Mataio 4:24 - Iaai Bible 1901 (New Caledonia)

²⁴ Ke e ame lung igigilo Suria hia thithö: me adre me hom but kâu tavat ae mok hia thithö, wale ame takû ödra ge je ve mok me vec, tavat a delec demoni, me ing, me mat, me e ame omeli ödra.

Mataio 4:24 ပူးပေါင်းရင်းမြစ်များ

II. Samuela 8:6

Ke haba Davita ame otilâ je lap tue hnyi Suria hnyi Damaseko: ke ame bi lakei Davita but at Suria, me adre me hom je bwihlany. Ke Iehova ame ham dökhu kö Davita hnyi je hnyei e ame he ka hnyin hia.

I. Je Than 10:1

KA long ut momo than Sheba lung anyi Solomona hnyi iö Iehova, me e ame o but he ka cubec ge je hofuc ae iyong.

I. Je Than 4:31

Ke e beönua anyin metâ hon tavat hia thithö; hu Ethana at Ezera, me Heman, me Kalekol, me Dada, je laku Mahola; ke e lung hnyi ta je hnyei hia igigilo.

I. Man Ûlabainy Je Than. 14:17

Me ame he but ehele ûlungi Davita ka hnyi ta je hnyei hia; ke Iehova ame ânyâ me me he ka outen e ge ta je hnyei hia.

I. Man Ûlabainy Je Than. 29:2

Ke iny ti hwege penapena hobi kâu uma umen Khonguk gol hnân je ûnyi gol, me sileva hnân je ûnyi sileva, me bras hnân je ûnyi bras, me fao hnân je ûnyi fao, me uto hnân je ûnyi uto; me je veto soama, me je veto hnân ohmâ, me je veto hnân omecâ, ae se makan, me je veto hia ae ûnyi hnathu, me je oût ae hau ae se hia.

Esodo 15:26

ke haingen, ka habe, U ka he ka löng wia hofuc ho Iehova a Khongom, me ânyâ ûnyi ae wisa hnyi hnyimakan, me tevehlöng hnen hna hûna, me tuö anyin je hnanyibu hia, oge me ca he ka kunâ köu ta je mok waleji oge kunâ ka at Aigupito: anyin a inya Iehova at ame osoi u.

Mataio 12:22

Adre me hom but kâu ke at a delec demoni, ae wadröu, ke hum: me e ame osoâ e, me ame fuc dö at ae hum me bwela.

Mataio 14:1

HNYI ûen eling a long ut Heroad than lung a Iesu,

Mataio 15:22

Me wâ bi, ame o but ke momo Kanana ûnyi hnyi je hnyegöulen hnyei eling, kʼ ame hongot tenge, ka habe, Than a Nöku Davita lö, betenge ju gak; ame vec ut nokuk hlu a delec demoni.

Mataio 17:15

Than lö, betenge ju ge nokuk: anyin a e ame ing, me gan hmâ vec: anyin a e ame osehia but ta eû hnyi meic, ke osehia minya ka hnyi köiö.

Mataio 17:18

Haba Iesu ame thawâ e, me ame didrut demoni ûnyi hnyin: me ame möt dö da hwân hnyi ûen e.

Mataio 4:23

Ke Iesu ame vheno Galilaia hia thithö, ame ûne hnyin umödrin je sunago, me khetâ ûthumetu a soiny dökhu, me ohia ta je mok hia thithö, me ta je sēnyin hia hnyi hnyei.

Mataio 8:28

Ke e ame khop dö hnyi ke keihen, hnyi hnyei iny at Gadara, me ame ûkhanö mē li at a dilic ödru demoni, ödru me he ûhedru hnyi je erkemok, ödru ti hwege monu, wale, me me ba at ame vheno gethen eling.

Mataio 8:33

Ke ame kec dö hnyat ödrin e tuö me he ka hnyi taun, me ûthumetu ge ta je ûnyi hia, me hna ânyâ ka li at a dilic ödru demoni.

