Mataio 5:19 - Iaai Bible 1901 (New Caledonia)

¹⁹ Anyin a wale, haba at ame he ka hanyâûâ khaca hnyi ta je hnanyibu eang ae ûhnyûkong hmonyin, kʼ ame nâ tavat he ka helâe, me adre me he ka ha oûhnyûkongo e hnyi dökhu dokhon drany: ke haba at ame he ka vheno me nâ, me adre me he ka ogânâ e hnyi dökhu dokhon drany.

Mataio 5:19 ပူးပေါင်းရင်းမြစ်များ

Salamo 119:128

Anyin a wale oge me haiwisa hia ânyâm ta je hnanyibu ge ta je ûnyi hia; Hmiök ta je gethen hia ae thoi.

Salamo 119:6

Oge me ca he ka hmehma, Iny ka wâ wia ânyâm ta je hnanyibu hia.

Daniela 12:3

Ke haba tavat ae metâ, me adre me he ka umumelam helâ me melaminy drany; ke haba tavat adre me wia tavat ae se hia hnyi hwakecin ae wisa, me ödra helâ me ta je okhû nyiele balua.

Mataio 11:11

E hnathu, inya oge me ha köbun, ka habe, Adre tiga ca oâ unyin tavat a hnokoâ hnen omomo ke at ae beönua hu Ioane Bapataiso: ke so bi, haba at ae ûhnyûkong hnyi dokhon drany ame beönua hon e.

Mataio 19:28

Haba Iesu ame ha ködrin, ka habe, E hnathu inya oge me ha köbun, ka habe, haba hnyi hna he ka omelö hmetu, e ka he Nokon at ka laba hon theroniny anyin hmanenang, haba öbun tavat öbun e he hotuk, me öbun e be minya bi ka laba hon je theron a twelv, he ka owisa je tribu anyin at Isaraela a twelv.

Mataio 20:26

Ame ca he ka helâe gabun: ke haba at ame began gabun ame he ka bi athnyaba köbun;

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Luka 1:15

Anyin a e ame he ka gan hnyi hnyimakan Than, e ame ca he ka ijem waina me grâg; ke e ame he ka unöngöt ge Hanu Kap ûnyi hnyi hnyekon hinyen.

Luka 11:42

Ekölö gabun ta je Faresaio! anyin a öbun e ham je ke keihen a libenyitainy minet, me ru, me ta je ûö ae ometu, ke öbun e hna biju hna owisa, ke hnyok ka Khong: e ûcû öbun e ânyâ ta je ûnyi eling, ke ca hna but ta je ûnyi ang.

Luka 9:48

me ha ködrin, ka habe, Haba at ame he ka kap wanakat ang hnyi iök, me e ame kop nya: ke haba at ame he ka kop nya, ame kap at a kunö nya: anyin a haba at ae ûhnyûkong gabun hia thithö, wale at ae gan.

Ta je huliwa 1:1

THEOFILA lö, haba tusi oge me sihnalimen a bân, me ame ha ta je ûnyi hia ame ânyâ Iesu, ke hnen hna ûne,

Roma 3:8

ke geû, adre me ca he ka ha, ka habe, (helâ me hnödra hna haikongu ohmun, ke helâ me hna bi fuc ohmun ge keihen, ka habe, haingöhmun), Otin e he ka ânyâ monu me me o but so? e wisa hnaûhango a ödra.

Roma 6:1

ANYIN a wale ieû ate me he ka ha? Hawa, ate me he bala ka laba hnyi hulo, me me gan hmâ but ibetengiö baû?

Roma 6:15

Ama hawa? ate me he ka ânyâ hulo anyin a ca öta bi hnyi hmelen hnanyibu, ke hmelen bi ibetengiö baû? Ohe.

Deuteronomi 12:32

Haba ta je ûnyi hia oge me hûna köbun, me öbun e he ka tuö me ânyâ: u me ca he ka bi hanen ka hnyin, me ohia hanen.

Deuteronomi 27:26

Hnaûhango at ame ca hnyi ohwâdâ hofuciny hnanyibu eang he ka ânyâ. Kʼ ame he tavat hia, ka habe, Amen.

I. Timoteo 6:11

Ke haba u, aten Khong lö, kec dö ge ta je ûnyi e; me hnu hoton hwakecin ae wisa, me hwakecin ae ûcû me Khong, me labageju, me ibetengiö, me hok hnyok, me hwakecin ae menyik.

Tito 3:8

E hnathu hofuc e, ke e bewek u me he ka ha hwegiâ bala hofuc e, mʼ adre me hwege thö he ka ânyâ ta je huliwa ae so hnen tavat adre me labageju ka Khong. Wale ta je ûnyi ae so me hu troban ka tavat:

I. Peteru 5:4

Ke e ka manen dut Taben tavat tuö mamoe, me öbun e he ka hu korona ae hmanenang ame ca he ka hia but.

I. Ioane 3:4

Haba ödra hia [adre me ânyâ hulo, me adre me hanyâûâ j hnanyibu: ke haba hna hanyâûâ hnanyibu, me wale hulo.

Hna Omanenâ 2:20

Ke so bi e hu but gak ûnyi eang gam, a u je hna ka momo jia Jezebela, at ame ha ka habe, e perofeta momo; ke e ame ûne me cubec je atök he ka bi ûnyi monu me hnyi an je hna hudo ka ta je hnatheat.

I. Samuela 2:30

Anyin a wale ame ha Iehova Khongon at Isaraela, ka habe, Oge ha a gʼ ame he ânyâm lap me lap anyin lakâmâm ka he hnyi hnyimakök nyiele balua: ke walang ang haingö Iehova, Hûkötiânök; anyin oge me he ka ogânʼ ödrin hnyat ödrin e oganö nya, ke oge me he ka hmehma gadrin hnyat ödrin e hûkötiö nya.