Mataio 5:18 - Iaai Bible 1901 (New Caledonia)

¹⁸ Anyin ae hnathu inya oge me ha köbun, a gʼ ame ca he bi ka hia ke iota, ame ne ke ong ûnyi ae ûhnyûkong hmonyin ûnyi hnyi hnanyibu, ke ne o but ame he ka hia drany me hmeledrany, me me he ka hwâdâ ta je ûnyi hia thibut.

Mataio 5:18 ပူးပေါင်းရင်းမြစ်များ

Salamo 102:26

Ame he ka hia ta je ûnyi e, ke u tethmâ balua bi; Eke, ame he ta je ûnyi e hia ka amam helâ me ûkhaû; U me he ka wia e helâ me ûkhaû, mʼ adre me ke bongon bi:

Salamo 111:8

E tethmâ e ke ne o but nyiele nyiele balua, Ke ame ânyâ hoton hnathu me wisa.

Salamo 119:152

E khanö nya but adrem ûnyi hnyi hnâm ta je hna ohnathoâ, A u je hia but bi taben e ke ne o but nyiele balua.

Isaia 40:8

Hna önying ame meleca, ke vongon ame kolu: ke tethmâ bi nyiele balua hofuc hwan Khonguta.

Isaia 44:26

at ame ohnathoâ hofuc hwan athnyahainy, me ohwâdâ hna ûhnenamö hnen anyin je metâ; at ame ha ge Jerusalema, ka kabe, Adre me he ka labā e; haingen ge je tauniny Juda, ka habe, Adre me he, ka up veto, ke oge me he ka otilâ hmeto je hudrei:

Isaia 51:6

Bwele thö goranyai ka hnyi drany, ke wâ ju hmeledrany eû: anyin ame he ka didrut drany helâ me hai, kʼ ame he ka amam hmeledrany helâ me ûkhaû, kʼ ame he tavat adre me! labā e ka mok helâe: ke ame he ka e balua bi anyik ûhomeli, kʼ adre me ca he ka ohia hwakecik ae wisa.

Mataio 10:15

E hnathu, inya oge me ha köbun, ka habe, Ame he ka hâhâ ka hnyei Sodoma me Gomora hnyi bong owisa hon taun eling.

Mataio 10:23

Ke ödra ka oveci öbun hnyi ke taun, kec dö ka hnyi ke taun: anyin ae hnathu inya oge me ha köbun, ka habe, Öbun e ca he ka vheno hia ta je taun hnyi Isaraela, ke ne o but ame o thö Nokon at.

Mataio 10:42

Ke haba at ame he ka habelen at ae ûhnyûkong eang ge utköiö ae katebu thibi, hnyi ien at ûling, e hnatho inya oge me ha köbun, ka habe, ame ca he ka hia hwaban hobi kâu.

Mataio 11:11

E hnathu, inya oge me ha köbun, ka habe, Adre tiga ca oâ unyin tavat a hnokoâ hnen omomo ke at ae beönua hu Ioane Bapataiso: ke so bi, haba at ae ûhnyûkong hnyi dokhon drany ame beönua hon e.

Mataio 13:17

Anyin ae hnathu inya oge me ha köbun, ka habe, e se hia ta je perofeta me tavat ae wisa hwakecidra adre me weny he ka wâ hnobun hna wâ, kʼ adre me ca wâ bi; me be he ka long hnobun hna long, kʼ adre me ca long bi.

Mataio 16:28

E hnathu, inya oge me ha köbun, haba keihen gadra adre me tot eang, adre me ca he bi ka mok, ke ne o but adre me wâ Nokon at ame he ka o hnyi dokhon dökhu.

Mataio 17:20

Me e ame ha ködrin, ka habe, Anyin ae ûhnyûkong anyibun labageju: anyin e hnathu inya oge me ha köbun, ka habe, a ne hu gabun labageju helâ me wan sinapi, me öbun e he ka ha ka bucen ang, ka habe, Kec dö kâe; me ame he ka kec; ke ba ke ûnyi ame he ka pason köbun.

