Mataio 6:4 - Iaai Bible 1901 (New Caledonia)

⁴ me me iyong hnâm hna ham betenge: me haba Kâmâm at ame wâ hnyi dok ae iyong ame he ka bi hwaban köu.

Mataio 6:4 ပူးပေါင်းရင်းမြစ်များ

Salamo 139:12

Ke so bi ca hnân olidrâ bi köu menekholom, Me ame umumelam lit helâ me lany: E tha ûcû menekholom me melam köu.

Salamo 17:3

U je hia but cubec hnyekuk; me sene nya hnyi lit; U je hia but cubic nya, ke ba wânâm; Oge me ip hmâ eû hnyi hnyekuk a gʼ ame ca he hnyimök ka hanyâûâ.

Salamo 44:21

Hawa, ame ca he Khong ka elâm e? Anyin ae khana ta je ûnyi ae iyong eû hnyi hnyok.

Ta je Vejec 25:22

Anyin a u me he ka ûkhöûnâ je walep ae möt hon ban, Kʼ ame he Iehova ka bi hwaban köu.

Jeremia 17:10

Inya Iehova at ame elâm hnyok, oge me cubec ta je hna ûnykûme, he ka ve ham ka tavat hia helâ me dedra ta je gethen, me helâ me wan anyidra ta je huliwa.

Jeremia 23:24

E hu at ama ikhölö hnyi dok ae iyong ke oge me ca he ka wâ? haingö Iehova. Hawa, e ca unöngöt drany me hmeledrany gak? haingö Iehova.

Mataio 10:42

Ke haba at ame he ka habelen at ae ûhnyûkong eang ge utköiö ae katebu thibi, hnyi ien at ûling, e hnatho inya oge me ha köbun, ka habe, ame ca he ka hia hwaban hobi kâu.

Mataio 6:18

me me ca manen ka at a u me ca han, ke so bi ka Kâmâm hnyi dok ae iyong: me ame be Kâmâm, at ame wâ hnyi dok ae iyong, ka bi hwaban köu.

Mataio 6:3

Ke u ka he bi ka ham ânyâm betenge, e so e ca he hnyamâm a mem ka wâ ûnyi ame mâdrâ hnyamâm a metâm:

Mataio 6:6

Ke haba u, u ka he âu ka hic, didrut ka hnyi hnyeulem, eiö hnyin uma, ke u ka hia but hlöng hwanuma, hic ju ka Kâmâm hnyi dok ae iyong, ke ame he Kâmâm at ame wâ hnyi dok ae iyong ka bi hwaban köu.

Luka 14:14

ke adre me he ka ohnahici u; anyin ae ca hu gadra ûnyi he ka bi hwaban hmetu köu: anyin adre me he ka bi hwaban köu hnyi ûen möt hmetu a tavat ae wisa hwakecidra.

Luka 8:17

Anyin ae ba ûnyi adre me ikhâlâ ame ca he ka manen; ko ba ûnyi ae iyong ame ca he bi ka manen.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

Heberu 4:13

Ke ca iyong bi ke unyi adre op hnyi hnyimakan: ke ame ve he thu me manen wia but ta je ûnyi hia thithö ka hnyi li emakan at, wale ate me he ka ve omanenâ kâu hwakecita.

Juda 1:24

Ke so e unyin at ae khana he ka tuʼ öbun, wâ öbun nye ū but, me omanenʼ öbun ae ba hnyikongon hnyi hnyimakan anyin hmanenang me senyin ae gan,

Hna Omanenâ 2:23

Ke oge me he ka hlingâ lakon ge mok; ke ame he ta je ekalesia ka khanʼ ödra, ka habe, inya ang at ame elâm ta je ûnykûme me ta je hnyok: ke oge me he ka ve ham köbun hoton anyibun ta je huliwa.

I. Samuela 2:30

Anyin a wale ame ha Iehova Khongon at Isaraela, ka habe, Oge ha a gʼ ame he ânyâm lap me lap anyin lakâmâm ka he hnyi hnyimakök nyiele balua: ke walang ang haingö Iehova, Hûkötiânök; anyin oge me he ka ogânʼ ödrin hnyat ödrin e oganö nya, ke oge me he ka hmehma gadrin hnyat ödrin e hûkötiö nya.