Mataio 5:12 - Iaai Bible 1901 (New Caledonia)

¹² Senyin dʼ öbun me hobâ: anyin ae gan hmâ hwaböbun ethö hnyi drany; anyin a helâe adre me ovecâ ta je perofeta a bân.

Mataio 5:12 ပူးပေါင်းရင်းမြစ်များ

Genese 15:1

HWABAN ta je ûnyi e ame o thö hofuc ho Iehova kö Aberama hnyi hna omanenâ, haingen, ka habe, Aberama lö, ca ot: inya ang becâm, me troban hobi köu ae ti gan hmâ.

I. Je Than 18:13

Hawa, a ca thumetu u than waleji ge hnok hna ânyâ hnyi ûen ame hlingâ je perofeta anyi Iehova ga Jezebela, a oge me ikhâlâ ta je perofeta anyi Iehova a wan haded, ûsa fifte hnyi li op, me haödrin, me habelidrin?

I. Je Than 18:4

ke haba hnyi ûen Jezebela ame subâ degecâ je perofeta anyi Iehova, haba Obadia ame hom je perofeta a wan haded, me ikhölʼ ödrin ûsa fifte hnyi li op, me haödrin me habeledrin.)

I. Je Than 19:2

Me haba Jezebela ame kunâ ûthumetu kö Elia, me ha, ka habe, Ame be je khong ka ânyâ helâe könya me bi hanen minya, oge ne ca ânyâ ânyâm möt me me tha ûcû me möt anyin ke at gadrin, ame ne bong nyi hnyi awa eang.

I. Je Than 21:20

Haba Ahaba ame ha kö Elia, ka habe, E, iwahnaihmiony mönya, u je ō nya bi? Haingen, ka habe, Oge hia but ō u: anyin a u je ûcû u bi he ka ânyâ hulö hnyi hnyimakö Iehova.

I. Je Than 22:8

Haba than Isaraela ame ha kö Jehosafata, ka habe, Khaca biju at jia Mikala nöku Imela, me e khanʼ otin he ka hnei Iehova a deny e: ke so bi hûkötiânök e; anyin a e ame ca perofeta ûnyi ae so gak, ke ûnyi bi ae kong. Ke haingen Jehosafata; ka habe, Than, ca ha helâe.

II. Je Than 1:9

Haba than ame kunâ kâu taben tavat a fifte tha e me anyin tavat a fifte. Ke e ame ölö but kâu: ke wâ bi e ame laba hon ban dok ae hut. Ke e ame ha kâu, ka habe, Aten Khong lö, haingen than, Utut.

II. Man Ûlabainy Je Than. 16:10

Me ame hmonyin Asa ka at wâ, me ip hnyi uma ceat; anyin a e ame hmonyin kâu can hofuc e. Ke Asa ame ovecâ keihen tavat hnyi ûen eling.

II. Man Ûlabainy Je Than. 36:16

Ke so bi ödrin e hluma je uthumetu anyin Khong, me hûkotiâ hwan hofuc, me hiâ anyin je perofeta, ke ne o but ame okûâ hmonyin anyi Iehova ka lakeiny, ke ne o but ae ba ûnyi hnân omelö.

Nehemia 9:26

Ke so bi ödrin e ca ûling, ke ödrin e hna degeci u, me hna hotudrin ai ânyâm hnanyibu, me hlingâ ânyâm je perofeta tavat adre me thawʼ ödrin, he ka ohmetu ödrin köu, ke ödrin e oâ hmonyin ae gan hmâ.

Salamo 19:11

Kʼ adre me khû hnyekon athnyabaem ge ta je ûnyi e: Ke gan hmâ troban kodra tavat adre me long hoton.

Salamo 58:11

Me me be bi tavat ka ha, ka habe, E hnathu e hu troban hobi kâu at ae wisa: E hnathu e hu Khong at ame owisa eang hmeledrany.

Ta je Vejec 11:18

Ame bi huliwa iyawo hnen at ae kong: Ke haba at ame ta hwakecin ae wisa me hu hwaban ae hnathu.

Isaia 3:10

Ha thö ka at ae wisa hwakeciu, ka habe, ame he ka hu so gan; anyin adre me he ka an wan anyidra huliwa.

Jeremia 2:30

Oge kot je lakubun ke ûnyi baû bi; adre me ca kap hna nʼ ödra; hnen anyibun hele vat hna an anyibun je perofeta, helâ me liona at ame ohia.

Jeremia 26:8

Ke a hia but Jeremia ha hia hna hûna kâu hnö Iehova he ka ha ka tavat hia, me ame kât e hnen tavat bihut, me ta je perofeta, me tavat hia me ha, ka habe, U me he but ka mok.

Jeremia 37:14

Ke haingö Jeremia, ka habe, U me thoi; oge me ca utut ka at Kaledaia; ke e ame ca long kâu: me Iria ame kuc Jeremia me hom e ka je taben.

