Mataio 5:28 - Iaai Bible 1901 (New Caledonia)

²⁸ ke inya bi oge me ha köbun, ka habe, haba at ame wâ hmâ âiân ke at me behnyekon e, me a hia but bi ûnyi monu mē eû hnyi hnyekon.

Mataio 5:28 ပူးပေါင်းရင်းမြစ်များ

Genese 34:2

Ke ame wâ e hnö Sekema, nöku Hamora at Hivi, ke thaniny hnyei, me e ame hom e, me tha laba më, me okongoâ.

II. Samuela 11:2

Ke haba hnyi sahac Davita ame todrö ûheny hon hnen hna mokut, me ngenu hon uma umen than: ke e ame wâ ûnyi hnyi hon uma ke momo ame soû; ke e te hmanenang momo at ka wâ.

Jobu 31:1

OGE me ûhihinyköu me li emakök; Me oge ma kâmâu ka wâ hmâ hlu?

Jobu 31:9

A ne hia but iyawâ hnyekuk hnen ke momo, Ke oge ne hia but tuö hnyi hwanumen ke at:

Salamo 119:96

Oge hia but wâ obiny ta je ûnyi hia ae bekhot soiny; Ke lâû hmönyin ânyâm hnanyibu.

Esodo 20:17

U ca he ka behnyekom uma umen ke at, u ca he ka behnyekom âiân ke at, me athnyabainy a baga, me momo, me haleny bolok, me haleny asina, me ta je ûnyi hia anyin ke at.

Ta je Vejec 6:25

Ca behnyekom eû hnyi hnyekom anyin hmanenang; Ke so ame ca omonu u hnen bademakan.

Ezekiela 23:16

Ke e ame ō ʼdra me ie betenge kodra, me kunâ je ûthumetu kodra Kaledaia ai,

Levitiko 18:20

Ke u me ca he ka tha mokut me âiân ke at, he ka okongu u unyin.

Mataio 15:19

Anyin ame didrut ûnyi hnyi hnyok ta je hna ûnykûme ae kong, me je ûhlingö, me venöu âiân ke at, me bi ûnyi monu, me venöu, me ohnatho thoi, me haikongo:

Mataio 5:22

ke inya oge me ha köbun, ka habe, haba at ame hmonyin ka liamekeiny mē ke ba can, me ûcû he ka owisa e; ke haba at ame he ka ha ka liamekeiny mê, i ka habe, Raka, e ûcû he ka hno e hnen tavat ûhnenamö; ke haba at ame he ka ha, ka habe, Mori, me ûcû kâu meicin gena.

Mataio 5:39

ke inya oge me ha köbun, ka habe, Ca hagutâ at ae kong; ke haba at ame khaû wahicâm a metâm, mē wia minya thö ke keihen kâu.

Roma 7:14

Anyin ae khanʼ öta a haba hnanyibu me hanen hanu: ke iny aten bi nya unyin, adre ûcö nya ka hnyi hulo.

Deuteronomi 22:22

Adre me ne wâ ke at ame tha mokut me momo a âiân ke baga, me ödru me he ka mok, wale baga at ame tha mokut me momo, ke momo minya: helâe u me he ka ohia hulö unyi Isaraela.

II. Peteru 2:14

a unöngötö je emaködra ge bi ûnyi monu, ke ca khanʼ ödra bi he ka menâ mâdrâ hulo; ke adre me iyawâ tavat adre me ca tethmâ bi; ke haba je hnyekudra, me khenen hnyi hwakecin behnyekon; ödra je hnyat ha hnaûhangoâ;

I. Ioane 2:16

Anyin a haba ta je ûnyi hia thithö eang hmeledrany, wale behnyekon ta je ûnyi hnyi unyin, ke behnyekon hnen li ecmak, ke hobeluâ monoâ möt ang, me ca ûnyi ge Kamen, ke ûnyi eang hmeledrany.