Mataio 5:33 - Iaai Bible 1901 (New Caledonia)

³³ Ke haba khaca, öbun e hia but long a gʼ adre ha kodra kâû adrem, ka habe, U me ca he ka khemanyin thoi, ke hamâm he ka thamuâ ka Than hnâm hna khemanyin:

Mataio 5:33 ပူးပေါင်းရင်းမြစ်များ

Salamo 50:14

Hudo thö ole ka Khong; Ke ham but ka Beönua hnâm je hna khemanyin:

Salamo 76:11

Hûkölö khöbi ju, me thamuâ kö Iehova Khongubun: E so ame he tavat hia adre me laba igigilo e ka ham je bwihlany ka at ae ûcû ke ka outen.

Esodo 20:7

U ca he ka ha mono iö Iehova a Khongom: anyin ame ca he Iehova ka haisoâ tavat adre me haimono ien.

Levitiko 19:12

Ke ca he öbun ka khemanyin thoi hnyi iök, anyin a u je okongoâ ien Khongom helâe: Inya Iehova.

Nahuma 1:15

Wâ bi, e hon je bucen li can at ame hom uthumetu ae so, at ame haimemenâ ûsoköu! Juda lö, tuö ju ânyâm je bijeû, ke thamuâ ânyâm je khöbi: anyin ame ca he hmetu at ae kong ka vhenu u; kʼ adre hia but subâ degecâ e.

Mataio 5:21

Öbun e hia but long hnödra hna ha kâû adrem, ka habe, Ca he ka ûhlingö; anyin a haba at ame ûhlingö me ûcû he ka owisa e:

Mataio 5:27

Öbun e hia but long hnödra hna ha ehac, ka habe, U ca he ka venâu âiân ke at:

Deuteronomi 23:21

U ka bi khöbi kö Iehova Khongom, me u me ca he ka bec he ka thamuâ: anyin ame he Iehova Khongom ka hnö e gam; me wale hulö köu.

Deuteronomi 23:23

Haba hofuc ame he ûheny hnyi li esongodâm, me u me wâ wia he ka ânyâ; hoton hnâm hna bi khöbi kö Iehova Khongom he ka hudo hut ibetengiö, a ûnyi u je ha bânâ ge hnyimâm.

Deuteronomi 5:11

U me ca he ka ha bâûâ iö Iehova Khongom: anyin ame ca he Iehova ka ha ae ba kongon at ame ha mono ien.

Deuteronomi 6:13

U me he ka outö Iehova Khongom; me bi athnyabainy, me khemanyin hnyi ien.

I. Timoteo 1:10

ke tavat bi ûnyi monu, ke tavat adre me hwen Sodoma, ke tavat venöu at, ke tavat thoi, ke tavat khemanyin thoi, ke ame ne hu ke hwakecin ae ca ûcû me hna ûne ae wisa;