Mataio 6:34 - Iaai Bible 1901 (New Caledonia)

³⁴ Anyin a wale ca ûnykûme ûjengoâ bi ge bong nyi: anyin a hamen bong nyi he ka ûnykûme gan bi. E ûcû thibi bong me anyin monu.

Mataio 6:34 ပူးပေါင်းရင်းမြစ်များ

Je tenge anyi Jeremi 3:23

Kʼ ame teb ûnyi hnyi je hnyomakatu; e gan hmâ ânyâm hnathu.

Mataio 6:11

Ham but kohmun hnyi bong ang jeû ae ûcû kohmun.

Mataio 6:25

Anyin a wale, inya oge me ha köbun, ka habe, Ca ûnykûme ûjengoâ hnân hobi kâu anyibun möt, wale ge hnobun hna he ka han me ic; ke unyibun, wale ge hnobun hna he ka khavâ. Hawa, e ca beönua möt hon jeû, me unyin hon ûkhaû?

Mataio 6:27

Ke ie at gabun ame ûnykûme ûjengoâ ae khana he ka bi hanen kubit a khaca ka hnyi ibeûen?

Luka 10:41

Ke haba Than ame thu kâu, ka habe, Maretha, Maretha lö, u me kong hnyekom me hmak ge ta je ûnyi ae se hia:

Luka 11:3

Ham kohmun hnyi je bong jeû ae ûcû ka hnyi bong bi.

Luka 12:11

At ka hum öbun ka hnyi ta je sunago, me ka tavat owisa, me ta je musi, ca ûnykûme bi, ka habe, ieû hnân thu, me ieû hnân he ka ha:

Luka 12:22

Ke haingen ka laten, ka habe, Waleling me oge me ha köbun, ka habe, Ca mē ûnykûme bi ge anyibun möt, wale ge hnöbun hna he ka han; ke unyibun, wale ge hnobun hna he ka khavâ.

Ioane 14:27

Oge me ip hnahic unyibun; oge me ham köbun anyik hnahic: oge me ca ham köbun helâ me hna ham hnen hmeledrany. Ca hlohlo je hnyekubun, ke ca ot bi.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Ta je huliwa 14:22

ödru me ohmâ je hnyekon laten, me sihwegi ödra he ka tethmâ hnyi labageju, me ha, ka habe, hamöta he ka dit ka hnyi dokhu dokhon Khong deny ta je vec ae se hia.

Deuteronomi 33:25

Ame he ka fao me bras ânyâm je venyâ; Ke haba bongom je bong me ame he ka tha ûcû me tang hwegiâm.

Filipi 4:6

Ca kong hnyekunâ ge ta je ûnyi; ke so bi hnyi ta je ûnyi hia thithö, omanenâ je webun ka Khong hnyi hic me sumat me ole.

I. Peteru 5:7

hna but kâu anyibun ta je hmak hia thithö, anyin a e ame ûnykûmi öbun.