Mataio 6:16 - Iaai Bible 1901 (New Caledonia)

¹⁶ Ke haba khaca, öbun ka he ka ânyâ ca han, ca helâ bi me man tavat thoi hnyok ae hmak hnyimakodra: anyin adre me okongoâ je hnyimakodra me me manen dut ka tavat a adre me ca han. E hnathu inya oge me ba köbun, ka habe, Adre hia but kap hwabödra.

Mataio 6:16 ပူးပေါင်းရင်းမြစ်များ

II. Samuela 12:16

Haba Davita ame elâm Kkong hobi kâu wanakat; ke Davita awe ca han, me didro, me mokut eû hnyi kânâ hnyi lit hia.

II. Samuela 12:21

Me ame ha kâu lathnyabainy, ka habe, Ieû ûnyi ang u je ânyâ? a u je ca han kʼ u tengiâ wanakat ke tiga möt; ke a mokcu wanakat, me u me todrö me han.

I. Je Than 21:27

Ke a long ut Ahaba ta je hofuc eling, me e ame kia anyin ûkhaû, me khavâ ecmano ae gan nân, kʼ ame ca han, kʼame mokulec ec mano ae gan nân, me he menyöng.

Nehemia 1:4

Ke hnyi ûen oge me long hofuc e, me oge me laba but me tenge, me hmak hnyekuk hnyi ke je bong, me ca han, ke oge me hic hnyi hnyimakan Khongon drany,

Esetera 4:16

He thö ka ûkhacaköuâ at Juda hia adre me wâ hnyi Susani, ke he thʼ öbun ka ca han, cak, ca he ka han me ic hnyi kun ta bong, hnyi lit me lany: ke oge me he bi nya me anyik je hlu he ka ca han minya; ke helâe oge me he ka he ka than, wale a ca ûcû me hnanyibu: ke eja ke ne oge ne mokcu, awe, oge me he ka mokcu.

Salamo 109:24

E sënyin dut li boucak anyin oge me ca han; Kʼ ame aû tot pipikhenyainy vik.

Salamo 35:13

Ke haba inya, me oge me khavâ ûkhaû ae gan nân hnyi ûen mok a ödra: Kʼ oge me hom ûhnyûkongo hanuk me ca han; Ke ame hmetu hijik hic ka hnyi ûlaik.

Salamo 69:10

Hnyi ûen oge me tenge, kʼ ame vec hanuk ge ca han, Me adre me hiö nya can e.

Daniela 9:3

Me oge me bwele thö ka than a Khong me elâm a deny hic me khöû, me ca han, me mano ae gan nân, me hnabadröu.

Malaki 3:14

Öbun e hia but ha, ka habe, E ûnyi baû he ka bi athnyaba ka Khong: ke ieû troban hnöta hna tuö hnen je hna otilâ, me tenge tot hnyi hnyimakö Iehova tuhan sabaoth?

Mataio 6:1

WÂ eâu, ke ca he ka ânyâ hwakecibun ae wisa hnyi hnyimakan tavat hnân bi wânödra: wâ e nye ba but hwaböbun ûnyi ge Kamöbun ethö hnyi drany.

Mataio 6:2

Anyin a wale u ka be ka ham ta je betenge, ca tûâ khoto hnyi hnyimâkâm, helâ me man tavat thoi hnyok hnyi je sunago me ta je gethen, me me he ka haisoi ödra hnen tavat. E hnathu inya oge me ha köbun, adre hia but kap hwabödra.

Mataio 6:5

Ke öbun ka he ka hic, e so öbun e ca helâ me tavat thoi hnyok: anyin e senem kodra he ka tot me hic hnyi ta je sunago me vheden ta je gethen, me me haisoi ödra hnen tavat. E hnathu inya oge me ha köbun, adre hia but kap hwabödra.

Mareko 2:18

Ke haba latö Ioane, ke laten ta je Faresaio, adre me ânyâ ca han: me adre me o but kâu, me ha, ka habe, Haba latö Ioane me laten ta je Faresaio adre me ânyâ ca han, ke haba lâtâm, me ödrin e ca munyi ânyâ geû ca han?

Luka 18:12

Inya oge me olo ânyâ ca han hnyi je wik, ke oge me ham ke keihen a libenyitainy anyik ta je ûnyi hia thithö.

Luka 2:37

ke e safac hnyi ta je huna a eite foa), e ame ca hnyi bia hnyin uma kap, kʼ ame bi athnyaba hnyi lit me lany, me ânyâ ca han, me labö khöû.

Ta je huliwa 10:30

Ke haingö Konelio, ka habe, Haba vak ta bong et ang, me oge me hic hnyi awa a naininy hnyi umök uma, ke wâ bi, ame tot ke at hnyi hnyimakök a khavâ ûkhaû ae hadröngöc,

Ta je huliwa 14:23

Ke ödre hia but otilâ wahingat hobi kodra hnyi ta je ekalesia, ke ödre hic me ânyâ ca han, me ödru me hnʼ ödra but ka Than, at adre me labageju kâu.

I. Korinito 7:5

Ca behânâ ke at hnen ke at, ke so bi e tha hnyekubu hnyi ke ûen, möbu me he ka hnʼ öbu but ka hic, me öbu me he ka tha laba hmetu bi, wâ e nye cubic öbu Satana anyin ae ca khanʼ öbu hokhnyok.

II. Korinito 11:27

inya hnyi huliwa ae hmak, me vec, me osehia hmâkâ, me mekihnânem, me beic, me ibiose hokhnyok, me hnyi megic, me he thu.

II. Korinito 6:5

me hna osoâ, me hnyi uma ceat, me hnyi je imonumonu, me ta je huliwa, me hmâkâ me mekihnânem;