Mataio 4:4 - Iaai Bible 1901 (New Caledonia)

⁴ Me e ame thu me ha, ka habe, Adre hia but sihnalimen, ka habe, Ame ca he ka möt at ge areto thibi, ke hnen bi ta je hofuc hia ame o but ûnyi hnyi hnyimen Khong.

Mataio 4:4 ပူးပေါင်းရင်းမြစ်များ

Esodo 16:15

Ke a wâ but e hnen lakon Isaraela, adre me ûhaköuâ, ka habe, Ieû ang? Anyin ae ca khanʼ odra bongon. Ke Mose ame ha ködra, ka habe, Wale jeû Iehova ame ham köbun.

Esodo 16:35

Ke haba lakon Isaraela adre me han mana hnyi je huna a fâte, ke ne o but adre me o ka hnyi hnyei ae hu aten; adre me han mana ke ne o but adre me o but ka hnyi je hnyigöulen hnyei Kanana.

Esodo 16:8

Ke haingö Mose, ka habe, Eâu sahac ame he Iehova ka ha öbun ge meno, me jeû hnyi hnyomakatu me me sekubun; anyin a löng ut Iehova hnöbun hna etra: ke ie li at ohmu? kʼ öbun e ca etrʼ ohmu, ke Iehova bi.

Esodo 23:15

U me he ka bijeûâ areto adre ca levenâ bi: seven ta bong u me he ka han areto adre ca levenâ, helâ me hnök hna hûna köu, hnyi ûen adre thu, hnyi tehi Abiba (anyin a u je he but ûhem Aigupito hnyi tehi eling); ke ca he ke at ka manen hnyi hnyimakök ke ba ûnyi:

Mataio 15:11

Ca ûnyi bi ame dit ka hnyi hnyem ame okongoâ at; ke so bi ûnyi ame didrut ûnyi hnyi hnyem, wale bi e ame okongoâ at.

Mataio 4:10

Ke haba Iesu ame ha kâu, ka habe, Satana lö, kec dö: anyin adre hia but sihnalimen, ka habe, U ma he ka khudrung ka Than a Khongom, me bi athnyabainy thibi.

Mataio 4:7

Haba Iesu ame ha kâu, ka habe, Adre hia but sihnalimen minya, ka habe, U me ca he ka cubec Than a Khongom.

Mareko 7:20

Ke haingen, ʼ ka habe, Haba ûnyi ame didrut ûheny hnyi hnyekon at, wale ame okongoâ at.

Luka 4:12

Haba Iesu ame thu kâu, ka habe, Adre hia but ha, ka habe, U me ca he ka cubec Than a Khongom.

Luka 4:4

Haba Iesu ame thu kâu, ka habe, Adre hia but sihnalimen, ka habe, Ame ca he ka möt at ge areto thibi.

Luka 4:8

Haba Iesu ame thu kâu, ka habe, Adre hia but sihnalimen, ka habe, U me he ka khudrung ka Than a Khongom, me bi athnyabainy thibi.

Ioane 15:26

Ke e ka o Ûhadruo wale oge me he ka kunâ köbun ûnyi ge Kamen, wale Hanon hnathu, at ame he but ûnyi ge Kamen, me e ame he ka ohnathu nya:

Ioane 6:63

Haba at ame omelö, me hanu; ke ca ûnyi hnathu bi unyin: haba ta je hofuc oge hia but ha köbun, wale hanu me möt.

Roma 15:4

Anyin a haba ta je ûnyi adre sihnalimen adrem, me adre me sihnalimen hnân nʼ öta, me me hu anyita geju hnen hokhnyok me kaukahwa ûnyi hnyi je hna sihnalimen.

Efeso 6:17

Ke hom minya thʼ öbun hnabicen vat anyin ûhomeli, me hele vat anyin Hanu, wale hofuc hwan Khong:

Deuteronomi 8:3

Ke e ame oûhnyûkongi u, me omekihnânemi u, me hâm ge mana, wale ûnyi ae ca khanö u, ke ca khana minya lakâmâm; me me khanö u thö a gʼ ame ca möt at hnen thibi areto, kʼ ame möt bi at hnen ta je ûnyi hia ame o ûnyi hnyi hnyimö Iehova.