Mataio 5:48 - Iaai Bible 1901 (New Caledonia)

⁴⁸ Anyin a wale hamöbun he ka wisa helâ me iwisainy Kamöbun ethö hnyi drany.

Mataio 5:48 ပူးပေါင်းရင်းမြစ်များ

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

II. Samuela 22:31

Haba Khong, e ti wisa deny gethen: Adre cubec hofuc ho Iehova; E becidrin hia tavat adre me labageju kâu.

Salamo 37:37

Bi haten ju at ae wisa, ke wâ ju at ae fofâ: Anyin ame he ka hnahic ut obiny at eling.

Levitiko 11:44

Anyin a inya Iehova Khongubun: okabi öbun dö, mʼ öbun e he ka kap: anyin a iny kap: ke ca obokongi öbun bi ge ta je ûnyi ame iyâû eang hmelen.

Levitiko 19:2

Ha thö ka ûkhacaköu hia anyin lakon Isaraela, me ha ködra, ka habe, Okabi öbun ju, anyin a inya Iehova Khongubun ae kap.

Levitiko 20:26

Mʼ öbun e he ka kap bi könya: anyin a inya Iehova ae kap, kʼ oge hia but ucʼ öbun ûnyi hnyi ta je hnyei hnân hobi könya.

Mataio 5:16

Helâ ju e öbun, omelamâ thö melamibun hnyi hnyimakan tavat, mʼ adre me wâ anyibun ta je huliwa ae so, mʼ adre me he ka ogânâ Kamöbun ethö hnyi drany.

Mataio 5:45

mʼ öbun e he bi ka lakon Kamöbun ethö hnyi drany: anyin a e ame oâ anyin seûno hon tavat ae kong me tavat ae so, kʼ ame kunâ we ka tavat ae wisa me tavat ae ca wisa bi.

Mataio 5:47

Ke öbun e ne italofa me je liamekeiny möbun thibi, me ieû ke ûnyi ae beönua hnyi hnobun hna ânyâ? hawa a ca ânyâ helâe ta je Aten ke je hnyei.

Luka 6:36

Ibetengiököu ju öbun, helâ me Kamöbun at ae betenge.

Luka 6:40

E ca beönua at adre nâ hon at ame ûne: ke ame he ka tha ûcû at adre ometâ me at ame ûne kâu.

II. Korinito 13:11

Hnyat me lakeiny lö, obiny ju ang, ka habe, e so öbun e hnahic. Wisa ju öbun, ke kahwa ju; tha hnyok ju; ûsoköu ju: me me e unyibun Khongon ibetengiö me hnahic.

II. Korinito 13:9

Anyin öhmun e sēnyin; a ne hwege öbun kʼ öhmun sënyin bi: öhmun e hic miny mʼ öbun e he ka bekhöt.

II. Korinito 7:1

HNYAT a oûnykûmik lö, e hu but unyita ta je hna ha bânâ eling, anyin a wale, e so ate me he ka ânyâwiʼ öta bi ûnyi hnyi ta je ûnyi ae ikiki hia hnyi unyin me hanu, he ka obekhötâ hwakecin ae kap hnyi ot ka Khong.

Efeso 3:1

ANYIN a wale inya Paulo, a cö nya Keriso Iesu hobi köbun Aten ta je hnyei,—

Deuteronomi 18:13

U me he ka ti wisa kö Iehova Khongom.

Deuteronomi 27:10

Anyin a wale u me he ka löng hofuc ho Iehova Khongom, me ânyâ anyin je hnanyibu, me hnen hna hûna, me hnen je hna owisa, walang oge me hûna köu hnyi bong ang.

Kolose 1:28

wale at öhmun e khetâ, me sihwegiâ ka tavat hia thithö, me nʼ odra hia hnyi metâ hia, mʼ öhmun e he ka omanenâ tavat hia thithö ae bekhöt soidra unyin Keriso;

Kolose 4:12

Ame italofa mʼ öbun Epafera a hanöbun athnyabainy Keriso Iesu, at ae hwege hic hobi köbun, mʼ öbun e he ka tot wisa, me kap wia hia weny Khong.

Iakobo 1:4

Ke so ame he hokhnyok ka huliwa bekhötâ, mʼ öbun e he ka bekhöt me wisa, ke ba ûnyi ae hia.

I. Ioane 3:3

Ke haba ödra hia ae hu gadra geju eang, me, adre me okabi ödra bi, helâ më ae kap.