Mataio 8:6

me ha, ka habe, Taböny Than, haba athnyabaik ame mokulec mok a mat eiö hnyin uma, ke vec gan hmâ.

Mataio 9:26

Ke ame lung igigilo hnyi hnyei hia eling ûnyi e.

Mataio 9:35

Ke haba Iesu ame vheno ta je taun me ta je hnyaba hia, ame ûne hnyi umödra ta je sunago, me khetâ ûthumetuiny dökhu ae so, me osoâ ta je mok hia, me ta je sēnyin hia.

Mareko 1:28

Me ame ie lung igigilo ka hnyi je ke keihen hia hnyei Galilaia.

Mareko 1:32

Hnyi sahac, ke ame he but ka dit seûno, me adre me hom but kâu ta je komok hia, me tavat a dilic ödra demoni.

Mareko 2:3

Ke adre me hom but kâu at ae mat, ame vadren hnen hnyat a vak.

Mareko 2:4

Ke ca khanʼ ödrin bi he ka hakekenyâ e, anyin ae ûhneki tavat, me ödrin e khong hon uma wale hnyi dok a e cicö: ke ödrin e hia but kia, me ödrin e hnahna but hna mokut wale ame mokut at ae mat hon.

Mareko 2:9

Ieû ae hâhâ he ka ha ka at ae mat, ka habe, Adre hia but thang degecâ ânyâm je hulö, me he ka ha bi kâu ka habe, Tödrö, hom dö hnâm me he thö?

Luka 2:2

Wale hna sihnalimen a bân hnyi ûen Kurenio ame musi hnyi Suria.

Luka 4:14

Ke Iesu ame hmetu Galilaia ai hnyi maniny Hanu: me ame lung igigilo e hnyi je ke keihen hia.

Luka 4:38

Me e ame todrö ûheny hnyi sunago me didro ka hnyi uma umo Simona. Ke haba hinyen öiö Simona ame moko kahwa ae gan hmâ; ke adre me khöû kâu hobi kâu momo.

Luka 5:15

Ke e ame lung tot igigilo: ke ame ûkhacaköu tavat ae se hia he ka long, me he ka möt ut ge ta je mok gadra.

Luka 5:24

Ke so bi, me me manen köbun ae tren man Nokon at eang hmeledrany he ka hna degecâ ta je hulö (e ame ha ka at ae mat, ka habe). Inya oge me ha köu, Todrö me hom minya thö hnâm me he ka hnyi umâm uma.

Luka 7:17

Me ame lung hnyi Juda me je ke keihen hia igigilo ûnyi eling gan.

Ioane 10:21

Haingen keihen, ka habe, Haba ang, me ca ifucin at ae hu demoni unyin. Hawa, e khana demoni he ka obwela li emakan at ae wadröu?

Ta je huliwa 10:38

wale Iseu at Nazareta, ke haba Khong ame hû e hnen Hanu Kap me man; ke e ame labö vheno hnyei he kâ betenge ge at, me osoâ tavat ame oveci ödra diabolo; anyin a tha mē Khong.

Ta je huliwa 15:23

kʼ ödru me hom adre me sihnalimen, ka habe, Haba je aposetolo, me je liamekeiny a wahingat, me adre me italofa me je liamekeiny a Aten ta je hnyei hnyi Anetioka, me Suria, me Silikia:

Ta je huliwa 15:41

Me e ame vheno Suria me Silikia, ame sihwegiâ ta je ekalesia.

Ta je huliwa 28:9

Ke ame um dö e haba keihen ame takû ödra mok hnyi bomene, adre me o but, me e ame osoi ödra:

Ta je huliwa 8:7

Anyin a ta je hanu ae kong adre me didrut ge tavat ae se hia ae hu gadra, adre me fuc hwege goranyai; ke se hia tavat ae mat, me tavat ae kong je cadra, adre so but.

Josua 6:27

Ke tha Iehova me Josua, me ame lung hnyi hnyei hia.