Mataio 18:18

E hnathu inya oge me ha köbun, ka habe, Haba ûnyi öbun e he ka ohmâ eang hmeledrany adre me he ka ohmâ ethö hnyi drany: ke haba ûnyi öbun e he ka thang eang hmeledrany, me adre me he minya ka thang ethö hnyi drany.

Mataio 18:3

me ha, ka habe, E hnathu inya oge me ha köbun, ka habe, Öbun e ne ca wiʼ öbun bi, me me helâ me wanakat, e ca khanʼ öbun he ka didro ka hnyi dokhon drany.

Mataio 19:23

Me haba Iesu ame ha ka laten, ka habe, E hnathu inya oge me ha köbun, ka habe, Huliwa but at ae tren omjeû he ka didro ka hnyi dokhon drany.

Mataio 19:28

Haba Iesu ame ha ködrin, ka habe, E hnathu inya oge me ha köbun, ka habe, haba hnyi hna he ka omelö hmetu, e ka he Nokon at ka laba hon theroniny anyin hmanenang, haba öbun tavat öbun e he hotuk, me öbun e be minya bi ka laba hon je theron a twelv, he ka owisa je tribu anyin at Isaraela a twelv.

Mataio 21:21

Haba Iesu ame thu me ha ködrin, ka habe, E hnathu inya oge me ha köbun, öbun e ne hu labageju, me ca lolo bi hnyok, öbun e ca he ka hake ânyâ thibi hna ânyâ ka imeta, ke öbun e ne he ka ha ka bucen ang, ka habe, Bethe ok ut me ta but eû hnyi köiö, me ame he ka hwâdâ.

Mataio 21:31

Ie at gadru ame ânyâ weny kamödru? Haingödra, ka habe, Atö. Haba Iesu ame ha kodra ka habe, E hnathu inya oge me ha köbun, haba ta je telona, me ta je momo hnyi gethen, adre me khaletʼ öbun ka hnyi dökhu dokhon Khong.

Mataio 23:36

E hnathu inya oge me ha köbun, ka habe, Ame he ka o ta je ûnyi hia eling ka dö ang.

Mataio 24:2

Haba Iesu ame ha ködrin, ka habe, Hawa, öbun e wâ but ta je ûnyi hia eang? e hnathu inya oge me ba köbun, ka habe, Ame ca he bi ke veto ka mokut hon ke veto, ke adre me he ka thö degecâ hia.

Mataio 24:47

E hnathu inya oge me ha köbun, e ame he ka otilâ e he ka muso anyin ta je ûnyi hia.

Mataio 25:12

Ke e ame thu, me ha, ka habe, E hnathu inya oge me ha, ka habe, E ca khanö nya öbun.

Mataio 25:40

Me ame he Than ka thu ködrin, ka habe, E hnathu inya oge me ha köbun, habaji ge hnobun hna ânyâ ka ke at gadra ae ûhnyûkong hmonyin a je liamekeiny mönya, me öbun e ânyâ ling könya.

Mataio 25:45

Me e ame he ka thu kodra, me ha, ka habe, E hnathu inya oge me ha köbun, ka habe, Habaji ge hnobun hna ca ânyâ ka ke at gadra ae ûhnyûkong hmonyin, me öbun e ca ânyâ minya ling könya.

Mataio 5:26

E, hnathu inya oge me ha köu, u me ca he ka didrut ûheny e, ke ne o but u je mē ham hwaban hia ke ne o but je ong mone ae ûhnyûkong.

Mataio 6:16

Ke haba khaca, öbun ka he ka ânyâ ca han, ca helâ bi me man tavat thoi hnyok ae hmak hnyimakodra: anyin adre me okongoâ je hnyimakodra me me manen dut ka tavat a adre me ca han. E hnathu inya oge me ba köbun, ka habe, Adre hia but kap hwabödra.

