Mataio 5:37 - Iaai Bible 1901 (New Caledonia)

³⁷ Ke so e helâng ifucibun, ka habe, E, e; e ba, e ba: anyin a ûnyi hnyi monu he ka bi hanen hon e.

Mataio 5:37 ပူးပေါင်းရင်းမြစ်များ

Mataio 13:19

E ka long ut ke at hofucin dökhu, ke ame ca wâ ûnykûme bi, me ame o but at ae kong, me hûgûnâ ûnyi adre tā eû hnyi hnyekon. Wale thibi e hna tā hnyi baten gethen.

Mataio 13:38

ke haba utkânâ, me wale hmeledrany; ke haba wan ae so, me wale lakon dokhu; ke haba zizania, me wale lakon at ae kong;

Mataio 15:19

Anyin ame didrut ûnyi hnyi hnyok ta je hna ûnykûme ae kong, me je ûhlingö, me venöu âiân ke at, me bi ûnyi monu, me venöu, me ohnatho thoi, me haikongo:

Mataio 5:36

Ke ca he minya ka khemanyin me ha ge bâm, anyin ae ca khanö u he ka ohawâ me ohlitâ ke leûnen bâm a khaca.

Mataio 6:13

Ca hum ohmun ka hnyi ûcûbic, ke so bi hûgûnʼ ohmun dut ûnyi hnyi hulö.

Ioane 17:15

Oge me ca sumatö u a u me he ka hum ödrin ûnyi eang hmeledrany, ke so bi he ka tuʼ ödrin hnyi hulö.

Ioane 8:44

Ûnyi ge kamöbun öbun, wale diabolo, ke öbun e behe ka ânyâ weny ae kong anyin kamöbun. E at ûhlingö hwân hnyi can, kʼ ame ca tethmâ hnyi hnathu, anyin ae ba hnathu gan. E ka he ka ha thoi, me ka ûnyi gan, anyin a e at thoi, ke kamen thoi.

Efeso 4:25

Anyin a wale, degec ut öbun thoi, ke ve ha ju öbun hnathu ka at ae hakekeny köbun: anyin a öta ang je ong outhunyin ke at me ke at.

Efeso 6:16

ke tha e me ta je ûnyi hia e, hom minya thʼ öbun singiny labageju, mʼ öbun e hwege he ka omoko ta je ûdöiny meic anyin hulo.

Kolose 3:9

ca uthoiköu bi, anyin a öbun e hia but uny degecâ at adrem me ta je hwakecin,

Kolose 4:6

E bo öbun e he bala ka fuc me ibetengiö, ame osoâ ge sâlt, me me khanʼ öbun dö hwakecin he ka thu ka tavat.

II. Thesalonika. 3:3

Ke e hnathu Than, at ame otethmʼ öbun, me tuʼ öbun ge hulo.

Iakobo 5:12

Hnyat me lakeiny mönya lö, walang ûnyi ae ûnyi hnathu hon ta je nyi hia, ka habe, ca khemanyin bi, ca hâiâ drany, ke hmeledrany, ke ke ûnyi bi: ke so he ka hake ha eke me eke, ke hobun e ba, me e ba; wâ öbun nye û but ka hnyi hnaûhango.

I. Ioane 2:13

Inya oge me set köbun je kamen anyin ae khanʼ öbun e, waleji ûnyi hnyi can. Inya oge me set köbun wahidröu, anyin a öbun e hwege hon at ae kong. Oge hia but set köbun je wanakat, anyin ae khanʼ öbun Kamen.

I. Ioane 3:12

ca helâ me Kaina, a ûnyi ge at ae kong, kʼ ame hlingâ keiny. Ke can ieû e ame hlingâ e? Can ae kong anyin bi ta je huliwa, ke wisa bi ta je huliwa anyin keiny.

I. Ioane 5:18

E khanʼ öta bi a gʼ ame ca ânyâ hulo hnen at adre hnokoâ ûnyi ge Khong; ke ame tuö e hnen at eji a hnokoâ ûnyi ge Khong, ke ame ca kâlâ e hnen at ae kong.