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Mataio 6:16

Ke haba khaca, öbun ka he ka ânyâ ca han, ca helâ bi me man tavat thoi hnyok ae hmak hnyimakodra: anyin adre me okongoâ je hnyimakodra me me manen dut ka tavat a adre me ca han. E hnathu inya oge me ba köbun, ka habe, Adre hia but kap hwabödra.

Luka 13:34

Jerusalema, Jerusalema lö, at ame hlingâ ta je perofeta, me lû ödrin adre kunʼ ödrin kâu! e se hia wek he ka ûkhacaköuâ lakom, helâ me hinyen denakhoto ame tube lakon ge li labenyin, mʼ öbun höcö bi öbun!

Luka 6:23

Senyin dʼ öbun hnyi bong eling, me utsenyin: anyin a wâ bi, e gan hmâ hwa-böbun ethö hnyi drany: anyin adre me mâdrâ helâe ka ta je perofeta hnen lakamödra.

Luka 6:35

Ke betenge ju ge je iwahnaihmiony möbun, me mâdrâ thö so, me mē ham, ke ca ûnykûme bi; ke ame he ka gan hmâ hwaban köbun, ke öbun e he ka je lakon Beönua: anyin a e menyik kodra hia adre me ca ole bi, me tavat minya ae kong.

Ta je huliwa 16:25

Ke hnyi wanbenset haba Paulo me Sila ödru me hic me khumöng ka Khong, kʼ ame ling ödru hnen tavat wale adre me cʼ ödrin minya;

Ta je huliwa 5:41

Me ödrin e he but ûhedrin hnyi hnyimakan tavat ûhnenamö, me senyin anyin adre me hna ködrin he ka kong can Ien.

Roma 5:3

Ke ca walang thibi, ke so ate me senyin minya hnyi anyita je vec: anyin ae khanʼ öta a gʼ ame okûâ hokhnyok ûnyi ge vec;

I. Korinito 3:8

Ke khaca thibi at ame tā me at ame hû: kʼ ame he ka ve hu hwaban ae ûcû ka hnyi anyidru huliwa.

II. Korinito 4:17

Anyin a haba anyihmun vec ae hâhâ, wale ame ie hia, ame huliwan gan hmâ tot hobi kohmun hmanenang ae hmak ke nyiele balua;

Filipi 1:29

anyin adre hia but ham köbun ge Keriso, ca he ka hake labageju thibi kâu, ke so minya he ka vec can e:

Filipi 2:17

Eke, ke adre me ne hudi nya hnyi hut a huliwainy anyibun labageju, me oge me hobâ, me tha senyin mʼ öbun hia thithö:

Kolose 1:24

Ke walang ang inya oge me senyinâ anyik je vec hobi köbun, ke oge me obekhötâ hnyi unyik hounyin je vec anyin Keriso hobi kâu unyin e, wale a ekalesia;

Kolose 3:24

anyin ae khanʼ öbun a öbun e he ka hu hwaban ûnyi ge Than, wale jekhöû: ke öbun e bi athnyabainy Than Keriso.

I. Thesalonika 2:15

waleji a tavat adre me hlingâ Than Iesu, me ta je perofeta, me obʼ öhmun, kʼ adre me ca osenyinâ Khong, ke ödra je iwahnaihmiony me tavat hia thithö;

Heberu 10:34

Anyin a öbun e vec betenge ka tavat adre me ca, ke öbun e hokhnyok senyinâ hnödra hna söh anyibun ta je ûnyi, ke khanʼ öbun a gʼ ame hu gabun tang omjeû ae ûnyi hnathu, kʼ ame tethmâ bi.

Heberu 11:26

ke e ame ûnykûme a hing omjeû hnödra hna haikongoâ e can Keriso, hon ta je omjeûiny Aigupito: anyin a e ame wâ hmâ hing hwaban.

Heberu 11:33

waleji tavat adre me hom hwenbâ je dokhu ge labageju, me mâdrâ hwakecin ae wisa, me hu ta je hna ha bânâ, me hlöng ta je hnyimen liona,

Heberu 11:6

ke a ne ba labageju, me pason he ka osenyinâ e: anyin a haba at ame hakekenyâ Khong, me hamen he ka labageju, ka habe, ka e bi, ke e ame he ka bi hwaban ka tavat adre me elâm hwegiâ e.

Iakobo 1:2

Hnyat me lakeiny mönya lö, e so öbun e he ka ûnykûme a hnân senyin gan hmâ e ka o köbun ta je ûcûbic ae ve bongon;

Iakobo 5:10

Hnyat me lakeiny lö, hom dö je perofeta hnân tulut köbun hnyi vec me hok hnyok, waleji tavat adre me ha hofuc hnyi ien Than.

I. Peteru 4:13

ke so bi senyin dʼ öbun anyin öbun e tha hom vec me Keriso; mʼ öbun e be ka senyin gan hmâ e ka manen dut anyin hmanenang.

Rutha 2:12

E so Iehova ame bi hwaban ânyâm huliwa, me e so ame he Iehova Khongu Isaraela he ka ti bi hwaban köu, wale at a u je he jem he ka laba hmelen li labenyin.