Mataio 6:31 - Iaai Bible 1901 (New Caledonia)

³¹ Anyin a wale ca ûnykûme bi me ha, ka habe, Ieû ate me he ka an? ke, Ieû ate me he ka ijem? ke, Ieû ate me be ka khavâ?

Mataio 6:31 ပူးပေါင်းရင်းမြစ်များ

II. Man Ûlabainy Je Than. 25:9

Me haingö Amazia ka aten Khong, ka habe, Ötin e he ka kâmâu ta je talan a wan haded waleji o ge ham ka deo vat anyin Isaraela? Ke haingen aten Khong, ka habe, E khanö Iehova he ka ham gânâ köu hon e.

Salamo 111:5

E ame hia but ham jeû ka tavat adre me outen e: E ame he ka ûnykûme anyin ûhihinyköu nyiele balua.

Salamo 37:3

Geju thö kö Iehova, ke mâdrâ so; Labâ hnyei, ke hnu hoton hnathu.

Salamo 55:22

Khûâ but kö Iehova ûnyi u me hmak gan, ke e ame he ka ci u; E ame ca he balua ka hna at ae wisa he ka bwebwet.

Mataio 15:33

Ke haba laten ödrin e ha kâu, ka habe, E hu gatin ûnyi ua je areto ae se hia eang hnyi hnyebuba, me hnân he ka osekunâ tavat ae se hia helâng?

Mataio 4:4

Me e ame thu me ha, ka habe, Adre hia but sihnalimen, ka habe, Ame ca he ka möt at ge areto thibi, ke hnen bi ta je hofuc hia ame o but ûnyi hnyi hnyimen Khong.

Mataio 6:25

Anyin a wale, inya oge me ha köbun, ka habe, Ca ûnykûme ûjengoâ hnân hobi kâu anyibun möt, wale ge hnobun hna he ka han me ic; ke unyibun, wale ge hnobun hna he ka khavâ. Hawa, e ca beönua möt hon jeû, me unyin hon ûkhaû?

Mataio 6:27

Ke ie at gabun ame ûnykûme ûjengoâ ae khana he ka bi hanen kubit a khaca ka hnyi ibeûen?

Luka 10:41

Ke haba Than ame thu kâu, ka habe, Maretha, Maretha lö, u me kong hnyekom me hmak ge ta je ûnyi ae se hia:

Luka 12:11

At ka hum öbun ka hnyi ta je sunago, me ka tavat owisa, me ta je musi, ca ûnykûme bi, ka habe, ieû hnân thu, me ieû hnân he ka ha:

Luka 12:22

Ke haingen ka laten, ka habe, Waleling me oge me ha köbun, ka habe, Ca mē ûnykûme bi ge anyibun möt, wale ge hnöbun hna he ka han; ke unyibun, wale ge hnobun hna he ka khavâ.

Luka 12:29

Ke ca elâm öbun hnobun hna he ka an me ic, ke ca loloâ bi.

Filipi 4:6

Ca kong hnyekunâ ge ta je ûnyi; ke so bi hnyi ta je ûnyi hia thithö, omanenâ je webun ka Khong hnyi hic me sumat me ole.

I. Peteru 5:7

hna but kâu anyibun ta je hmak hia thithö, anyin a e ame ûnykûmi öbun.