Mataio 8:16 - Iaai Bible 1901 (New Caledonia)

¹⁶ Ke hnyi sahac ödrin e hom kâu tavat ae se hia a dilic ödra demoni: me e ame obâ je hanu ge hwan hofuc, me osoâ ta je mok hia:

Mataio 8:16 ပူးပေါင်းရင်းမြစ်များ

Esodo 15:26

ke haingen, ka habe, U ka he ka löng wia hofuc ho Iehova a Khongom, me ânyâ ûnyi ae wisa hnyi hnyimakan, me tevehlöng hnen hna hûna, me tuö anyin je hnanyibu hia, oge me ca he ka kunâ köu ta je mok waleji oge kunâ ka at Aigupito: anyin a inya Iehova at ame osoi u.

Mataio 12:22

Adre me hom but kâu ke at a delec demoni, ae wadröu, ke hum: me e ame osoâ e, me ame fuc dö at ae hum me bwela.

Mataio 14:14

Ke e ame o thö me wâ tavat ae se hia, me e ame betenge gadra, me ohia hnödra ta je mok.

Mataio 8:15

Me e ame kâlâ hnyamen momo, me ame hia but kahwa; me ame todrö momo, kʼ ame bi huliwa kâu.

Mataio 8:33

Ke ame kec dö hnyat ödrin e tuö me he ka hnyi taun, me ûthumetu ge ta je ûnyi hia, me hna ânyâ ka li at a dilic ödru demoni.

Mataio 9:2

Ke wâ bi, adre me sam but kâu at ae mat ame mokut hon hnen: ke haba Iesu ame wâ anyidrin labageju me e ame ha ka at ae mat, ka habe, Nöhuk, senyin dö; adre hia but hna degecâ ta je hulö gam.

Mareko 2:3

Ke adre me hom but kâu at ae mat, ame vadren hnen hnyat a vak.

Mareko 5:8

Anyin a e ame ha kâu, ka habe, Hanu ae kong, didrut ûhem hnyi hnyin at.

Mareko 9:25

A wâ but Iesu tavat ae se hia adre me wadring ûkhacaköu, me e ame thawâ hanu ae kong, me ha kâu, ka habe, U hanu ae hum me wejiji lö, inya oge me hûna köu he ka didrut ûhem hnyi hnyekon, ke ca delec hmetu bala bi.

Luka 13:12

Ame wâ e Iesu, me e ame ha kâu, ka hâbe, Momo lö, adre hia but thang ânyâm sënyin.

Luka 4:40

Ke ame he but ka dit seûno, haba ödra hia ae hu je komok ae ve bongon, adre me hum ödra kâu; ke e ame ip li hnyamen hudrin hia, me osoi ödra.

Luka 4:41

Ke ame dit minya je demoni ûhedra hnyin tavat ae se hia, adre me hongot me ha, ka habe, U thibi Nokon Khong. Ke e ame thawʼ ödra, mʼ adre me ca he ka fuc, anyin adre me wâhmakhmeto but a e thibi Keriso.

Ta je huliwa 5:15

waleling mʼ adre me hom ta je komok ka hnyi je getheniny taun, me ip ödrin hon je hna mokut me je tap, me me na omi hnedrong keihen ge hmenu Peteru, e ka he.