Mataio 3:9 - Iaai Bible 1901 (New Caledonia)

⁹ ke ca ûnykûme he ka ha eû hnyi je hnyekubun, ka habe, Aberahama kamöta: anyin oge me ha köbun e khana Khong he ka okûâ lakon kö Aberahama ûnyi hnyi je veto ang.

Mataio 3:9 ပူးပေါင်းရင်းမြစ်များ

Ezekiela 33:24

Nokon at lö, ame ha tavat adre me labâ je dok ae hwahwacit ehele hnyi Isaraela, ka habe, Hake Aberahama thibi, ke e hu gan hnyei: ke ohmun se hia bi; ke adre hia but ha kohmun hnyei me me ihmun.

Mareko 7:21

Anyin a ûheny hnyin, wale ûheny hnyi hnyekon tavat, ame didrut je hna ûnykûme ae kong, me bi ûnyi monu,

Luka 12:17

me e ame ûnykûme eû hnyi hnyekon, ka habe, Ieû oge me he ka ânyâ, anyin ae ba hnen anyik ta je ûnyi?

Luka 16:24

Ke e ame hongot me ha, ka habe, Cica Aberahama lö, betenge ju gak, ö u me kunö Lazaro, me me he ka hûlûlûâ ban banyen hnyi köiö, he ka okatebo bohmök; anyin a oge me vec gan hmâ hnyi meic ang.

Luka 19:40

Me e ame thu, ka habe, Inya oge me ha köbun, a ne laba hnyibû ju tavat ang, ame he bi ta je veto ka fuc.

Luka 3:8

Anyin a wale wa but öbun wan ae ûcû me ietra, ke ca hwân öbun he ka ha eû hnyi je hnyekubun, ka habe, Aberahama kamöta: anyin a inya oge me ha köbun, ka habe, e khana Khong he ka bi mâtrâni Aberahama, ûnyi hnyi ta je veto ang.

Luka 5:22

Ke ame manen dut kö Iesu hnödrin hna ûhnenamö, me e ame thu me ha ködrin, ka habe, Ieû gabun öbun e ûhnenamö eû hnyi je hnyekubun?

Luka 7:39

Ke a wâ but Faresaio at a hawâ e, me e ame ha eû hnyi hnyekon, ka habe, Haba at ang, a ne perofeta, me e khana but bongon momo ang me hwakecin at ame kâlâ e, anyin a e momo ae kong.

Ioane 8:33

Me adre me thu kâu, ka habe, Ohmun je mâtrâni Aberahama, ke tiga ca hom hwenbʼ ohmun hnen ke at: a hawa, u me ha, ka kabe, Adre me he ka hnʼ öbun dut?

Ioane 8:37

E khanö nya a öbun je mâtrâni Aberahama; ke öbun bi öbun e elâm he ka hlingö nya, anyin ae ba hnen hok hofuc eû hnyi je hnyekubun.

Ioane 8:53

Hawa, u gan hon kamöhmun a Aberahama, waleji a mokcu? ke mok minya ju ta je perofeta: ke u ia bi u?

Ta je huliwa 13:26

Hnyat me lakeiny lö, je lakon je mâtrâni Aberahama, me tavat adre me outen Khong unyibun, adre kunâ köta hofucin ûhomeli ang.

Ta je huliwa 15:14

Haba Simona ame hia but omanenâ hnen Khong hna senâ bânâ Aten ta je hnyei, he ka hom ûnyi gadra hnyei hobi kâu ien.

Roma 4:1

ANYIN a wale, ate me he ka ha ieû ame wâ hnö Aberahama a kamöta hnyi unyin!