Mataio 6:2

Anyin a wale u ka be ka ham ta je betenge, ca tûâ khoto hnyi hnyimâkâm, helâ me man tavat thoi hnyok hnyi je sunago me ta je gethen, me me he ka haisoi ödra hnen tavat. E hnathu inya oge me ha köbun, adre hia but kap hwabödra.

Mataio 8:10

A long ut Iesu, me e ame lâiâ, me ha ka tavat adre me he hoton, ka habe, E hnathu, inya oge me ha köbun, inya oge me ca wâ hnyi Isaraela labageju ae gan a helâe.

Mareko 10:15

E hnathu inya oge me ha köbun, Haba at ame ca kap dokhu dokhon Khong helâ me wanakat, me e ame ca he ka dit ka hnyin.

Mareko 10:29

Haingö Iesu, ka habe, E hnathu, inya oge me ha köbun, E ba at ame hia but hna but uma, me je liamekeiny, me lahaneny, me kamen, me hinyen, me lakon, me ta hnyei, can inya me evangelia,

Mareko 11:23

E hnathu inya oge me ha köbun, ka habe, haba at ame he ka ha ka bucen ang, ka habe, Kec dö, me u me he ka ta but eû hnyi köiö; kʼ ama ca hlohlo bi hnyi hnyekon, kʼ ama labageju a ame he ka hwâdâ hnen hna ha; awe, e ame he ka hu e.

Mareko 12:43

Me e ame hawâ laten me ha ködrin, ka habe, E hnathu inya oge me ha köbun, ae gan hmâ hna khûâ mone hnen safac ang ae theduoc hudrin hia tavat adre me khûâ ka hnyi tangen mone:

Mareko 13:30

E hnathu inya oge me ha köbun a gʼ ame ca he ka hia dö ang, ke ame he ka hwâdâ ta je ûnyi hia e.

Mareko 14:18

Ke ödrin e tiga laba me han, haba Iesu ame ha, ka habe, E hnathu inya oge me ha köbun, ka habe, Ame he ke at gabun ka alecuo nya, wale at ame tha han mönya.

Mareko 14:25

E hnathu inya oge me ha köbun, ka habe. Oge me ca he hmetu, ka hnyi ijem wan vine, ke ne o but oge me be ka ijem a teb ûnyi hnyi dökhu dokhon Khong.

Mareko 14:30

Ke haba Iesu ame ha kâu, ka ʼhabe, E hnathu inya oge me ha köu, a haba u, hnyi bong ang, wale eâu hnyinghet, ke tiga ca olo bi kokok khoto, me u me he ka okun ivinö nya.

Mareko 14:9

Ke e hnathu inya oge me ha köbun, ka habe, haba ta je hnyei hia thithö hnyi hmeledrany, adre me he ka khetâ hnyin uthumetu ae so, me adre me he minya ka haimemenâ hna ânyâ hnen momo ang, hnân he ka ûnykûme kâu.

Mareko 3:28

E hnathu inya oge me ha köbun, ka habe, Adre me he ka hna degecâ ta je monu hia a ânyâ ge tavat, me je bigan a hnödra ta je hna bigan:

Mareko 6:11

Ke haba dok ame ca he ka kop öbun, kʼ adre me ca ling öbun, öbun ka he but ûheny e jijingâ but kânâiny hnyeûcabun me hnân haten kodra.

Mareko 8:12

Ke e ame mâng hwege eû hnyi hnyekon me ha, ka habe, Ieû ge do ang adre me elâm haten? e hnathu inya oge me ha köbun ka habe, Adre me ca he ka ham haten ka dö ang.

Mareko 9:1

KE e ame ha kodra, ka habe, E hnathu, inya oge me ha köbun, ka habe, Haba ke je hnyat adre me tot eang, me adre me ca he ka mē mok ke ne o but adre me wâ dokhu dokhon Khong ame he ka o me man.

