Mataio 5:3 - Iaai Bible 1901 (New Caledonia)

³ Hnahic hnen tavat ae theduoc hanudrin, anyin a hobi kodra dökhu dokhon drany.

Mataio 5:3 ပူးပေါင်းရင်းမြစ်များ

II. Man Ûlabainy Je Than. 33:12

Ke e ame vec, me ame elöm Iehova Khongon, me ti oûhnyûkongoâ e hnyi hnyimakan Khongon lakamen.

II. Man Ûlabainy Je Than. 33:19

Me hijin hic minya, me hwakecin hna betenge kâu hnen Khong ge anyin khöû me anyin hulo hia, me hnen hna he hwali, me je ke keihen e ame op je dok ae gorany hnyin, me otilâ je Aseira me je hnatheat hnyin, waleji ke tiga ca oûhnyûkongoâ e: wâ bi, adre hia but sihnalimen hnyi hofuc hwan tavat wâ.

II. Man Ûlabainy Je Than. 33:23

Ke so bi, e ame ca oûhnyûkongoâ e bi hnyi hnyimakö Iehova helâ me hnö Manase a kamen hna oûhnyûkongoâ e bi; ke haba Amona ame ânyâ hwakecin ae kong hmiö nyin.

II. Man Ûlabainy Je Than. 34:27

anyin ae menyik hnyekom, ke u je oûhnyûkongu u bi hnyi hnyimakan Khong, hnyi hnâm hna löng hwan hofuc ge dok ang, me tavat adre me labā e, ke u je oûhnyûkongu u bi hnyi hnyimakök, me kia ânyâm je ûkhaû, me tenge hnyi hnyimakök; anyin a wale oge me he bi nya ka ling u, haingö Iehova.

II. Man Ûlabainy Je Than. 7:14

ke e ka he lakeik, hnyat adre ip iök hudrin, ka oûhnyûkongu ödrin bi, me hic, me elâm hnyimakök, me hmetu ûnyi hnyi dedrin je gethen ae kong; awe, oge me he ka long hnyi drany, me hna anyidrin monu, me osoâ idrin hnyei.

Jobu 42:6

Anyin a wale, oge me ikiki nya bi me ietra Hnyi sesâ me hnabadröu.

Salamo 1:1

HNAHIC hnen at ame ca vheno uhne-namö anyin tavat ae monu, Kʼ ame ca tot hnyi gethen deny tavat adre me ânyâ hulo, Kʼ ame ca laba hnyi tap taben at ame ûhiö.

Salamo 112:1

OGANÖ Ja thʼ öbun. Hnahic hnen at ame outö Iehova, At ame senyin gan hmâ ge anyin ta je hnanyibu.

Salamo 128:1

HNAHIC hnen at ame outö Iehova, A at ame vheno deny ta je gethen

Salamo 146:5

Hnahic hnen at ame hadruâ e hnen Khongu Jekob, At ame labageju kö Iehova a Khongon:

Salamo 2:12

Ûcimhnyimak dö öbun me nokon, wâ e nye he ka hmonyin, me hiʼ öbun dut eû hnyi gethen, Anyin ame he ka ie kû anyin hmonyin. Hnödra hnahic ödra hia adre me labageju kâu.

Salamo 34:18

E hakekeny Iehova ka tavat ae hmak je hnyekudra, Kʼ ame omelo tavat ame vec hanudra.

Salamo 41:1

HNAHIC hnen at ame ûnykûme ka at ae sënyin: Ame he Iehova ka omelo e hnyi bong ae kong.

Salamo 51:17

Haba ta je hut ka Khong me wale thibi hanu ae mita: Khong lö, u me ca he ka oûnyibaûâ hnyok adre omomono ae bewisa.

Salamo 84:12

Iehova tuhan sabaoth lö, Hnahic hnen at ame labageju köu.

Ta je Vejec 16:19

E so he ka hnyok hnyikânâ tha e me tavat ae ilemuk, Hon he ka tha khenâ je hna söh me tavat bi gan.

Ta je Vejec 29:23

Haba bigan anyin at, me ame ohnyikânâ e: Kʼ adre me he ka ogânâ at ame hnyok hnyikânâ.

Ta je Vejec 8:32

Anyin a wale, lakuk lö ling nya ju walang ang: Anyin ae hnahic tavat adre me tuö dek ta je gethen.

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 61:1

E HUK hanon Than Iehova; anyin a hia but Iehova hû nya he ka khetâ uthumetu ae so ka tavat ae ilemuk; e ame kunö nya he ka lan tavat ae vec hnyekudra, me he ka ha hna hna bâûâ ka ta je bâ, me hna khong uma ce at ka tavat adre ca;

Isaia 66:2

Anyin a haba ta je ûnyi hia ang ame ânyâ hnen hnyamok, me me e bi ta je ûnyi hia thithö e, haingö Iehova: ke walang at oge me he ka wâ, wale at ae theduoc me bewisa hanon, me öbubuny ge hok hofuc.

