Mataio 7:15 - Iaai Bible 1901 (New Caledonia)

¹⁵ O ʼban âu ge ta je perofeta thoi, adre me o but köbun, kʼ adre me khavâ je ûkhaûiny mamoe, ke eû hnyi hnyidrin je luko ae ûhûlû hmonyin.

Mataio 7:15 ပူးပေါင်းရင်းမြစ်များ

I. Je Than 13:18

Ke haingen kâu, ka habe, Inya ang ke perofeta helâ möu; ke haba angela ame ha könya hnyi hofuc ho Iehova, ka habe, Ohmeto ju e ka hnyi umâm uma, me me han areto me ijem köiö. Ke e ame thoi kâu.

Jeremia 29:21

Walang hna ha hnö Iehova tuhan sabaoth, Khongu Isaraela, ga Ahaba nöku Kolaia, me Zedekia nöku Maseia li at ödru me perofeta thoi köbun hnyi iök, ka habe, Wâ bi, oge me he ka hnʼ ödru ka hnyi hnyamö Nebukaneza than Babulona, ke e ame he ka hlingʼ ödru hnyi hnyimaköbun.

Jeremia 29:32

anyin a wale, walang hna ha hnö Iehova, ka habe, Wâ bi, oge me he ka bi hwaban kö Semaia, me je mâtrâniny; ame ca he ka hu aten ame he ka laba unyin tavat ang, ke haba khaca e ame ca he ka hnyi wâ so, wale oge me he ka ânyâ ka lakeik, haingö Iehova, anyin a e ame hia but ha he ka ûkhin fuc me Iehova.

Ezekiela 13:16

wale je perofetainy Isaraela tavat adre me perofeta ga Jerusalema, me wâ hobi kâu e je hna omanenâ ae hnahic ke ba bi hnahic, haingen Than Iehova.

Ezekiela 13:22

Anyin a öbun e hia but ovecâ hnyekon at ae wisa ge je thoi, waleji oge me ca ovecâ; me ohwegiâ hnyamen tavat ae kong, me me ca he ka hmetu bi ûnyi hnyi deny gethen ae monu, me me möt:

Ezekiela 22:25

Anyin je perofeta adre me si hnân hnyi wanben, helâ me liona ame kuku ame oloû kia haniny: adre hia but an at; adre me hûgûnâ omjeû, me ta je ûnyi ae ûnyi hnathu; adre hia but osehia je safaciny hnyi wanben e.

Ezekiela 22:27

Haba je taben hnyi wanben e, me helâ me je luko adre me oloû kia je hanidra; he ka hingâlâ dra, me ohia at, mʼ adre me hu omjeû a deny ta je ûnyi ae ca ûcû.

Daniela 11:34

Ke ödra ka ta but, me adre me he ka na omi hadruʼ ödra: ke ame he tavat ae se hia ka bi hiödra ge hofuc ûtakû.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Zakaria 13:4

Ke hnyi ûen eling ame he ta je perofeta ka ve hmehma ge hnödra hna wâ, ödra ka perofeta; ke adre me ca he ka khavâ ûkhaû ae hu dinen he ka iyawö:

Mataio 10:17

Ke wâ eâu tavat: anyin adre me he ka hnʼ öbun dut ka tavat ûhnei, ke adre me he ka kuc öbun hnyi umödra ta je sunago;

Mataio 16:11

Ieû gabun öbun e ca wâhmakhmeto a oge me ca ha köbun ge areto? Ke so bi he ka wâ âu ge leven anyin ta je Faresaio me je Sadukaio?

Mataio 16:6

Haba Iesu ame ha ködrin, ka habe, O ʼbun âu ge leven anyin ta je Faresaio me ta je Sadukaio.

Mataio 24:11

Ke ame he ka o ta je perofeta thoi ae se hia me omonoâ tavat ae se hia.

Mataio 7:14

Ke hnek homa-göule ke ûhnyûkong gethen ka hnyi möt, ke wakhalet thibi tavat adre me wâ e.

Luka 12:15

Me haingen ködra, ka habe, Wâ eaû, tuʼ öbun ju, wâ Öbun nye behnyekon: anyin ame ca möt at ge ûganiny ta je ûnyi ame hu kâu.

Luka 6:26

Ekölö gabun e ka he tavat hia ka haisoi öbun! anyin a helâe hnen lakamödra ka ta je perofeta thoi.

