Mataio 6:2 - Iaai Bible 1901 (New Caledonia)

² Anyin a wale u ka be ka ham ta je betenge, ca tûâ khoto hnyi hnyimâkâm, helâ me man tavat thoi hnyok hnyi je sunago me ta je gethen, me me he ka haisoi ödra hnen tavat. E hnathu inya oge me ha köbun, adre hia but kap hwabödra.

Mataio 6:2 ပူးပေါင်းရင်းမြစ်များ

Salamo 112:9

E ame hia but kuia, me ham ka tavat ae theduoc; Kʼ ame tethmâ nyiele balua hwakecin ae wisa: Ame he ka gorany anyin faoiny meno ge ogânâ.

Salamo 37:21

Haba at ae kong ame mē sumat, me ca ham hmetu bi: Ke haba at ae wisa ame betenge me, ham.

Ta je Vejec 19:17

Haba at ame betenge ge at ae theduoc, me ame më ham kö Iehova, Ke e ame he ka bi hwaban hnen hna ânyâ ae so.

Ta je Vejec 20:6

E se hia tavat adre me ve ha hwakecidra bi ae betenge: Ke ie at ae khana elâm at ae hnathu?

At Khet 11:2

Ve ha jekhon tavat a ödrin seven, eke, ame ne eit; anyin ae ca khanö u ûkonguny ame he ka o eang hmeledrany.

Isaia 10:6

Oge me he ka kunâ e ka tavat a adre ca ot, ke oge me he ka hûna kâu hnyei ae hmönyik ka hnyin, he ka hûgûnâ ta je omjeû, me söh ta je ûnyi, me uti ödra helâ me hmudra hnyi je gethen.

Isaia 58:7

Hawa, ca e bi minya, he ka khenâ âm je jeû ka at ae mekihnânem, ke u me he ka hom tavat ae theduoc adre me obâ but ka hnyi hnyabam? ke u ka wâ at ame he thu mʼ u me he ka okhavâ e; ke u me ca he bi ka lubaduöng ge je liamekeiny möu.

Isaia 9:17

Anyin a wale ame ca he Than ka senyin ge je hidröu unyidra ke e ame ca he ka betenge ge tavat ae ba kamödra, me je safac: anyin a ödra hia thithö adre me ca ot, ke tavat bi ae kong, me je hnyem hia ame hwen monu. Hnyi ta je ûnyi e hia, ame ca hwio anyin hmonyin, ke ame lau bala bi hnyamen.

Hosea 8:1

IP ju trutru hnyi hnyimâm. E ame he ûcon lap anyi Iehova helâ me aeto: anyin adre hia but hanyâûâ anyik ûhihiny-köu, me khikhin ge anyik hnanyibu.

Mataio 15:7

Hnyat thoi hnyok lö, e so hna perofeta gabun hnö Isaia, ka habe,

Mataio 16:3

Ke hnyi hnyomakatu, Ame he ka kong drany hnyi bong ang: anyin ame dra drany ke khömet. E khanʼ öbun he ka wâhmakhmetoâ bongon drany; ke ca khanʼ öbun bi be ka wâhmakhmetoâ ta je haten ta je ûen.

Mataio 22:18

Ke haba Iesu ame wâ hwakecidrin ae kong, me e ame ba, ka habe, Hnyat thoi, ieû gabun öbun e cubic nya?

Mataio 23:5

Ke ödrin e ânyâ hia anyidrin ta je huliwa hnân bi wânen at: anyin ödrin e olâwâ anyidrin je filateri, me ogânâ je baten je khaûdrin,

Mataio 23:6

me wedrin ta je hna laba ae beönua hnyi ta je bijeû, ke je utap ae nua hnyi ta je sunago,

Mataio 24:51

me ame he ka subâ luâ e, me ha jekhon unyin tavat thoi hnyok; ame he ka tenge eling me ûgiö ganyon.

Mataio 5:18

Anyin ae hnathu inya oge me ha köbun, a gʼ ame ca he bi ka hia ke iota, ame ne ke ong ûnyi ae ûhnyûkong hmonyin ûnyi hnyi hnanyibu, ke ne o but ame he ka hia drany me hmeledrany, me me he ka hwâdâ ta je ûnyi hia thibut.

