Mataio 8:14 - Iaai Bible 1901 (New Caledonia)

¹⁴ Ke ame o thö Iesu ka hnyi uma umo Peteru, kʼ ame wâ hinyen âiân ame mokulec mok ae kahwa.

Mataio 8:14 ပူးပေါင်းရင်းမြစ်များ

Mataio 17:25

Haingen, Eke. Ke hnyi ûen e ame didro hnyin uma ai, haba Iesu ame bân he ka fuc kâu, ka habe, Simona, ieû ûnykûmenâm? haba ta je than eang hmeledrany adre me hom ûnyi ga ia fat me hut? hawa, unyi ge lakudra, ame ne ûnyi ge je atkanyua?

Mataio 8:15

Me e ame kâlâ hnyamen momo, me ame hia but kahwa; me ame todrö momo, kʼ ame bi huliwa kâu.

Mataio 8:20

Ke haba Iesu ame ha kâu, ka habe, Haba ta je alope, me hu hnödra hnyi kânâ, ke haba ta je meno ame ga ethö, me hu haûödra; ke haba bi Nokon at, me ba hnân omokulec ban hnyin.

I. Korinito 9:5

Hawa, e ca ûcû köhmun he ka tha he ehe me laöiöhmun a hnyat labageju, helâ me keihen je aposetolo, me je liamekeiny me Than, me Kefa?

I. Timoteo 3:2

E ûcû ka pisop he ka ba hnyikongon, me khaca âiân, me at hokhnyok, me at hnyokâ wisa, me at ame ânyâ hwakecin ae so, me at ame betenge ge atkanyua, me at ae khana ûne;

I. Timoteo 4:3

adre me thawâ he ka faipoipo, me ca han ke je jeû, wale a op Khong, he ka kap oleâ hnen tavat adre me labageju me wâhmakhmetoâ hnathu.

Heberu 13:4

E so e he tavat hia he ka oûnyihnathoâ hna faipoipo, me hna mokut ae ba hnyikongon: anyin ame he Khong ka ohnaûhangʼ ödra adre me bi ûnyi monu, me tavat adre me venöu âiân ke at.