Mataio 5:11 - Iaai Bible 1901 (New Caledonia)

¹¹ Hnobun hnahic e ka he tavat ka û öbun me oveci öbun, me haikongu öbun, me bai thoi öbun ge ta je ûnyi hia can inya.

Mataio 5:11 ပူးပေါင်းရင်းမြစ်များ

Salamo 35:11

Adre me todrö je at ohnathoâ ae ca wisa; Adre me hnei nya ge je ûnyi ae ca khanö nya.

Salamo 44:22

Eke, can iâm adre me hlingʼ öhmun hnyi je bong hia; Kʼ âdre me öû öhmun helâ me je mamoe hnân hlingâ.

Isaia 25:8

E ame hia but utâ mok me ohia e; ke ame he Than Iehova ka kot degecâ ta je deköiö ûnyi hnyi ta je hnyimak hia thithö; ke e ame he ka ohia hna haikongoâ lakeiny ûnyi eang hmeledrany hia: anyin ame ha Iehova.

Isaia 51:7

Ling nya ju öbun tavat ae khanʼ öbun wisa, tavat ae hu anyik hnanyibu eû hnyi hnyekudra; ca he ju öbun ka outen hna haikongu öbun ge at, ke ca gāubun ge hnödra hna hlumʼ öbun.

Isaia 66:5

Long ju öbun hofuc ho Iehova, tavat adre me öbubuny ge hwan hofuc, ka habe, A hia but ha hnen je liamekeiny möbun tavat adre me hûkötiʼ öbun, me digic öbun can iök, ka habe, E so adre oganö Iehova, mʼ öhmun e he ka wâ anyibun senyin; ke adre me he ka hmehma.

Jeremia 37:14

Ke haingö Jeremia, ka habe, U me thoi; oge me ca utut ka at Kaledaia; ke e ame ca long kâu: me Iria ame kuc Jeremia me hom e ka je taben.

Mataio 10:18

eke, adre me he ka lili öbun ka hnyi hnyimakan tavat musi me ta je than can inya, hnân ohnathoâ ködrin me Aten ta je hnyei.

Mataio 10:22

Ke ame he tavat hia thithö ka hûkötö köbun can iök: ke haba at ame he ka hokhnyok ke ne o but hnyi obiny, me ame he ka möt.

Mataio 10:25

E so ka at adre nâ ame ne tha ûcû me at ame nâ e, ke e ka tha ûcû hlu me tuhan. Adre ne hia but hawâ at ae tren hnyaba, ka habe, Belezebuba, hawa, adre me ca he minya ka hawâ ien aten hnyaban!

Mataio 10:39

Haba at ame wâ anyin möt, me ame he ka ohia e; ke haba at ame ohia anyin möt can inya, me ame he ka wâ e.

Mataio 19:29

Ke haba at ame he ka hna but uma, ke liamekeiny, ke haniny, ke kamen, ke hinyen, ke lakon, ke hnyei, can iök, me e ame kap wan haded ûsehiainy, me ame he ka hu minya möt ae ca ba balua.

Mataio 24:9

Me adre me he ka hnʼ öbun dut ka tavat ûöveci, ke adre me he ka hlingʼ öbun: ke adre me he ka huköti öbun ta je hnyei hia thithö can iök.

Mataio 27:39

Haba tavat adre me he eling adre me hiâ e, me nyinyikâ je bödra,

Mareko 13:13

Ke ame he tavat hia ka hûkötiʼ öbun can iök, ke haba at ame he ka tethmâ ke ne o but obiny, ame he ka möt.

Mareko 13:9

Ke wâ eâu öbun, anyin adre me he ka hnʼ öbun ka tavat ûhnei; ke adre me he ka osoi öbun hnyin ta je sunago; ke öbun e he ka todrö hnyi hnyimakan ta je gavena me than, can inya hnân ohnathoâ kodra.

Mareko 4:17

ke ba iwân eû hnyidra, waleling mʼ adre me ca tethmâ bi; ke e ka o hlöuhlöu me ûöveci can hofuc, me adre me ie thö thö.

Mareko 8:35

Anyin a haba at ame beomelö anyin möt, me ame he ka ohia e; ke haba at ame he ka hna anyin möt can inya me evangelia, me e ame he ka omelö e.

Luka 21:12

Ke adre me he ka kot öbun, ke tiga ca o ta je ûnyi eling, me okongu öbun, me hnʼ öbun ka hnyi je sunago, me je uma ceat, me lili öbun ka je than me gavena can iök.

Luka 21:17

Ke ame he tavat hia thithö ka hûköti öbun can iök.

Luka 6:22

Hnobun hnahic e ka he tavat ka hûköti öbun, me obʼ öbun, me haikongu öbun, me degec je iöbun helâ me ûnyi ae kong can Nokon at.

Luka 9:24

Anyin a haba at ame beomelö anyin möt, me ame he ka hia e; ke haba at ame hna but anyin möt can inya, me adre me he ka omelö e.

Ioane 15:21

Ke adre me he ka ânyâ ta je ûnyi hia eling köbun can iök, anyin a ca khanʼ ödra at a kunö nya.

Ioane 9:28

Me ödrin e oû e, me ha, ka habe, U at bi u a aten; kʼ ohmun je latö Mose bi öhmun.

Ta je huliwa 9:16

anyin oge me he ka omanenâ kâu ûganiny vec e ame he ka hom can iök.

Roma 8:36

Helâ me hna sihnalimen, ka habe, Adre me hlingʼ ohmun hnyi ta je bong can u; Adre me oûcû ohmun me ta je mamoe hnân hlingâ.

I. Korinito 4:10

Ohmun tavat ae monu can Keriso, ke öbun e meta but unyi Keriso; ohmun e sēnyin dut, ke öbun e hwege bi öbun; e hu hnân ogânʼ öbun, ke ohmun tavat baû.

II. Korinito 4:11

Anyin a haba öhmun hnyat ae möt, adre me hnʼ öhmun bala ka hnyi mok ga Iesu, me me manen minya but hnyi je unyihmun ame he ka bobot möt anyi Iesu.

Filipi 1:29

anyin adre hia but ham köbun ge Keriso, ca he ka hake labageju thibi kâu, ke so minya he ka vec can e:

I. Peteru 2:23

waleji adre oû, ke ame ca hnyi fuc bi; kʼ adre ovecâ, ke e ame ca ha ooti ödra hmetu; ke e ame ka hna e bi ka at owisa hnathoâ:

I. Peteru 4:14

Adre ne haikongu öbun can ien Keriso, hnobun hnahic; anyin ame laba unyibun Hanon hmanenang me Hanon Khong.

Hna Omanenâ 2:3

ke u je hok hnyok me lingvec can iök, ke u me ca sënyin bi.