Mataio 8:11 - Iaai Bible 1901 (New Caledonia)

¹¹ Ke inya oge me ha köbun, ka habe, E se hia tavat adre me he ka he ûhedra jimeyö me jimeû he ka tha laba me Aberahama, me Isaaka, me Jekob, hnyi dökhu hnyi drany:

Mataio 8:11 ပူးပေါင်းရင်းမြစ်များ

Genese 12:3

ke oge me he ka ohnahici ödra adre me ohnahici u, ke haba at ame hangö u oge me he ka hangâ: ke ame he ka hnahic ut ûnyi gam ta je hnyei hia eang hmelen.

Genese 22:18

ke ame he ka hnahic ûnyi ge mâtrânâm ta je hnyei hia thithö eang hmelen; anyin a u je löng hoton hok hofuc.

Genese 28:14

ke ame he ta je mâtrânâm ka helâ me sesâiny kânâ, ke u ma he ka lau jio, me deiö, me hwadrö, me hwaiöu: kʼ ame he ka hnahic ta je hnyei hia eang hmeledrany ûnyi gam me ûnyi ge ta je mâtrânâm.

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

Salamo 22:27

Ame he je can hmeledrany hia ka ûnykûme me hwio kö Iehova: Ke ame he ta je lap anyin ta je hnyei ka khudrung hnyi hnyimakan.

Salamo 98:3

E ame hia but ûnykûme anyin ibetengiö me anyin hnathu ka lap anyi Isaraela: A hia but wâ hnen je can hmeledrany hia ûhomeli anyin Khonguta.

Isaia 11:10

Ke haba hnyi bong eling, haba iwân anyi Jese, at ame tot hnân haten ka ta je hnyei, me ame he ta je hnyei ka elâm e; ke ame he ka hmanenang hnen hna menâ.

Isaia 49:12

Wâ bi, ame he ka o tavat ang ûhedra sâkâû: ke wâ bi, tavat ang ûhedra hnyi hwadro, me ûhedra jimeû; ke tavat ang ûhedra hnyi hnyei Sinim.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 52:10

A hia but Iehova vhec ûkhaûen benyin ae kap hnyi hnyimakan je hnyei hia; ke ame he je can hmeledrany hia ka wâ ûhomeli anyin Khonguta.

Isaia 59:19

Me adre me he ka outen iö Iehova ûhedra jimeû, me outen anyin hmanenang ûhedra hnyi hna o hnen seûno: anyin a e ame he ka o helâ me wagewe ae hwege, wale ame tûâ hnen; homenö Iehova.

Jeremia 16:19

Iehova lö, tang hwegiök, me hnok hnabâ, me hnok hna lubaduöng hnyi bonginy vec, ame he ka o köu ta je hnyei ûnyi hnyi je can hmeledrany me ha, ka habe, e ba jekhon je lakamöbun, ke so bi, thoi, wale je ûnyi baû me ba troban hnyin.

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Mataio 21:41

Haingödrin kâu, ka habe, E ame he ka ohia tavat eling ae kong, me hna hnyei vine ka keihen tavat belök, tavat adre me he ka ham wan kâu hnyi je ûen.

Mataio 24:31

Ke e ame he ka kunâ anyin ta je angela me ifucin khoto ame mea, me adre me he ka ûkhacaköuâ thö hnen ta je hna ûca ûnyi hnyi je ang a vak, hwân hnyi ke can drany ke ne o but ka hnyi ke can.

Mataio 3:2

haingen ka habe, Ietra ju öbun; anyin ae hakekeny jut dokhon drany

Mataio 8:10

A long ut Iesu, me e ame lâiâ, me ha ka tavat adre me he hoton, ka habe, E hnathu, inya oge me ha köbun, inya oge me ca wâ hnyi Isaraela labageju ae gan a helâe.

Luka 12:37

Hnahic hnen je athnyaba, wale e ka o than ka ō ʼdrin, ödrin e hmâkâ: e hnathu inya oge me ha köbun, e ame he ka hûkâlâ wen hnyekon, me olabʼ ödra ju, me he but he ka bi athnyaba kodra.

Luka 16:22

Me ame mokcu at sumat, me ame hom dö e ta je angela ka hnyi ûlai Aberahama: ke ame mok minya ju at ae tren onjeû, me adre me konâm but.

Ta je huliwa 10:45

Me ame uthmâhmâ tavat adre me labageju a tavat adre peritomon, wale hnyat adre tha he me Peteru, anyin adre me hingâlâ minya bwihlany wale Hanu Kap hon Aten ta je hnyei.

Ta je huliwa 11:18

Ke adre bia but long hofuc e, me adre me laba hnyibû me ogânâ Khong me ha, ka kabe, E hnathu Khong ame ham ietra ka Aten ta je hnyei minya, mʼ adre me möt.

Ta je huliwa 14:22

ödru me ohmâ je hnyekon laten, me sihwegi ödra he ka tethmâ hnyi labageju, me ha, ka habe, hamöta he ka dit ka hnyi dokhu dokhon Khong deny ta je vec ae se hia.

Ta je huliwa 14:27

Ke ödru me o but, me ödru me ûkhacaköuâ ekalesia, me omanenâ ta je ûnyi hia thithö ame tha ânyâ mödru Khong, waleji a gʼ ame khöng hwanumen labageju ka Aten ta je hnyei. Ke e beû bi hnödru hna tha laba me laten.

I. Korinito 15:20

Ke so bi adre hia but omeli Keriso hmetu thö ûheny hnyi hua mok, ke e at a bân ka möt ge tavat adre me mokut.

I. Korinito 6:9

Ke ca khanʼ öbun a haba tavat ae ca wisa hwakecidra, me adre me ca he ka hnyi hanen dokhu dokhon Khong? Ca omonu öbun bi: haba tavat adre me bi ûnyi monu, me tavat adre me hmi ka hnatheat, ʼme tavat adre me venöu âiân ke at, me tavat wagelue, me tavat adre me hwen sodoma,

Efeso 3:6

a gʼ ame he Aten ke je hnyei ka hnyi hu minya, me hnyi hanen unyin, me hnyi kap ta je ûnyi adre ha bânâ ge Keriso ûnyi ge ûthumetu ae so,

Kolose 3:11

ke ba bi unyin at Heleni me at Juda, me tavat adre me peritomonâ me ca peritomonâ, me aten je hnyei, me at Sekuthia, me athnyaba, me at he baû: ke haba Keriso, me ta je ûnyi hia, ke unyin hia.

II. Thesalonika. 1:5

wale haten ûhnei ae wisa anyin Khong; mʼ adre me haöûcû öbun ka hnyi dokhu dokhon Khong, wale öbun e vec minya can:

Hna Omanenâ 7:6

Ke twelv thauzan ûnyi hnyi tribu anyi Asera: Ke twelv thauzan ûnyi hnyi tribu anyi Nafatali: Ke twelv thauzan ûnyi hnyi tribu anyi Manase: