Mataio 6:1 - Iaai Bible 1901 (New Caledonia)

¹ WÂ eâu, ke ca he ka ânyâ hwakecibun ae wisa hnyi hnyimakan tavat hnân bi wânödra: wâ e nye ba but hwaböbun ûnyi ge Kamöbun ethö hnyi drany.

Mataio 6:1 ပူးပေါင်းရင်းမြစ်များ

II. Je Than 10:16

Ke haingen, ka habe, Ötu ma tha he, me u me he ka wâ tang hwegiök hobi kö Iehova. Me adre me olaba e hon kariota.

II. Je Than 10:31

Ke ame ca wâ wia Jehu he ka vheno hnanyibu anyi Iehova Khongu Isaraela, me hnyekon a khaca: e ame ca saû ûnyi hnyi ta je hulö anyi Jeroboama, wale ame okûâ je hwakecin ae khong anyin at Isaraela.

Salamo 112:9

E ame hia but kuia, me ham ka tavat ae theduoc; Kʼ ame tethmâ nyiele balua hwakecin ae wisa: Ame he ka gorany anyin faoiny meno ge ogânâ.

Ezekiela 33:31

Ke adre me he köu helâ me hwakecin tavat, kʼ adre me laba hnyi hnyimâkâm helâ me lakeik, kʼ adre me long hwâm hofuc, ke so bi adre me ca mâdrâ: anyin adre me ha betenge ge ta je hnyimödra, kʼ adre me vheno hnödra hna behnyekon ge je hnyekudra.

Daniela 4:27

Anyin a wale, than lö, e na so ju köu bok hofuc, ke soju monu gam, me ânyâ wisa, ke soju hwakecâm ae kong, ke betenge ju ge tavat ae theduoc; mʼ adre me ne he ka obeûâ hnâm hnahic.

Zakaria 13:4

Ke hnyi ûen eling ame he ta je perofeta ka ve hmehma ge hnödra hna wâ, ödra ka perofeta; ke adre me ca he ka khavâ ûkhaû ae hu dinen he ka iyawö:

Zakaria 7:5

Ha thö ka aten hia hnyei, me ka tavat bihut, ka habe, Haba hnyi je ûen öbun e ânyâ ca han me tenge thungaû hnyi tehi a faiviny me tehi a seveniny, hnyi je huna a sevente, hawa, öbun e ânyâ ca han könya?

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Mataio 16:6

Haba Iesu ame ha ködrin, ka habe, O ʼbun âu ge leven anyin ta je Faresaio me ta je Sadukaio.

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Mataio 23:5

Ke ödrin e ânyâ hia anyidrin ta je huliwa hnân bi wânen at: anyin ödrin e olâwâ anyidrin je filateri, me ogânâ je baten je khaûdrin,

Mataio 25:40

Me ame he Than ka thu ködrin, ka habe, E hnathu inya oge me ha köbun, habaji ge hnobun hna ânyâ ka ke at gadra ae ûhnyûkong hmonyin a je liamekeiny mönya, me öbun e ânyâ ling könya.

Mataio 5:16

Helâ ju e öbun, omelamâ thö melamibun hnyi hnyimakan tavat, mʼ adre me wâ anyibun ta je huliwa ae so, mʼ adre me he ka ogânâ Kamöbun ethö hnyi drany.

Mataio 5:46

Anyin öbun e ne betenge ge tavat adre me betenge gabun, me, ieû hwaban köbun? hawa, a ca ânyâ helâe ta je telona?

Mataio 5:48

Anyin a wale hamöbun he ka wisa helâ me iwisainy Kamöbun ethö hnyi drany.

Mataio 6:16

Ke haba khaca, öbun ka he ka ânyâ ca han, ca helâ bi me man tavat thoi hnyok ae hmak hnyimakodra: anyin adre me okongoâ je hnyimakodra me me manen dut ka tavat a adre me ca han. E hnathu inya oge me ba köbun, ka habe, Adre hia but kap hwabödra.

Mataio 6:9

Waleling, mʼ öbun e he ka hic helâng, ka habe, Kamöhmun lö, ethö hnyi drany, E so e kap iâm.

Mareko 8:15

Ke e ame hûna ködrin, ka habe, E, ö ʼbun aû ge leven anyin ta je Faresaio me leven anyi Heroda.

Luka 11:35

Anyin a wale wâ wia ju wâ e nye lidrut melam eû hnyi hnyekom.

Luka 12:1

HNYI ûen eling ame ûkhacaköu tavat ae se hia je thauzan, ke adre me iutiödraköuödra, me e ame hwân ka ha bânâ ka laten, ka habe, Ö ʼbun âu ge leven anyin ta je Faresaio wale thoi.

Luka 12:15

Me haingen ködra, ka habe, Wâ eaû, tuʼ öbun ju, wâ Öbun nye behnyekon: anyin ame ca möt at ge ûganiny ta je ûnyi ame hu kâu.

Luka 16:15

Ke e ame ha kodra, ka habe, Öbun tavat öbun e owisʼ öbun bi hnyi hnyimakan tavat; ke khana bi Khong je hnyekubun: anyin a haba ûnyi ame oûnyihnathoâ at, me, ikiki bi ling hnyi hnyimakan Khong.

Ioane 12:43

anyin ae nua wedra a gʼ ame he ka ogânʼ ödra hnen tavat, hon wedra a gʼ ame he ka ogânʼ ödra hnen Khong.

Ioane 5:44

Öhun e he ka kâmâu he ka labageju, öbun hnyat ûkapköuâ hnân ogânâ ûnyi gabun bi, ke ca elâm bi hnân ogânâ ûnyi ge Khong a khaca thibi?

Ta je huliwa 3:12

Ke a wâ but Peteru e ame ha ka tavat, ka habe, At Isaraela lö, ieû gabun öbun e lâiâ ûnyi ang? ke ieû gabun öbun e wâ hmʼ ohmu helâke me hnen manihmu man me hwakecihmu ae ûcû ka Khong me me he thö at ang?

Galatia 6:12

Haba tavat adre me wedra he ka haiso, ödra hnen at, me adre me ûjongi öbun he ka peritom; ke adre me ânyâ helâe wâ adre nye okongu ödra can satauro anyin Keriso.

Deuteronomi 24:13

Ke u me he ka ham hmetu kâu haten e ka didrut seûno, me me he ka tha mokut me khaûen bi me hahnahici u: ke wale hwakecâm ae wisa hnyi hnyimakö Iehova Khongom.

Heberu 11:26

ke e ame ûnykûme a hing omjeû hnödra hna haikongoâ e can Keriso, hon ta je omjeûiny Aigupito: anyin a e ame wâ hmâ hing hwaban.

Heberu 2:1

ANYIN a wale, e ûcû köta he ka oûnyihnatho hmonyinâ ta je ûnyi waleji adre löng, wâ e nye haûhaû but gata.

Heberu 6:10

anyin a ca hwakecin ae ca wisa Khong, me me he ka hnying anyibun huliwa, me ibetengiö öbun e omanenâ ka hnyi ien, wale hnyi hnobun hna bi athnyabainy wakap, me labö bi athnyabaidra.

II. Ioane 1:8

Ō ʼbun aû, wâ e nye hia but gabun ta je ûnyi öhmun e hia but huliwan, ke so öbun e kap hwaban ae unöngöt.