Mataio 7:2 - Iaai Bible 1901 (New Caledonia)

² Anyin a haba tulutiny hnobun hna ûnykûme hwalö, adre me he ka ûnykûme hwali öbun bi: helâe minya adre me he ka tulut köbun hoton hnobun hna tuluto.

Mataio 7:2 ပူးပေါင်းရင်းမြစ်များ

II. Samuela 21:5

Me ödrin e thu ka than, ka habe, Haba at a ohiʼ ohmun, me heleû deny gahmum, me me ohiʼ ohmun, mʼ ohmun e ca laba hnyi hnyei hia iny at Isaraela,

Salamo 109:17

Eke, e ame weny he ka hahnauhangöâ, me ame o but e kâu; Ke e ame ca senyin he ka ohnahicâ, me ame sâkâû balua but gan ûnyi eling.

Esodo 21:24

ecmak hwaban ecmak, nyu hwaban nyu, hnyamen hwaban hnyamen, can hwaban can,

Isaia 33:1

EKÖLÖ gam at ame söh, kʼ adre ca sei u bi; ke u at ame iyawo, kʼ adre ca iyawo u bi! U ka hia but söh, me adre me he ka sei u; ke u ka bi obiny ânyâm iyawo, me adre me he ka iyawo u.

Jeremia 34:17

Anyin a wale, walang hna ha hnö Iehova, ka habe, öbun e ca hia but ling nya, he ka ve haimemenâ hna thang baûâ ka je liamekeiny möbun, me je laha-nöbun: wâ bi, haingö Iehova, inya oge me haimemenâ köbun hna thang baûâ, ka hnyi hele vat, me mok ae cap, me hmiâ; ke oge me he ka hnʼ öbun he ka monu hnyi ta je dokhu hia thithö eang hmeledrany.

Jeremia 51:24

Ke oge me he ka bi hwaban kö Babulona, ke tavat hia adre me laba hnyi Kaledaia ta je monu hia waleji adre ânyâ hnyi Ziona hnyi hnyimaköbun, haingö Iehova.

Obadia 1:15

Anyin ae hakekeny jut bong bongu Iehova hnyi ta je hnyei hia: me ame he ka ânyâ bi köu, helâji me hnâm hna ânyâ; kʼ ame he ka hmetu bi ka hnyi hon bâm ânyâm huliwa.

Mataio 6:14

Anyin a öbun e ne thang ut ge tavat hnödra je hna hanyâûâ me ame he Kamöbun ethö hnyi drany ka thang hnobun hna hanyâûâ.

Mareko 4:24

Ke e ame ba kodra, ka habe, Wâ wia eâu öbun ta je ûnyi öbun e long: ke haba tulut öbun e tuluto, me adre me he bi ka tuluto köbun; me adre me he ka bi hanen köbun.

Luka 6:38

ham dö, ke adre me he bi ka ham köbun; wale tulut ae gan, adre hlec, me ûjijingâköuâ, me kökölu but, adre me he ka ham ka hnyi je ûlaibun. Ke haba hnobun hna tuluto, me adre me he bi ka tuluto köbun.

II. Korinito 9:6

Ke wale minya eang, haba at ame tā ûhnyûkongoâ, me ûhnyûkong minya hnen hna meno; ke haba at ame tā gânâ, me gan minya hnen hna he ka meno.

Iakobo 2:13

Anyin a haba at ame ca betenge, me adre me ca he bi ka betenge gan hnyi hna ûhnei: anyin ame hobeluâ ibetengiö hnyi ûhnei.

Hna Omanenâ 18:6

Bi hwaban ju kâu helâ me hnen hna ham, ke olo ju bi hwaban kâu hoton anyin huliwa: ke olo ju ûhaniken kâu hnyi utkaia e ame ûhaniken.

Owisa 1:7

Ke Adoni-bezek ame ha, ka habe, Odrin sevente je than adre subâ je bahnyökveto me li bacan ae gan gadrin, odrin e hlo je atmen hmelen anyik laulau: ke haba Khong ame bi hwaban könya helâ me hnok hna ânyâ. Ke odrin e hom e Jerusalema ai, me e ame mokcu eling.

Owisa 5:27

Hnyi li can e ame nom, me ta, me mokut; Hnyi li can e ame nom, me ta, Hnyi hnen hna nom, wale e ame ta a mokcu.

I. Samuela 15:33

Ke Samuela ame ha, ka habe, Hnen ânyâm hele vat hna öba nokon je momo, helâe adre me he ka öba nokon hinyâm unyin je momo. Ke Samuela ame susubö Agaga hnyi hnyimakö Iehova hnyi Gilegala.