Mika 6:8

At lö, e ame hia but omanenâ köu ûnyi ae so ke ie ke ûnyi ame we Iehova gam, ke so bi he ka ânyâ wisa, me hnyokâ ibetengiö, me tha he me Khongom ke hnyok ae hnyikânâ?

Mataio 11:25

Hnyi ûen e Iesu ame thu me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ me tavat ae khana wia, ke u je omanenâ bi ka ta je mendreng:

Mataio 11:6

Ke hnahic hnen at ame ca he ka thö thö gak.

Mataio 13:16

Ke hnahic hnen ta je emaköbun, anyin öbun e wâ, me ta je hnyikönyöbun, anyin öbun e long.

Mataio 19:14

Ke haingö Iesu, ka habe, Hna but ta je wanakat, ke ca thawʼ ödrin bi he ka he jem könya: anyin a helâ ödrin dokhon drany.

Mataio 24:46

Hnen hnahic athnyaba eling, e ka o tuhan ka wâ a gʼ ame ânyâ helâe.

Mataio 25:34

Haba Than ame he ka ha kodra hnyi ke keihen a metân, ka habe, Ai öbun, öbun hia tavat a ohnahicâ hnen Kamök, hu hwajekhöûbun ju dökhu adre penapena hobi köbun hwân hnyi hna bi taben hmeledrany:

Mataio 3:2

haingen ka habe, Ietra ju öbun; anyin ae hakekeny jut dokhon drany

Mataio 8:11

Ke inya oge me ha köbun, ka habe, E se hia tavat adre me he ka he ûhedra jimeyö me jimeû he ka tha laba me Aberahama, me Isaaka, me Jekob, hnyi dökhu hnyi drany:

Mareko 10:14

Iesu ame wâ, me ame vec hnyekon, ke haingen ködrin, ka habe, Hna but ta je mendreng mʼ adre me he könya; ca thawʼ ödra bi: anyin a helâ mʼ ödra dokhu dokhon Khong.

Luka 11:28

Ke e ame ha, ka habe, E beönua bi hnahic hnen tavat adre me long hofuc hwan Khong me vheno e.

Luka 18:14

Inya oge me ha köbun ame he but at ang ka hnyi umen uma, ke adre haiwisa e hon at eji: anyin adre me he ka oûhnyûkongo at ame ogânâ e; ke adre me he ka ogânâ at ame Öûhnyûkongoâ e.

Luka 22:29

me oge me ham bi köbun dokhu, helâ me Kamök ame ham könya,

Luka 22:30

mʼ öbun e he ka han me ic hnyi anyik laulau hnyi dökhuk dokhu; ke öbun e he ka ve laba hon je theron he ka owisa ta je tribu anyin at Isaraela a twelv.

Luka 4:18

E but huk Hanon Than, Anyin a e ame hia but hû nya he ka khetâ ûthumetu ae so ka ta je theduoc: E ame hia but kunö nya he ka haimemenâ hna hna ka ta je hwenbâ, Ke hna bwele ka je wadröu, Ke he ka thang hnyat adre aat dö

Ioane 20:29

Iesu ame ha kâu, ka habe, U me labageju anyin a u je ō nya: hnahic hnen tavat adre me labageju, kʼ adre me ca munyi wâ.

Deuteronomi 8:2

Ke u ma he ka ûnykûme gethen hia waleji a hum u hnyin Iehova Khongom, hnyi je huna a fâte hnyi hnyebuba, me me oûhnyûkongi u, he ka cubic u, me me wâhmakhmetoâ ûnyi eû hnyi hnyekom, hawa, u me ne he ka tuö hnen je hna hûna, kʼ u je ne höcö bi.

Iakobo 1:10

ke so ka at tren omjeû he ka senyin hnyi hna ohnyikânâ e: anyin a e ame he ka hia helâ me vongon hnaonying.

Iakobo 1:12

Hnahic hnen at ame hokhnyokâ ûcûbic: anyin a at ka hia but cubecâ, me e ame he ka hu koranainy möt, wale a ha bânâ Than ka tavat adre me hnyok kâu.

Iakobo 2:5

Hnyat me lakeiny a oûnykûmik lö, löng ju öbun; hawa, ame ca ûca hnen Khong watheduoc eang hmeledrany he ka tren omjeû hnyi labageju, mʼ adre me he ka hu dokhu waleji e ame ha bânâ ka tavat adre me hnyok kâu.

Hna Omanenâ 19:9

Ke haingen könya, ka habe. Sihnalimen ju, ka habe, Hnödra hnahic adre me hawâ ka hnyi bijeûiny faipoipo anyin Arenio. Ke haingen könya, ka habe, Wale hofuc ae hnathu hwan Khong.

Hna Omanenâ 22:14

Hnahic hnen tavat adre me hneû anyidra ta je ûkhaû, me me ûcû kodra he ka he ka hnyi ûöiny möt, me he ka dit ka hnyi je homagöuleiny taun.

Hna Omanenâ 3:17

Haingâm, Iny tren ta ûnyi, ke hu omjehek ut, ke ba ke ûnyi ae hia gak; ke ca khanö u bi nakaem, me kong, me theduoc, me wadröu, me he thu: