Mataio 4:1 - Iaai Bible 1901 (New Caledonia)

¹ KE haba Hanu ame hum Iesu ka hnyi hnyebuba, e me he diabolo he ka cubec e.

Mataio 4:1 ပူးပေါင်းရင်းမြစ်များ

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

I. Je Than 18:12

Ke oge me ne he eâu ka he gam, me ame he Hanu Iehova ka hum u ka hnyi dok ae ca khanö nya; ke iny ka he but me thumetu Ahaba, ke e ame ca ō u, me e ame he bi ka hlingö nya: ke inya athnyabaem oge me outö Iehova hwân kʼ iny tiga wanakat.

II. Je Than 2:16

Ke ödrin e ha kâu, ka habe, Wâ bi, wale unyin lathnyabaem hnyat ae hwege a fifte; e so ödrin e he me elâm at ame nö u: ame ne hom e ge hanu Iehova, me khûâ ka hnyi hon keʼ bucen, ame ne hnyigöulen bucen. Me haingen, ka habe, Ca he öbun ka ûkhûnöng.

Ezekiela 11:1

KE haba hanu ame köp nya göranyai me hum nya ka hnyi homagouleny uma umö Iehova e jimeio, hnyi hnyimakan e deiö: ke wâ bi, wale hnyi homagöule ödrin twente faiv tavat; ke oge me ō Jazania nöku Azura hnyi wanbödrin, me Pelatia nöku Benaia, li taben tavat.

Ezekiela 11:24

Ke haba hanu ame köp nya göranyai, me hum nya Kaledaia ai ka ta je bâ, hnyi hna omanenâ hnen hanon Khong. Me ame ölö thö gak hna omanenâ waleji oge me wâ.

Ezekiela 3:12

Ke haba hanu ame köp nya göranyai, ke oge me long hnyi hotuk hofuc hwawadring ae hwege, ame ha, ka habe, E so he ka haisoâ hmanenangi Iehova ûnyi hnyi hnen.

Ezekiela 3:14

Me hanu ame köp nya göranyai, me hum nya: ke oge me he but, ke iny vec me hmonyin, ke e hwege hnyamö Iehova huk.

Ezekiela 40:2

Hnyi je hna omanenâ ûnyi ge Khong e ame hum nya ka hnyi hnyei Isaraela, me ip nya hon bucen ae beû göranyai, ke haba hnyi hon e e hu helâke bongon ke taun hnyi hwaiöu.

Ezekiela 43:5

Ke haba hanu ame köp nya göranyai, me hum nya ka hnyi hnyeule eiö hnyin; ke wâ bi ame unöngötö uma ge hmanenangi Iehova.

Ezekiela 8:3

Ke e ame hinöbeny helâke hnyam, me kât leûnen bok: ke haba hanu ame köp nya göranyai wanben hmeledrany me drany, kʼ ame hum nya Jerusalema ai hnyi hna omanenâ ûnyi ge Khong, ka hnyi hlinginy homagöule ka hnyi hnyeule eiö hnyin ka hnyi hwadro; wale taben idolainy ciâ hnyin, at ame ociâ.

Ioane 14:30

Oge me ca he hmetu ka ose hia fuc köbun, anyin ame he jem tuhan eang hmeledrany:

Ta je huliwa 8:39

Ke ödru me ölö thö ûhedru hnyi an, haba Hanon Than ame hûgûnö Filipo but; ke ame ca wâ hmetu e hnen eunuka, anyin a e ame he senyinâ hnyi deny gethen.

Roma 8:14

Anyin a haba tavat ame su ödra Hanon Khong, me ödra thibi e je lakon Khong.

Heberu 2:18

E ûcû kâu he ka hadru ödra adre cubic ödra, anyin a e ame hom vec hnyi hna cubec.

Iakobo 1:14

ke adre me ve cubec tavat, a gʼ adre lili Ödra hnen je wedra bi ae kong, me iyawâ.