Mataio 6:19 - Iaai Bible 1901 (New Caledonia)

¹⁹ Ca ip hobi köbun tang omjeû eang hmeledrany, ae hu nokon walelaba me viiny he ka ohia, wale dok ae hu at venöu hnyin adre me he ka kia me venâu:

Mataio 6:19 ပူးပေါင်းရင်းမြစ်များ

Jobu 24:16

Hnyi lit ödrin e thö je uma: Hnyi lany ödrin e thelöng bi je hwanumödrin; E ca khanʼ ödrin bi lany.

Jobu 31:24

Oge ne labegejon gol, Me ha ka gol, ka habe, U hnok hna ge ju kâu;

Salamo 39:6

Ame labö vheno tavat hia hnyi hmenon thibi: E ûnyibaû anyidra ûtuböny: E ame khon, ke ca khana ewa at ame he ka hlo.

Salamo 62:10

Ca geju bi ka hwakecin sedâ, Ke ca hobelöu bi ka hnyi hwakecin venöu: E ka osehia tot omejeû, ca hnyok kâu.

Esodo 22:2

Adre ne kât at hnyi ûen e ame tiga venöu, ke adre kot moko e, me ba dra hnân bi hwaban.

Ta je Vejec 11:4

E ca ûnyi hnathu omjeû hnyi ûen hmonyin: Ke haba hwakecin ae wisa me wale ûhomeli ûnyi hnyi hna mok.

Ta je Vejec 16:16

Shaiba ge soiny hom metâ hon gol! Eke, e so he ka hu wâhmakhmeto hon he ka hûce sileva.

At Khet 2:26

Anyin a Khong ame ham metâ ka at kʼ ame osenyinâ e, ke wâhmakhmeto, ke senyin: ke e ame ham huliwa ae hmak ka at ae kong, he ka ûkhacaköuâ me ûkhöûnâ, me me he ka ham bi ka at ame osenyinâ Khong. Wale ke thatûnyi, ke ame han ang.

Zefania 1:18

E ca khana bi anyidra sileva me gol he ka omeli ödra hnyi bonginy hmonyin anyi Iehova; ke adre me he ka thong degecâ hnyei hia ge meicin anyin ciâ: anyin a e ame he ka bi obiny, eke, obiny ae mweimwei ka tavat hia adre me laba hnyi hnyei.

Mataio 19:21

Haba Iesu ame ha kâu, ka habe, A ne wem he ka bekhöt, he thö, ûco thö ânyâm ta je ûnyi, me ham ka tavat ae theduoc, ke u me he ka hu tang omjeû hnyi drany: ke aiö u bi, he hotuk.

Mataio 6:20

ke so bi ip ju hobi köbun tang omjeû ethö hnyi drany, dok ae ba nokon walelaba me viiny he ka an, ke ba minya at venöu ame he ka kia me venâu:

Luka 12:21

E ûcû at ang me at ame ka ip tang omjeû hobi kâu e bi, ke ba bi tang omjehen unyin Khong.

Luka 12:33

Ûco thö anyibun ta je ûnyi me ham hnân ibetengiö; ânyâ ju je tang mone ae nâk hobi köbun, wale tang omjeû hnyi drany ame ca ba balua bi, ame ca hakekenyâ at ae venöu, kʼ ame ca okongoâ minya bi hnen nokon walelaba.

Luka 12:39

Ke wâûnykûme ju öbun ang, a ne khana tuhan uma ûen ame he ka o hnyin at venön, ame ne hia but hmâkâ, me e ame ca hna bi umen uma mʼ adre me he ka kia e.

Luka 18:22

Ke a long ut Iesu ûnyi e, me e ame ha kâu, ka habe, Khaca biju ûnyi ae hia gam: ûco thö ânyâm ta je ûnyi hia, me khenâ ka ta je theduoc, ke u me he ka hu tang omjeû hnyi drany: ke aiö u bi, me he hotuk.

Luka 18:24

Ke ame wâ e Iesu, me haingen, ka habe, Huliwa but at ae tren omjeû he ka didro ka hnyi dokhu dokhon Khong!

I. Timoteo 6:17

Hûna thö ka tavat tren omjeû eang hmeledrany ka habe, Ca he ödra bi ka bi gan, me ca he ka gejon ta je omjeû wale ame ca tethmâ, ke so bi ka Khong ae möt at ame ham köta hia ta je ûnyi hnân osenyini öta;

Heberu 13:5

Ca he öbun ka munyi hnyokâ mone; sekubun ju ge ta je unyi öbun e hu: anyin a e ame hia but ha, ka habe, Oge me ca he bala he ka hnö u, ke oge me ca he balua ka hna degeci u.