Mataio 6:16

Ke haba khaca, öbun ka he ka ânyâ ca han, ca helâ bi me man tavat thoi hnyok ae hmak hnyimakodra: anyin adre me okongoâ je hnyimakodra me me manen dut ka tavat a adre me ca han. E hnathu inya oge me ba köbun, ka habe, Adre hia but kap hwabödra.

Mataio 6:3

Ke u ka he bi ka ham ânyâm betenge, e so e ca he hnyamâm a mem ka wâ ûnyi ame mâdrâ hnyamâm a metâm:

Mataio 6:5

Ke öbun ka he ka hic, e so öbun e ca helâ me tavat thoi hnyok: anyin e senem kodra he ka tot me hic hnyi ta je sunago me vheden ta je gethen, me me haisoi ödra hnen tavat. E hnathu inya oge me ha köbun, adre hia but kap hwabödra.

Mataio 7:5

U at thoi hnyok, bâm ka oc udâ ûnyi hnyi emâkâm bi; me u me he ka wâ wia he ka hom atmen ûnyi hnyi hnyin emakan liamekeiny möu.

Mareko 12:39

ke wedra ta je tap ae nua hnyi ta je sunago, ke ta je tap ae beönua hnyi ta je bijeû:

Mareko 7:6

Me e ame ha ködrin, ka habe, E so hna perofeta hnö Isaia gabun hnyat thoi hnyok, ka habe, Haba tavat ang adre me oganö nya ge je esongodidra, Ke ûsâkâûö mönya je hnyekudra.

Luka 11:41

Ke so bi öbun e ne ham onyen hnyi betenge; awe, ame he ka so ta je ûnyi hia unyibun.

Luka 11:43

Ekölö gabun ta je Faresaio! anyin a webun je taben lap ae nua hnyi ta je sunago, ke he ka nom köbun hnyi ta je hna ûcû.

Luka 12:33

Ûco thö anyibun ta je ûnyi me ham hnân ibetengiö; ânyâ ju je tang mone ae nâk hobi köbun, wale tang omjeû hnyi drany ame ca ba balua bi, ame ca hakekenyâ at ae venöu, kʼ ame ca okongoâ minya bi hnen nokon walelaba.

Luka 12:56

Öbun hnyat thoi, e khanʼ öbun he ka wâhmakhmetoâ hmeledrany me drany; ke hawa bi ang öbun e ca wâhmakhmetoâ ûen ang?

Luka 13:15

Haba Than ame thu kâu, ka habe, Hnyat thoi, hawa, öbun e ca ve thang hnyi sabath bolok me asina, me su hnyi köiö ai he ka habelen?

Luka 20:46

O ʼbun âu ge tavat sihnalimen, hnyat a wedra he ka he me ta je ûkhaû ae beû, me he ka nom kodra tavat hnyi ta je hna ûcû, me je hing taben lap hnyi je sunago, me je hna laba ae beönua hnyi je bijeû;

Luka 6:24

Ekölö gabun tavat tren omjeû! anyin a öbun e hia but kap anyibun so.

Luka 6:42

Ke u me he ka kâmâu ka ha ka liamekeiny möu, ka habe, Liamekeiny lö, iny bethe he ka hom atmen hnyi hnyin emâkâm, ke haba u bi u me ca wâ hmâ udâ eû hnyin emâkâm bi? U at thoi hnyok, bâm ka degec udâ ûnyi hnyi emâkâm bi, mʼ u me he ka wâ wia he ka degec ut atmen ûnyi hnyi emakan liamekeiny möu.

Ioane 13:29

Haba keihen ödrin e ûnykûme anyin a e unyi Juda tang, me ame ha kâu Iesu, ka habe, Ûco thö ûnyi ae ûcû otin ka hnyi bijeû; kʼ ame ne ha la, he ka ha omjehen ta je theduoc.

Ioane 5:41

Oge me ca kap hna ogânâ ûnyi ge at.

Ioane 5:44

Öhun e he ka kâmâu he ka labageju, öbun hnyat ûkapköuâ hnân ogânâ ûnyi gabun bi, ke ca elâm bi hnân ogânâ ûnyi ge Khong a khaca thibi?

