Mataio 5:16 - Iaai Bible 1901 (New Caledonia)

¹⁶ Helâ ju e öbun, omelamâ thö melamibun hnyi hnyimakan tavat, mʼ adre me wâ anyibun ta je huliwa ae so, mʼ adre me he ka ogânâ Kamöbun ethö hnyi drany.

Mataio 5:16 ပူးပေါင်းရင်းမြစ်များ

Esodo 34:35

ke a wâ but lakon Isaraela hnyimakö Mose, a ga hadröngöc dö unen hnyimakö Mose: me Mose ame tube hmetu hnyimakan ke ne o but e ame dit me ûhnenamö me.

Ta je Vejec 4:18

Ke haba gethen deny tavat ae wisa me helâ me melam ae hadröngöc, Ame melam tot ke ne o but jebigö.

Isaia 58:8

Me ame he ka o melamâm helâ me haolany, ke u me he ka ie so; ke ame he ka he hwakecâm ae wisa hnyi hnyimâkâm; ke ame he hmanenangi Iehova ka he hnyi hotom.

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Mataio 23:5

Ke ödrin e ânyâ hia anyidrin ta je huliwa hnân bi wânen at: anyin ödrin e olâwâ anyidrin je filateri, me ogânâ je baten je khaûdrin,

Mataio 23:9

Ke ca he ka hawâ ke at eang hmeledrany, ka habe, Kamen: anyin a khaca thibi kamöbun ethö hnyi drany.

Mataio 5:45

mʼ öbun e he bi ka lakon Kamöbun ethö hnyi drany: anyin a e ame oâ anyin seûno hon tavat ae kong me tavat ae so, kʼ ame kunâ we ka tavat ae wisa me tavat ae ca wisa bi.

Mataio 6:16

Ke haba khaca, öbun ka he ka ânyâ ca han, ca helâ bi me man tavat thoi hnyok ae hmak hnyimakodra: anyin adre me okongoâ je hnyimakodra me me manen dut ka tavat a adre me ca han. E hnathu inya oge me ba köbun, ka habe, Adre hia but kap hwabödra.

Mataio 6:9

Waleling, mʼ öbun e he ka hic helâng, ka habe, Kamöhmun lö, ethö hnyi drany, E so e kap iâm.

Mataio 9:8

Ke ame wâ e hnen tavat ae se hia, me adre me lâiâ me ogânâ Khong, wale at ame ham man a helâe ka at.

Luka 11:2

Me e ame ha ködrin, ka habe, Öbun ka he ka hic, me ha thö, ka habe, Cica lö, E so e ka kap iâm. E so e o but dokhom dokhu.

Ioane 15:8

Hnân ogânö Cica, öbun ka he ka wa gan hmâ; ke helâe öbun e he ka bi latök.

Ta je huliwa 9:36

Ke e hu hnyi Jopa ke aten, Tabitha ien, kʼ adre me wia bongon ien, me Doreka: haba momo e, me unöngöt ge ta je huliwa ae so kʼ ame betenge ka ta je theduoc.

I. Korinito 14:25

adre omanenâ ta je ûnyi ae iyong hnyi hnyekon; me e ame he ka ta ju hnyimanan hnyikânâi me khudrung ka Khong me ha, ka habe, e hnathu e unyibun Khong.

II. Korinito 9:13

anyin adre me ogânâ Khong hnyi haten huliwa eang, me hnyi hnobun hna long hoton uthumetu ae so anyin Keriso, wale öbun e hom, me hnyi ibetengiö ae gan hmâ kodra me tavat hia;

Galatia 1:24

ke adre me ogânâ Khong ûnyi gak.

Efeso 2:10

Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.

Efeso 5:8

anyin a öbun menekholom ehac, ke walang ang öbun e melam but hnyi Than: vheno bala ju helâ me ta je lakon melam,

I. Thesalonika 2:12

mʼ öbun e he bala ka ûcû ka Khong, at a hawʼ öbun ka hnyi dokhon dokhu me anyin hmanenang.

I. Timoteo 2:10

ke so bi hnyi ta je huliwa ae so (wale ae ûcû ka omomo adre me haimemenâ a ödra tavat outen Khong.)

I. Timoteo 5:10

ke momo adre me haisoâ hnyi ta je huliwa ae so; ka habe, ame hia but hat lakon, me betenge ge ta je atkanyua, me osûâ je li can wakap, me hadruâ tavat adre me vec, me ânyâ bala ta je huliwa hia ae so.

I. Timoteo 5:25

Ke helâe minya e hu ke ta je huliwa ae so ke manen dut; ke haba keihen ta je huliwa ae ke bongon bi, e pason he ka ikhâlâ.

I. Timoteo 6:18

mʼ adre me he ka ânyâ so, me tren omjeûiny ta je huliwa ae so, me khenen he ka kuia, me weny he ka betenge;

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Tito 2:7

oma-menö u thö hnân tulutiny ta je huliwa ae so, hnyi ta je ûnyi hia; e so e manen bi hwakecin ae fâfâ hnyi hnâm hna ûne, me ûnykûme wia,

Tito 3:14

E so e he minya tavat unyita he ka nâ ka ânyâ ta je huliwa ae so, me me hu ta je ûnyi ae ûnyi hnathu, wâ adre nye ca wa but.

Tito 3:4

Ke ame manen dut hwakecin ae betenge anyin Khong At ame omeli öta, me anyin ibetengiö ka tavat,

Heberu 10:24

ke so ate me ûnykûmeköuâ, me me he ka kû ibetengiö me ta je huliwa ae so;

I. Peteru 2:12

e so e ûcû hwakecibun hnyi hnyimakan Aten ta je hnyei; mʼ adre me ca he ka haikongu öbun helâ me tavat ae kong hwakecidra, e so adre me he ka ogânâ Khong hnyi bonginy senâ, at ka he ka wâ anyibun ta je huliwa ae so.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

I. Peteru 3:1

HELÂE minya öbun omomo löng ju hoton laöiöbun; mʼ adre me he ka hmehmelâ ge hwakecin laöiödra ae so, ke ca hnen bi hofuc, a ne hu tavat gadra adre me ca löng hoton hofuc;

I. Peteru 3:16

ke e hu gabun ûnykûm sa ae so; waleling me me hmehma ju tavat adre me haikongo hwakecibun ae so unyin Keriso: anyin adre me haikongu öbun.

I. Peteru 4:11

a ne fuc ke at, fuc dö helâ me hofuc hwan Khong; a ne huliwa ke at, huliwa helâ me man ame ham ge Khong: mʼ adre me he ka ogânâ Khong hnyi ta je ûnyi hia thithö ga Iesu Keriso, e unyin hna ogânâ, me musi nyiele nyiele balua. Amen.

I. Peteru 4:14

Adre ne haikongu öbun can ien Keriso, hnobun hnahic; anyin ame laba unyibun Hanon hmanenang me Hanon Khong.