Mataio 5:14 - Iaai Bible 1901 (New Caledonia)

¹⁴ Öbun e melaminy hmeledrany. E ca khana he ka iyong taun adre ip hon bucen.

Mataio 5:14 ပူးပေါင်းရင်းမြစ်များ

Ta je Vejec 4:18

Ke haba gethen deny tavat ae wisa me helâ me melam ae hadröngöc, Ame melam tot ke ne o but jebigö.

Ezekiela 5:5

Walang hna ha hnen Than Iehova, ka habe, Walang Jerusalema: oge hia but ip e hnyi wanben je hnyei, ke ame laba ta je hnyei igigilo.

Ioane 12:36

Kap ju melam e me tiga e unyibun melam, mʼ öbun e lakon melam bi. Iesu ame ha hofuc e, me ame he but, kʼ ame labö duöng gadra.

Ioane 5:35

E thibi lamepa ame ubâhlâ me umumelam: ke e webun he ka senyin ge iumumelaminy hnyi ke ûen.

Ioane 8:12

Iesu ame ha hmetu ködra, ka habe, Inya ang melaminy hmeledrany: haba at ame he ka he hotuk, e ame ca he ka he hnyi menekholom, kʼ ame he bi ka hu melaminy möt.

Ioane 9:5

Hnyi ûen a inya ang hmeledrany, inya ang melaminy hmeledrany.

II. Korinito 6:14

Ca ûhûkölöbun monu köu me tavat adre me ca labageju bi: anyin ame he ka hawa hwakecin ae wisa he ka tha e me hwakecin ae ca wisa bi? ke ame he ka hawa ka tha e melam me menekholom?

Filipi 2:15

me me ba hnyikongubun me hna okongoâ, mʼ öbun lakon Khong bi, ke ba kongon hnyi hnyimakan dö ae hwali ke ûkhin fuc, ke so öbun e umumelam ködra hwakecibun, helâ me je melaminy hmeledrany,

I. Thesalonika 5:5

anyin a öbun hia thithö je lakon melam, me lakon lany: ca öta bi hanen lit me menekholom;

Hna Omanenâ 1:20

walang bongon ae iyong a ta je okhû a seven waleji u je wâ hnyi hnyamok a metök, me je taben lamepa gol a seven. Haba je okhû a seven, me wale ta je angela anyin ekalesia a seven: ke haba je taben lamepa a seven u je wâ, me wale ta je ekalesia a seven.

Hna Omanenâ 2:5

Anyin a wale ûnykûme ju hnâm hna ta hnyin, me ietra ju, me ânyâ thö ta je huliwa a bân; ke a ne ba, oge me he ka o köu he ka hom! taben ânyâm lamepa ûnyi hnyi hnen, u ka ca ietra.