Mareko 9:41

Anyin a haba at ame he ka habelibun ge utköiö, anyin a je lahanö Keriso öbun, e hnathu, inya oge me ha köbun ame ca he ka hia hwaban e.

Luka 11:51

hwân ge drö Abela ke ne o but ka dro Zakaria, at adre me hlingâ hnyi wanben taben hut me dok ae kap: eke, inya oge me ha köbun, adre me he ka hnö e unyin dö ang.

Luka 12:37

Hnahic hnen je athnyaba, wale e ka o than ka ō ʼdrin, ödrin e hmâkâ: e hnathu inya oge me ha köbun, e ame he ka hûkâlâ wen hnyekon, me olabʼ ödra ju, me he but he ka bi athnyaba kodra.

Luka 13:35

Wâ bi, adre hia but hna degecâ umöbun uma: ke inya oge me ha köbun, Öbun e ca he hmetu ka ō nya, ke ne o but öbun e he ka ha, ka habe, Hnen hnahic at ame o but hnyi ien Than.

Luka 16:17

E hâhâ he ka hia drany me hmeledrany, ke hmak he ka hia ke mataitusi ae ûhnyûkong hmonyin hnyi hnanyibu.

Luka 18:17

E hnathu, inya oge me ha köbun: haba at ame ca he ka kap dokhu dokhon Khong helâ me wanakat, me e ame ca he balua ka didro ka hnyin.

Luka 18:29

Haingen ame ha ködrin, ka habe, E hnathu inya oge me ha köbun; a haba at ame hna but uma, me âiân, me je liamekeiny mē, me kamen, me hinyen, me lakon hobi kâu dokhu dokhon Kkong,

Luka 23:43

Ke e ame ha kâu, ka habe, E hnathu inya oge me ha kâu, a hnyi bong ang u me he ka tha e mönya hnyi Paradaiso.

Luka 4:24

Haingen minya, ka habe, E hnathu inya oge me ha köbun, ka haba, E ba perofeta adre me kap hnyi iny hnyei.

Ioane 1:51

Ke e ame ha kâu, ka habe, E hnathu, e hnathu, inya oge me ha köbun, ka habe, Öbun e he bi ka wâ drany adre khong, me ta je angela anyin Khong adre me he ka ölö thö me utut hon Nokon at.

Ioane 10:1

E HNATHU, e hnathu, inya oge me ha köbun, haba at ame ca hnyi dit hnyi homagouleny haginy mamoe, ke ame ölö bi ka hnyi ke gethen, e thibi at ae hok ta ûnyi me venöu.

Ioane 10:7

Haba Iesu ame ha hmetu ködra, ka habe, E hnathu, e hnathu, inya oge me ha köbun, ka habe, Inya ang homagöule hobi kâu ta je mamoe.

Ioane 12:24

E hnathu, e hnathu, inya oge me ha köbun, A ne kolu ka hnyi kânâ ke wan hwit, ke ame ca bobot bi, ame he ka hake mokut; ke a ne bobot, ame he ka wa se hia.

Ioane 13:16

E hnathu, e hnathu, inya oge me ha köbun, ka habe, E ca gan aten hon tuhan; ke ca gan minya at adre kunâ hon at a kunâ e.

Ioane 13:38

Iesu ame thu, ka habe, Hawa u me he ka ham ânyâm möt hobi könya? E hnathu, e hnathu, inya oge me ha köu, ka habe, Ame tiga ca he bi ka kokok khoto, me u me he bi ka ibi okun ivinö nya.

Ioane 14:12

E hnathu, e hnathu, inya oge me ha köbun, Haba at ame labageju könya, me e ame he ka ânyâ minya ta je huliwa oge mâdrâ; ke ame he ka ânyâ ta je huliwa ae gan hon e; anyin a inya oge me he ka Kamen.

Ioane 16:20

E hnathu, e hnathu, inya oge me ha köbun, ka habe, öbun e he ka tenge me tenge thungaû, kʼ ame he hmeledrany ka senyin: öbun e he ka hlöuhlöu, kʼ adre me he ka wia anyibun hlöuhlöu me me senyin bi.

