Mataio 4:3 - Iaai Bible 1901 (New Caledonia)

³ Me ame o but kâu at ame ûcûbic, me ha, ka habe, U je ne Nokon Khong, ha thö, me me areto but je veto ang.

Mataio 4:3 ပူးပေါင်းရင်းမြစ်များ

Esodo 16:3

ke haingen lakon Isaraela ködru, ka habe, Ohmun na mokcu hnen hnyamö Iehova hnyi hnyei Aigupito waleji ohmun e laba hnyi je hna öt meno, me han areto me sekuhmun; anyin a öbe hum ohmun ka hnyi hnyebuba eang he ka hlingâ ûkhacaköu ang hia ge mekihnânem.

Mataio 14:33

Ke haba aten hu ödrin e khudrung kâu, me ha, ka habe, E hnathu u thibi Nokon Khong.

Mataio 16:16

Haba Simona Peteru ame thu me ha, ka habe, U thibi Keriso a Nokon Khong ae möt.

Mataio 26:63

Ke baba Iesu ame laba hnyibû, Me haba at bihut ae nua ame ha kâu, ka habe, Inya oge me hûna hwegiâ köu ge Khong ae möt, mʼ u me he ka ha kohmun, ka habe, U thibi Keriso a Nokon Khong, hawa?

Mataio 3:17

ke wâ bi ke hwan ûnyi hnyi drany, ame ha, ka habe, Walang Nokuk a oûnykûmik, at oge me ti senyin gan.

Mareko 1:1

WALANG hwâniny ûthumetu ae so anyi Iesu Keriso, a Nokon Khong.

Mareko 3:11

Ke hnyi je ûen a wâ but e hnen ta je hanu ae kong, me ödrin e nom ju kâu me hongot, ka habe, U thibi Nokon Khong.

Mareko 5:7

me fuc ae gan hwan, ka habe, Ieû gam könya Iesu a Nokon Khong ae beönua? Inya oge me khöû köu ûnyi hnyi ien Khong, u ma ca oveci nya.

Luka 1:35

Ke haba angela ame thu me ha kâu, ka habe, Ame he ka o köu Hanu Kap, me ame he ka tungi u hnen man maniny Beönua: anyin a wale adre me he ka hwenyi ien at adre me he ka hnokoâ, me kap; a Nokon Khong.

Luka 22:70

Haingödra hia, ka habe, A u e Nokon Khong? Me e ame ha kodra, ka habe, Öbun e ha e, a inya ang.

Luka 4:3

Haba diabolo ame ha kâu, ka habe, U je ne Nokon Khong, ha thö ka je veto ang e me areto but.

Luka 4:41

Ke ame dit minya je demoni ûhedra hnyin tavat ae se hia, adre me hongot me ha, ka habe, U thibi Nokon Khong. Ke e ame thawʼ ödra, mʼ adre me ca he ka fuc, anyin adre me wâhmakhmeto but a e thibi Keriso.

Luka 4:9

Ke e ame hom e Jerusalema ai, me ip e hon baitoiny uma kap, me ha kâu, ka habe, U je ne Nokon Khong, utut jime thö:

Ioane 1:34

Ke oge hia but wâ me ohnatho, a e thibi Nokon Khong.

Ioane 1:49

Haba Nathaniela ame thu kâu, ka habe, Kabi, u thibi Nokon Khong; u thibi Than Isaraela.

Ioane 20:31

ke adre hia but sihnalimen ta je ûnyi e me öbun e he bi ka labagejon a Nokon Khong Iesu Keriso: ke ûnyi ge hnobun hna labageju me ame he ka ha möt köbun ûnyi hnyi ien bi.

Ioane 9:35

A long ut Iesu a gʼ adre hia but obâ e; me e ame wâ e me ha kâu, ka habe, Hawa, u me labageju ka Nokon Khong?

Ta je huliwa 9:20

Ke e ame ie kheti Iesu hnyi je sunago, a e thibi Nokon Khong.

II. Korinito 1:19

Anyin a haba Nokon Khong, a Iesu Keriso, waleji öhmun e khetâ köbun, a inya me Silevana, me Timoteo, me ca eke, me e ba, ke ûnyi gan bi, ka habe, eke.

Galatia 2:20

Adre hia but tha osatauroi nya me Keriso; ke iny möt bi; ke ca inya hmetu bi, ke Keriso bi at ae möt eû hnyik: ke haba möt oge me melö hnyi unyin, inya oge me melö e hnen labageju ka Nokon Khong, waleji at ame betenge gak, me ka ham e hnân hobi könya.

I. Thesalonika 3:5

Can thibi e, ke ca khanö nya hmetu bi he ka hok hnyok, me oge ûkhûnöng he ka wâ anyibun labageju, wâ e nye cubic öbun hnen at ûcûbic, me ame he ka ûnyi baû but anyihmun huliwa.

Heberu 12:16

wâ e nye hu ke at bi ûnyi monu, me at thothom baga helâ me Esau, waleji at ame ham hwajekhon atö he ka ûco ûjeû.

Heberu 4:14

Ke hu but gata hing at bihut ae nua, at ame hia but vheno drany ethö, wale Iesu a Nokon Khong, anyin a wale e so ate me kât hmâ anyita hmi.

Heberu 7:3

ae ba kamen me hinyen, ke ba minya deo lakiben, ke ba minya hwân ta je bonginy, ke ba minya obiny möt, ke adre oûco me Nokon Khong), me, e at bihut bala bi.

I. Ioane 3:8

ûnyi ge diabolo at ame ânyâ hulo; anyin ame ânyâ hulo diabolo ûnyi hnyi can. Kʼ a manen dut Nokon Khong, me me he ka ohia ta je huliwa anyin diabolo.

Hna Omanenâ 2:10

U ma ca outen ta je ûnyi ame he ka oveci u: wâ bi, ame he diabolo ka khûâ keihen gabun ka hnyi uma ceat, mʼ adre me he ka cubic öbun: ke ame he ka libenyita je bonginy vec a öbun. U ma hnathu ju ke ne o but ka hnyi mok, me oge me he ka ham köu koronainy möt.