Mataio 5:29 - Iaai Bible 1901 (New Caledonia)

²⁹ Ke a ne bi jönâm emâkâm a metâm, ûâ degecâ thö e: anyin ae so köu he ka hia ke outh unyâm, ke kong bi he ka khûâ hia unyâm hnyi gena.

Mataio 5:29 ပူးပေါင်းရင်းမြစ်များ

Jobu 20:13

Eja ke ne a ne betenge gan, kʼ ame ca he ka degec e, Kʼame ne behânâ e balua hnyi hnyimen;

Mataio 10:28

Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Mataio 11:6

Ke hnahic hnen at ame ca he ka thö thö gak.

Mataio 16:26

Anyin a ieû troban ka at, a ne he ka hu kâu hmeledrany hia, ke ame bi hwaban e ge anyin möt? ke ieû hmetu ke ûnyi hnân he ka bi hwaban anyin möt?

Mataio 17:27

Ke so bi wâ otin nye osauʼ ödra, he thö hnyiköiöai, me khûâ but wage, me lelö thö wâ a bân ka wadring ka hnyin; ke u ka hia but khong hnyimen, u me he ka wâ khaca sekel: hom dö e, me ham ködrin hnân hobi köu mʼ önya.

Mataio 19:12

Anyin ae hu je eunuka ame helâe ûnyi hnyi erkin ge hinyen: kʼ ame eunuka but keihen, a oeunuka hnen at: ke e hu je eunuka, adre me ka oeunukʼ ödra hobi kâu dokhon drany. Ke haba at ae khana he ka kap e, e so e ame kap.

Mataio 23:15

Ekölö gabun hnyat sihnalimen me ta je Faresaio, hnyat thoi hnyok! anyin öbun e vheno köiö me hnyei he ka heleû hanöbun a khaca, ke e ka wia e, öbun e ânyâ e me me nokon gena a ibi olo nuainy hubun.

Mataio 23:33

Öbun je on lö, ke lakon je vaipa, öbun e he ka kâmâu ka kec ge hnaûhangöiny gena?

Mataio 5:22

ke inya oge me ha köbun, ka habe, haba at ame hmonyin ka liamekeiny mē ke ba can, me ûcû he ka owisa e; ke haba at ame he ka ha ka liamekeiny mê, i ka habe, Raka, e ûcû he ka hno e hnen tavat ûhnenamö; ke haba at ame he ka ha, ka habe, Mori, me ûcû kâu meicin gena.

Mataio 5:30

Ke a ne bi jönâm hnyamâm a metâm, subâ degecâ but e: anyin ae so köu he ka hia ke ong outh unyâm, ke kong bi he ka khûâ hia unyâm hnyi gena.

Mareko 8:36

Anyin a ieû troban ka at ame ne hom hmeledrany hia me me anyin bi, kʼ ame he bi ka hna but anyin möt?

Luka 12:5

Ke oge me he ka kû köbun at öbun e he ka outen: Outen ju e at ae tren man he ka khûâ hnyi gena, at ka hia but hlingâ; eke, inya oge me ha köbun, outen ju e.

Roma 6:6

ke khanʼ öta a gʼ adre me tha osatauroâ më bonguta ehac, me me hia but unyin ae hulo, mʼ ate me ca he ka bâ ge hulo;

Roma 8:13

anyin a öbun e ne möt hoton unyin, hamöbun he ka mok; ke öbun e ne hlingâ ta je huliwa hnyi unyin ge hanu, öbun e he ka möt.

I. Korinito 9:27

ke oge me hom ûhnyûkongo unyik, me thaluâ e: wâ oge nye hia but khetâ ka keihen, ke hwaban e adre me digic nya but.

Galatia 5:24

Ke haba ta je laten Keriso, me adre me osatauroâ unyin, me ta je weny e, me ta je weny ae ûjöng.

Kolose 3:5

Anyin a wale hlingâ ju öbun je ong outhunyibun eang hmeledrany; wale a bi ûnyi monu, me hwakecin ae ikiki, me hnyok wagelue, me weny ae kong, me behnyekon, a wale hmi ka hnatheat;