Mataio 8:26 - Iaai Bible 1901 (New Caledonia)

²⁶ Me e ame ha ködrin, ka habe, Ieû gabun öbun e ot hnyat labageju ûhnyûkong? Me e ame todrö, me thawâ ang me köiö; me ame ta but hau ae gan hmâ.

Mataio 8:26 ပူးပေါင်းရင်းမြစ်များ

Salamo 65:7

Wale at ame ohnyibö iūiny je köiö, a iūiny je wabuluiny, Me imonumonuiny ta je hnyei.

Salamo 89:9

U je muso hmanenanginy köiö: E ka o thö ta je waköiöiny, u thibi at ame otahauâ.

Isaia 63:12

At ame su ödra ge benyen ae hmanenang tha e me hnyam a metö Mose? at ame subâ luâ köiö hnyi hnyimakodra, me wia hobi kâu bi ien a nyiele balua?

Nahuma 1:4

E ame thawâ köiö me omada e, me ohmö ta je wagewe hia: e sënyin thö Basana me Karemela, e meleca thö vongon hnyi Lebanona.

Habakuka 3:8

Hawa, Iehova ame hmonyin ka je wagewe? Hawa, u me hmönyâm ka je wagewe, Ke wathethot ge köiö ae gan, Mʼ u me tabâ halem je hors, Ke ta je kariotainy ânyâm ûhomeli?

Mataio 16:8

Haba Iesu ame wâhmakhmeto, me e ame ha, ka habe, Öbun hnyat labageju ûhnyûkong lö, ieû gabun öbun e ûhnenamököuâ anyin ae ba areto?

Mataio 17:20

Me e ame ha ködrin, ka habe, Anyin ae ûhnyûkong anyibun labageju: anyin e hnathu inya oge me ha köbun, ka habe, a ne hu gabun labageju helâ me wan sinapi, me öbun e he ka ha ka bucen ang, ka habe, Kec dö kâe; me ame he ka kec; ke ba ke ûnyi ame he ka pason köbun.

Mataio 6:30

Ke a ne khavâ Khong hnyot helâe a e hnyi bong ang, ke nyi adre me he ka khûâ but ka hnyi wahnainyâ, hawa, e ca ûnyi hnathu kâu he ka khaûʼ öbun, öbun hnyat a labageju ûhnyûkong?

Mataio 8:27

Haba tavat ödrin e lâiâ me ha, ka habe, Ehö at ang, ame long kâu köiö me ang?

Luka 4:35

Haba Iesu ame thawâ e, ka habe, Ca mede, ke didrut ûhem hnyi hnyekon. Ke a hia but demoni hagutâ e hnyikânâi hnyi wanben, me e ame didrut ûheny hnyi hnyekon, ke a ca okongoâ bi e.

Roma 4:20

eke, e ame ca loloâ me ca labageju, kʼ ame wâ hmâ hna ha bânâ hnen Khong, ke e hwege bi ûnyi ge labageju, kʼ ume ogânâ Khong,

Hna Omanenâ 10:2

ke e hnyi hnyamen ong tusi adre lau: ke e ame uto köiö ge can a metân, me hot ge can a meny;