Mataio 6:9 - Iaai Bible 1901 (New Caledonia)

⁹ Waleling, mʼ öbun e he ka hic helâng, ka habe, Kamöhmun lö, ethö hnyi drany, E so e kap iâm.

Mataio 6:9 ပူးပေါင်းရင်းမြစ်များ

II. Samuela 7:26

Ke e so he ka ogânâ iâm nyiele balua, me ha, ka habe, Iehova tuhan sabaoth e thibi Khongu Isaraela: ke adre me he ka ohmâ lap anyi Davita athnyabaem hnyi hnyimâkâm.

I. Je Than 8:43

awe, u na long ju hnyi drany, a hnyabam, me ânyâ helâ me ta je ûnyi hia ame hawo u hnyin atkanyua; me me khana iâm tavat hia eang hmeledrany, he ka outö u, helâ me hna ânyâ hnen lakem a tavat Isaraela, me me khanʼ ödra a gʼ adre hwenyi ien uma eang wale oge ânyâ, me iâm bi.

I. Man Ûlabainy Je Than. 17:24

Ke so ama tethmâ iâm me hnân ogânâ nyiele balua, madre me ha, ka habe, Haba Iehova tuhan sabaoth, e bi Khongon Isaraela, wale Khong ka at Isaraela: ke haba lap anyi Davita a athnyabaem adre hia but otethmâ hnyi hnyimâkâm.

II. Man Ûlabainy Je Than. 20:6

me e ame ha, ka habe, Iehova lo, Khongon lakamöhmun, hawa, ia u Khongon drany, me at ame muso ta je dökhuiny hia je hnyei? hawa, e ca hwege me man hnyamâm, me me ca khana ke at he ka hwege hom?

Nehemia 9:5

Me ame ha at Levi, jia Jesua, me Kademiel, me Bani, me Hasabenia, me Serebia, me Hodia, me Sebania, me Pethaia, ka habe, Todrʼ öbun me oganö Iehova Khongubun nyiele balua: me so adre me haisoâ iâm ae hmanenang, waleji adre obeönua hon hna haisoâ me oganâ hia.

Salamo 111:9

E ame hia but kunâ ûhomeli ka lakeiny; E ame hia but hûna anyin ûhihinyköu ke ne o but nyiele balua: E kap me hnân okabâ ien.

Salamo 115:3

Ke ethö hnyi drany Khonguta: A hia but ânyâ hia hnen hna weny.

Salamo 72:18

E so adre me haisoi Iehova a Khong, wale Khongu Isaraela, E thibi at ame ânyâ ta je ûnyi hnân lâiâ:

Isaia 37:20

Iehova lö, Khonguhmun, walang ang ö u omeli öhmun dö ûnyi gan, me me khana hnen je dokhu hia eang hmeledrany a u thibi Iehova, a hake u ke.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 6:3

Ke adre me ûkukoköu me ha, ka habe, E kap, e kap, e kap, Iehova tuhan sabaoth: e unöngötö hmeledrany hia ge anyin hmanenang.

Isaia 63:16

Anyin a u kamöhmun, eja ke ne a ne ca ö ʼhmun Aberahama, ke ca khanö Isaraela öhmun: Iehova lö, u thibi kamöhmun; at a ûcû öhmun hwân nyiele, wale iâm.

Isaia 64:8

Ke walang ang, Iehova lö, u thibi Kamöhmun; öhmun ang kânâ ae kece, ke u at ame op kaia; ke öhmun hia thithö ang huliwa, anyin hnyamâm.

Isaia 66:1

WALANG hna ha hnö Iehova, ka habe, Anyik theron drany, ke taben li hnyeûcak hmeledrany: ieû bongon uma öbun e he ka op hobi könya? ke ewa dok oge me he ka menâ hnyin?

Ezekiela 36:23

Ke oge me he ka okabâ iök ae gan, waleji adre me haikongoâ unyin ta je hnyei, wale öbun e hia but haikongoâ hnyi wanbödra; me ame he je hnyei ka wâ a inya Iehova, iny ka okabi nya bi gabun hnyi hnyimaköbun, haingen Than Iehova.

Ezekiela 38:23

Ke oge me he ka oganö nya, me okabi nya bi, ke oge me he ka manen hnyi hnyimakan je hnyei ae se hia; me adre me he ka wâ a inya Iehova.

Levitiko 10:3

Ke haingö Mose kö Arona, ka habe, haba ûnyi ang waleji ame ha Iehova, ka habe, Ame he ka okabi nya ge tavat adre me hakekeny könya, kʼ adre me he ka oganö nya hnyi hnyimakan tavat hia. Ke haba Arona ame ca fuc.

Habakuka 2:14

Anyin ame he ka unöngöt hmeledrany ge hna wâhmakhmetoâ hmanenangi Iehova, helâ me köiö ame tube je taben e.

