Mataio 5:9 - Iaai Bible 1901 (New Caledonia)

⁹ Hnahic hnen tavat adre me öûsoköuâ: anyin adre me he ka hai ödra me lakon Khong.

Mataio 5:9 ပူးပေါင်းရင်းမြစ်များ

I. Man Ûlabainy Je Than. 12:17

Ke Davita ame didrut he ka ûkhanö mödrin, me ha ködrin, ka habe, Öbun e ne o könya hnyi ûsoköu he ka hadruo nya, awe, oge me he ka tha hnyok möbun: ke so bi öbun e ne he ka alecuo nya ka je iwahnaihmiony mönya, ke ba kongik, awe, e so ame he Khongon lakamötin ka wâ, me thawâ.

Salamo 120:6

E kueny dut tha laba hanuk Me at ame hûkotiâ ûsoköu,

Salamo 34:12

Ie at ae bemöt, Ke weny ta je bong, me me wâ thö so?

Mataio 5:45

mʼ öbun e he bi ka lakon Kamöbun ethö hnyi drany: anyin a e ame oâ anyin seûno hon tavat ae kong me tavat ae so, kʼ ame kunâ we ka tavat ae wisa me tavat ae ca wisa bi.

Mataio 5:48

Anyin a wale hamöbun he ka wisa helâ me iwisainy Kamöbun ethö hnyi drany.

Luka 20:36

ke ca khanʼ ödra bi he ka mok hmetu: anyin a ödra ûcû me ta je angela; ödra lakon Khong, a lakon möt hmetu ûnyi hnyi hna mok.

Luka 6:35

Ke betenge ju ge je iwahnaihmiony möbun, me mâdrâ thö so, me mē ham, ke ca ûnykûme bi; ke ame he ka gan hmâ hwaban köbun, ke öbun e he ka je lakon Beönua: anyin a e menyik kodra hia adre me ca ole bi, me tavat minya ae kong.

Ta je huliwa 7:26

Nyi e ame o ka li at ödru me ûkûc, me e ame thawʼ ödru me me soju, haingen, ka habe, Ke lin lö, öbu liamekeiny, ieû gabu, öbu me ûokongu öbu köu.

Roma 12:18

Laba ûsoköu me tavat hia a ne khanʼ öbun.

Roma 8:14

Anyin a haba tavat ame su ödra Hanon Khong, me ödra thibi e je lakon Khong.

Roma 8:16

Haba Hanu ame ka tha ohnathoâ me je hanuta, a öta je lakon Khong:

Roma 8:19

Anyin a haba hmeledrany ame halubahingen me ti weny gan hmâ hna omanenâ lakon Khong.

I. Korinito 6:6

ke haba liamekeiny ödru me ûhumödruköu ka hnyi owisa, ka hnyi hnyimakan hnyat ca labageju bi?

II. Korinito 13:11

Hnyat me lakeiny lö, obiny ju ang, ka habe, e so öbun e hnahic. Wisa ju öbun, ke kahwa ju; tha hnyok ju; ûsoköu ju: me me e unyibun Khongon ibetengiö me hnahic.

II. Korinito 5:20

Anyin a wale, öhmun je metâ anyin Keriso, helâke Khong ame khöû ûnyi gahmun: ke öhmun e sumatʼ öbun, hobi kâu Keriso, ka habe, ûsoköu öbun ju me Khong.

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Efeso 4:1

ANYIN a wale inya at adre cö nya can Than, inya oge me khöu köbun he ka he hoton hna hawʼ öbun ka hnyin,

Filipi 4:2

Inya oge me khöû kö Euodia, ke oge me khöû kö Sunetuke minya, mʼ ödru me he ka tha hnyok hnyi Than.

Kolose 3:13

ûhokhnyokâköuâ, me ûhnaköuâ a ne hu veciny ke at ge ke at; haba Keriso ame hnʼ öbun, me so öbun ânyâ helâe:

Heberu 12:14

Hnu hoton dʼ öbun ûsoköu unyin tavat hia, me hwakecin ae kap, e ba at ame he ka wâ Than e ka hia e: