.

Mareko 6:51

Ke e ame ölö thö ködrin ka hnyi hon hu; me ame ta but hau: me ödrin e lâiâ gan hmâ hnyi je hnyekudrin;

Mareko 7:37

Me adre me lâiâ gan hmâ, me ha, ka habe, E so hnen hna ânyâ hia: e ame olöngâ ta je wejiji, me ofucâ ta je hum.