Ioane 16:23

Ke ba ûnyi öbun e he ka hnö gak hnyi bong eling. E hnathu, e hnathu, inya oge me ha köbun. Haba ta je ûnyi hia öbun e he ka sumâtâ ge Kamen, me e ame he ka ham köbun ûnyi hnyi iök.

Ioane 21:18

E hnathu, e hnathu, inya oge me ha köu, ka habe, Hnyi ânyâm hidröu, u me ka hamâm bi oweikö u, me he ka hnyi dok u me wem; ke u ka hingat ut, u me he ka inâ li hnyamâm, kʼ ame he ke at ka oweikö u, me hum u ka hnyi dok u me ca wem.

Ioane 3:11

E hnathu, e hnathu, ohmun e ha hnö-hmun hna wâhmakhmeto, me ha hnathoâ hnöhmun hna wâ; ke öbun e ca kap hnöhmun hna ohnathoâ.

Ioane 3:3

Iesu ame thu me ha kâu, ka habe, E hnathu, e hnathu, inya oge me ha köu, Adre ne ca hnokoâ hmetu hi at, e ca khana he ka wâ dokhu dokhon Khong.

Ioane 3:5

Ke haingö Iesu, ka habe, E hnathu, e hnathu inya oge me ha köu, Adre ne ca hnokoâ bi at hnyi köiö me Hanu, e ca khana he ka didrö ka hnyi dökhu dokhon Khong.

Ioane 5:19

Haba Iesu ame thu me ha kodra, ka habe, E hnathu, e hnathu inya oge me ha köbun, ka habe, E ca khana Nokon he ka ânyâ huliwa a ka ûnyi gan, ke so bi e ame wâ hna mâdrâ hnen Kamen: anyin a haba ta je ûnyi e ame ânyâ, me ame ânyâ minya bi Nokon.

Ioane 6:26

Haba Iesu ame thu ködra, ka habe, E hnathu, e hnathu inya oge me ha köbun, öbun e ca elöm nya anyin öbun e wâ ta je ûöman, ke anyin bi öbun e han areto me ame sekubun dö.

Ioane 6:32

Me haba Iesu ame ha ködra, ka habe, E hnathu, e hnathu inya oge me ha köbun, ka habe, A ca ham köbun areto ûnyi hnyi drany ga Mose; ke so bi Cica ame ham köbun hing areto ûnyi hnyi drany.

Ioane 6:47

E hnathu, e hnathu, inya oge me ha köbun, ka habe, Haba at ame labageju, me hu but kâu möt ame ca ba balua.

Ioane 6:53

Haba Iesu ame ha kodra, ka habe, E hnathu, e hnathu, inya oge me ha köbun, ka habe, Öbun e ne ca an unyin Nokon at, me ijem dren, me ca hu möt bi eû hnyi je hnyekubun.

Ioane 8:34

Iesu ame thu kodra, ka habe, E hnathu, e hnathu, inya oge me ha köbun, ka habe, haba at ame he ka mâdrâ monu e ame bi aten hulö.

Ioane 8:51

E hnathu, e hnathu, inya oge me ha köbun, ka habe, a ne hu at ame he ka vheno hok hofuc, me e ame ca he ka wâ mok nyiele balua.

Ioane 8:58

Haingö Iesu kodra, ka habe, E hnathu, e hnathu, inya oge me ha köbun, ka habe, Iny at kâû adrem, ke tiga hiö Aberahama.

I. Peteru 1:25

Ke haba hofuc hwan Than, me ame tethmâ nyiele balua. Ke wale hofucin ûthumetu ae so adre me khetâ köbun.

Hna Omanenâ 20:11

Ke oge me wâ theron ae gan ae hau, me at ame tabâ, ke ame kec hnyi hnyimakan hmeledrany me drany; ke ca manen bi ke dok hobi ködru.