Ioane 7:18

Haba at ame ha hofuc ka ûnyi gan bi e ame elâm be ka ogânâ e bi: ke haba at ame elâm he ka ogânâ at a kunâ e, e hnathu e, ke ba hwakecin ae ca wisa gan.

Ta je huliwa 10:2

e at fâfâ hnyekon, kʼ ame outen Khong tha e me anyin lap hia, me ham ta je betenge ae se ka tavat, me hic bala ka Khong.

Ta je huliwa 10:31

kʼ ame ha, ka habe, Konelio lö, adre hia but long hijâm hic, ke adre hia but ûnykûme hnâm je hna betenge hnyi hnyimakan Khong.

Ta je huliwa 10:4

Ke e ame wâ hmâ e, me ame ot me ha, ka habe, Than lö ieû? Me haingen ame ha kâu, ka habe, A o but hijâm je hic me hnâm je hna betenge hnyi hnyimakan Khong hnân oûnykûmeâ.

Ta je huliwa 11:29

Haba laten adre me tha ha he ka kunâ ta je bwihlany ka je liamekeiny adre me laba hnyi Juda, e ûcû me hnödra hna ve khana:

Ta je huliwa 24:17

Hwaban ta je huna ae se hia, inya oge me o eang he ka hom ta je betenge ka aten ik hnyei, me ta je hut,

Ta je huliwa 9:36

Ke e hu hnyi Jopa ke aten, Tabitha ien, kʼ adre me wia bongon ien, me Doreka: haba momo e, me unöngöt ge ta je huliwa ae so kʼ ame betenge ka ta je theduoc.

Roma 12:8

ame ne at khet, khetâ thö: ke a ne at ame ham, ham hnathoâ thö; at ame musi, musi wia ju, at ame betenge, betenge thö me senyin.

I. Korinito 13:3

Ke oge ne khenâ anyik ta je ûnyi hnân hān tavat ae theduoc, ke oge ne ham unyik mʼ adre me he ka thong degecâ, ke ba gak ibetengiö, awe, e ba troban könya.

Galatia 2:10

ke ame wedrin thibi mʼ ohmu me he ka ûnykûme tavat ae theduoc; wale thibi ûnyi ae hmehmelâ hnyekuk he ka ânyâ.

Efeso 4:28

Haba at ame venöu, ca he hmetu bi ka venöu: ke so bi e ame he ka huliwa, me ânyâ ge li hnyamen ûnyi ae so, me me hu kâu hnân he ka ham ka at ae theduoc.

I. Thesalonika 2:6

ke öhmun e ca elâm hnân ogânâ ûnyi ge at, ke ca ûnyi gabun, ke ca ûnyi ge keihen, ke so bi e khanʼ öhmun he ka ohmaki öbun, anyin a öhmun je aposetolo anyin Keriso.

I. Timoteo 6:18

mʼ adre me he ka ânyâ so, me tren omjeûiny ta je huliwa ae so, me khenen he ka kuia, me weny he ka betenge;

Filemona 1:7

Anyin ae hu gak senyin me kaukahwa ae gan hmâ ûnyi ge ânyâm ibetengiö, anyin a ûnyi gam liamekeiny mönya, a gʼ adre hia but okahwa je hnyekon wakap.

Heberu 13:16

Ke ca he öbun ka hnying he ka mâdrâ so me betenge: anyin a wale je hut Khong ame senyinâ.

I. Peteru 4:11

a ne fuc ke at, fuc dö helâ me hofuc hwan Khong; a ne huliwa ke at, huliwa helâ me man ame ham ge Khong: mʼ adre me he ka ogânâ Khong hnyi ta je ûnyi hia thithö ga Iesu Keriso, e unyin hna ogânâ, me musi nyiele nyiele balua. Amen.

I. Samuela 15:30

Ke e ame ha, ka habe, Oge hia but ânyâ hulö: ke so bi ö u ogânö nya walang ang hnyi hnyimakan wahingatiny lakeik, me hnyimakan at Isaraela, ke u me he ka tha hmetu mönya me inye he ka khudrung kö Iehova Khongom.