Ioane 10:12

Ke haba at ame hok hwaban, wale ca at tuö mamoe bi, ke ca haleny minya bi ta je mamoe, haba at eling ame wâ luko ame he jem, me ame hna degecâ but ta je mamoe me kec, me ame ûlû ödra luko, me ovesei ödra:

Ta je huliwa 13:40

Anyin a wale, o ʼbun âu, wâ e nye o but köbun hna ha hnen ta je perofeta, ka habe,

Ta je huliwa 13:6

Ke ödrin e hia but vheno bomene hia ke ne o but Pafo, me ödrin e wâ ke at bihihwakecin, a perofeta thoi, Bar-Iesu ien, at Juda;

Galatia 2:4

ke wale thibi e can je liamekeiny thoi ödrin e odilâ duöngâ, ödrin eʼ dit duöng he ka tuö hna hnʼ ota, waleji ate me hu ge Keriso Iesu, mʼ ödrin e he ka thalu öta:

Efeso 4:14

mʼ ate me ca ta je wanakat hmetu bi, adre me oûang dö me hom monoâ hnen je ang hia, wale je hna ûne, me bihihwakecin anyin tavat, me iyawo, hoton je hna ûnykûme he ka omono;

Efeso 5:6

Ca he ke at ka omonu öbun ge ta je hofuc adre hlo: anyin a ûnyi hnyi ta je ûnyi helâe ame o but tang hmonyin anyin Khong ka tavat adre me ca ûling.

Filipi 3:2

Wâ eâu ta je kuli, wâ eâu tavat adre me ânyâ monu, wâ eâu katatom:

Kolose 2:8

Wâ eâu, wâ e nye he ke at ka sei öbun hnen anyin bemetâ, me tang iyawo hnân omono, hoton hofuc vejec anyin at, me je hna ûne anyin hmeledrany a bân, ke ca hoton bi Keriso:

II. Timoteo 3:13

Ke haba tavat adre me ânyâ hwakecin ae kong, me tavat iyawo, adre me he ka kong tot bala, adre me omonoâ, me adre me ka omonu ödra bi.

II. Timoteo 4:3

Anyin ame he ka o but ûen adre me ca he ka kap hna ûne hnân melen; ke so bi, adre me he ka ûkhöûnâ tavat he ka ûne kodra hoton ta je wedra ae monu, anyin ae hölök ta je hnyikönyödra;

II. Peteru 3:17

Anyin a wale hnyat a oûnykûmik lö, ö ʼbun âu, anyin ae khanʼ öbun dut ehac wâ öbun nye ta hnyi hnobun hna tet hmâ e, e ka lili öbun ge monu anyin tavat ae monu.

I. Ioane 4:1

HNYAT a oûnykûmik lö, ca kap bi ta je hanu hia, ke cubec ju ta je hanu, hawa, ûnyi ge Khong ödra: anyin ae se hia ta je perofeta thoi ame o ehe hnyi hmeledrany.

Juda 1:4

Anyin ame dit duöug keihen, a hnyat adre ip ehac hnân hobi kâu hnaûhango eang, hnyat adre me ca outen Khong, kʼ adre me wia ibetengiö baû anyin Khong ka hnyi hwakecin ae ikiki, kʼ adre me ivinöâ Tuhöta a khaca a Than Iesu Keriso.

Hna Omanenâ 16:13

Ke oge me wâ je hanu ae kong a ödrin kun helâ me je rana ödrin e he but ûnyi hnyi hnyimen drakona, me ûnyi hnyi hnyimen meno, me ûnyi hnyi hnyimen perofeta thoi:

Hna Omanenâ 17:6

Ke oge me wâ momo ame monu a ijem dren wakap, ke dren tavat adre me ohnathu Iesu. Ke oge me wâ me oge me lâiâ gan hmâ.

Hna Omanenâ 19:20

Me adre me kât meno ae hiny; me perofeta thoi minya waleji at ame ânyâ ta je haten hnyi hnyimakan, hnân omono tavat adre me kap haten meno, mʼ ödra minya adre me khudrung ka at ae we e: ke adre me khûʼ ödru meli ödru ka hnyi nem a meic ame hiâ ge teio:

Hna Omanenâ 20:10

Ke adre me khûö diabolo at ame omonu ödra ka hnyi nem a meic me teio, waleji a hnen minya meno me perofeta thoi; ke adre me he ka oveci ödra hnyi lany me lit nyiele nyiele balua.