Mataio 7:11 - Iaai Bible 1901 (New Caledonia)

¹¹ Anyin a wale, a ne mabun, öbun tavat ae monu, he ka wâhmakhmeto hna he ka ham ta je ûnyi ae so ka lakubun, awe, ame ca ti he bi Kamöbun ethö hnyi drany ka ham ta je ûnyi ae so ka tavat adre me sumâtâ e.

Mataio 7:11 ပူးပေါင်းရင်းမြစ်များ

Genese 6:5

Ke a wâ but Iehova a e gan hmâ butmonuiny at eang hmeledrany, ke kong ut ta je hna ûnykûme hia eû hnyi hnyekudra hnyi ta ogo bong hia.

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

II. Samuela 7:19

Ke ûnyi ae ûhnyûkong e hnyi hnyimâkâm, Than Iehova; ke so bi u je hia but ha ge lap anyin athnyabaem hobi kâu nyiele; ke hoton hwakecin at eling, Than Iehova!

Jobu 15:16

Ke e ti ikiki me bokong at, Wale ame ijem hulö helâ me köiö!

Salamo 84:11

Anyin a Iehova Khong seûno me bec: Ame he Iehova ka ham betenge me hmanenang: E ame ca he ka behânâ ke ûnyi ae so ge tavat adre me vheno wisa.

Salamo 85:12

Eke, Iehova ame he ka ham ûnyi ae so; Kʼ ame he ita hnyei ka widrany.

Salamo 86:15

Than lö, u thibi Khongon ibetengiö me betenge baû, At ame ca ie hmonyin bi, ke ti hu gam ibetengiö me hnathu.

Salamo 86:5

Anyin a Than lö, u thibi at ae so, me at ame thang, Me se hia ibetengiö kodra hia adre me hongot köu.

Isaia 49:15

Hawa, ame he mono ka hnying nokon ame asen, me me ca he ka betenge ge onyen hnyekon? eke, e khanʼ ödra he ka hnying, ke so bi oge me ca he ka hnying u.

Isaia 63:7

Oge me he bi nya ka ha ge tang betenge anyi Iehova, me je hnân oganö Iehova, hoton ta je ûnyi hia thithö waleji a ham köta Iehova; me so ae gan hmâ ka lap anyi Isaraela, waleji e ame ham ködra hoton anyin ibetengiö baû, ke hoton anyin tang betenge ae gan hmâ.

Jeremia 17:9

Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

Jeremia 33:14

Wâ bi, ame he ka o je bong, haingö Iehova, me oge me he ka ohwâdâ hofuc ae so waleji oge ha ge lap anyi Isaraela me lap anyi Juda.

Hosea 14:2

Hom dö je ifucibun ke hmeto ju kö Iehova, ha thö kâu, ka habe, Hom dö hulo hia, me kap ju ûnyi ae so: me ohmun e he ka ham je hudiny hnyi-möhmun.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Malaki 1:6

Haba nokon, me ame ogânâ kamen, ke athnyaba ame ogânâ tuhan: awe, a ne kamen bi nya, me ewa hna oganö nya? ke oge ne than, me ewa eang hna outö nya? haingö Iehova tuhan sabaoth köbun tavat bihut, tavat öbun e hûkötiâ iök. Ke haingöbun, ka habe, Ohmun e hawa ka hûkötiâ iâm?

Mataio 23:9

Ke ca he ka hawâ ke at eang hmeledrany, ka habe, Kamen: anyin a khaca thibi kamöbun ethö hnyi drany.

Mataio 7:10

ke a ne sumâtâ wâ me ame he ka ham bi kâu on?

Ioane 3:16

Anyin a Khong ame betenge ge hmeledrany, me e ame ham but Nokon a khaca thibi, me me ca he ka mok ke at ge tavat adre me labageju kâu, ke ame he bi ka hu möt ame ca ba balua.

Roma 3:19

Ke e khanʼ öta a haba ta je ûnyi adre ha hnyi hnanyibu, me adre me ha ka tavat adre me laba hmelen hnanyibu; me me he ka ohnyibö ta je hnyem hia, mʼ adre me he ka ohnaûhangoâ hmeledrany hia thi-thö ûnyi ge Khong:

Roma 3:9

Ke hawa, e kong hnöhmun ke so bi hnödra? Ohe, e ba; anyin ate hia but owisa a tha at Juda me at Heleni hia hmelen hulo;

Roma 8:32

Hawa, ame ca he ka ham bâûâ köta ta je unyi hia, hnen at ame ca behânâ Nokon, kʼ ame hna but e hobi köta hia?

Galatia 3:22

Ke haba hnyi hna sihnalimen adre hia but thelöng ta je ûnyi hia hnyi hmelen hulo, mʼ adre me he ka ham ka tavat labageju hna ha bânâ ûnyi hnyi labageju kö Iesu Keriso.

Iakobo 1:17

Haba ta je bwihlany hia ae so me ta je hna ham bâûâ ae hmanenang, me ûnyi ethö ge Kamen melam, waleji ame ca ok, ke ba ong haten hwio gan.

I. Ioane 3:1

WA bi ûganiny ibetengiö waleji a ham köta Kamen, mʼ adre me he ka haʼ öta me je lakon Khong: ke öta e. Waleling me me ca khanʼ öta hnen hmeledrany, anyin ae ca khanʼ ödra e bi.

I. Ioane 4:10

Wale thibi ang ibetengiö, ca hnöta hna hnyok ka Khong, ke so bi hnen hna hnyok köta, me hna kunâ Nokon hnân hut can anyita je hulo.