Zakaria 14:9

Ke ame he Iehova ka Thaniny hmeledrany hia: hnyi bong eling ame he Iehova ka khaca thibi, ke khaca thibi ien.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Mataio 10:29

Hawa, adre ca ûco li wahelö hwaban asari? ke ba at gadru ame he ka kolu ka hnyi hon kânâ, e ka ca musi bi Kamöbun:

Mataio 23:9

Ke ca he ka hawâ ke at eang hmeledrany, ka habe, Kamen: anyin a khaca thibi kamöbun ethö hnyi drany.

Mataio 26:29

Ke inya oge me ha köbun, ka habe, oge me ca he hmetu ka hnyi ijem wan vine eang, ke ne o but hnyi bong oge me he ka tha ijem mʼ öbun hnyi dökhu dokhon Kamök.

Mataio 26:42

Ke e ame he hmetu ka hic me ha, ka habe, Cica lö, a ne ca khana he ka hia but utköiö eang, iny ka ca ijem, ânyâ thö wem.

Mataio 5:16

Helâ ju e öbun, omelamâ thö melamibun hnyi hnyimakan tavat, mʼ adre me wâ anyibun ta je huliwa ae so, mʼ adre me he ka ogânâ Kamöbun ethö hnyi drany.

Mataio 5:48

Anyin a wale hamöbun he ka wisa helâ me iwisainy Kamöbun ethö hnyi drany.

Mataio 6:14

Anyin a öbun e ne thang ut ge tavat hnödra je hna hanyâûâ me ame he Kamöbun ethö hnyi drany ka thang hnobun hna hanyâûâ.

Mataio 6:6

Ke haba u, u ka he âu ka hic, didrut ka hnyi hnyeulem, eiö hnyin uma, ke u ka hia but hlöng hwanuma, hic ju ka Kâmâm hnyi dok ae iyong, ke ame he Kâmâm at ame wâ hnyi dok ae iyong ka bi hwaban köu.

Mataio 7:11

Anyin a wale, a ne mabun, öbun tavat ae monu, he ka wâhmakhmeto hna he ka ham ta je ûnyi ae so ka lakubun, awe, ame ca ti he bi Kamöbun ethö hnyi drany ka ham ta je ûnyi ae so ka tavat adre me sumâtâ e.

Luka 15:18

Oge ma tot me he kö cica, me ha kâu, ka habe, Cica lö, oge hia but monu ka hnyi drany me hnyimâkâm:

Luka 15:21

Haba nokon ame ha kâu, ka habe, Cica lö, oge hia but monu ka hnyi drany me hnyimâkâm, ke ca ûcû hmetu ka hawo nya me nokom.

Luka 2:14

Ogânâ thö Khong ae nua ethö görany; Ke haba hnyi hmeledrany hnahic unyin tavat wale e ame betenge gadra.

Ioane 20:17

Iesu ame ha kâu, ka habe, Ca kalö nya bi; anyin a iny tiga ca ölö ka Kamen: ke he thö ka je liamekeiny mönya, me ha ködrin, ka habe, Inya oge me he ka ölô ka Kamök a Kamöbun, ke Khonguk a Khongubun minya.

Roma 1:7

e so e he ka ê unyibun betenge baû me hnahic ûnyi ge Khong a Kamöta me Than Iesu Keriso; ka tavat hia e Roma, je oûnykûmen Khong, me hna hawâ hnân tavat ae kap.

Roma 8:15

Anyin a öbun e ca kap hanon hwenbâ mʼ öbun e he ka ot; ke so bi öbun e kap hanon hna wia me me lakon, wale mʼ ate me ha, ka habe, Aba, Cica.

Galatia 1:1

INYA Paulo aposetolo (ca ûnyi ge at, ke ca hnen minya bi at, ke hno Iesu Keriso bi, me Khong a Kamen, waleji a omelö hmetu thö ûheny hnyi hna mok),

Galatia 4:6

Ke can öbun je hing lakon, me Khong ame kunâ Hanon Nokon ka hnyi je hnyekubun, kʼ ame hongot, ka habe, Aba, Cica.

I. Timoteo 6:16

e thibi ame tren möt balua, at ame laba hnyi melam ae ca hnân ûhakekeny kâu; waleji ame ca wâ hnen at, ke ca khana minya wâ: e so he ka e unyin bi hna ogânâ me man nyiele balua. Amen.

I. Peteru 1:17

Ke öbun e ne hawâ Kamen, wale at ame ca wâhmakhmetoâ tavat, me at ame ve hnö tavat helâ me huliwa anyin ke at me ke at, awe, ot ju hnyi ûen öbun e tiga laba atkanyaua:

Hna Omanenâ 4:11

U thibi ae ûcû, Than a Khonguhmun, he ka kap hna ogânâ, me hna ogöranyâ, me man: anyin a u je op ta je ûnyi hia thithö, ke haba ta je ûnyi e me hobi kâu wem, ke u je op minya.

Hna Omanenâ 5:12

ke adre me ha hnen ifucin ae gan, ka habe, E ûcû ka Arenio waleji adre hlingâ he ka kap man, me tang omjeû, me metâ, me tang hwege, me hna ogöranyâ, me hna ogânâ, me hna haisoâ.